Chawngte C-ah nu pakhatin a pasal a sat hlum!

Aizawl | August 23, 2026: Chawngte C-a cheng Lokhi Mala (38) chuan tukin dar 9:30 vel khan a pasal, Bipin Kumar Chakma (45) chu an In chhungah chempuiin a sat hlum!

Thu lakna tarlan danin, Bipin Kumar te hian Chawngte C-ah In leh lo neiin, an In chu mi dang luahtirin, anni hian mi In luah ve lehin, an chhungkuain zu (a senchi leh beer) zuarin Chawngte C-ah tho hian an khawsa nia sawi a ni.

Bipin Kumar tunhnai khan Silchar-ah zu la turin anmahni pick-up hmangin a kal a, Silchar-ah hian tu tih hriat loh ten an kidnap a, a pawisa leh zu te pawh an laksak vek niin Bipin Kumar hian a chhungte hnenah a sawi a. Silchar aṭang hian a fapa nen haw chho in, Chawngte C an thlena In an luh hlim hlawtah he tualthahna hi a thleng chawpchilh mai nia sawi a ni.

He thu buatsaih lai hian, Lokhi Mala hian eng vanga a pasal hi that ta mai nge a nih hriat a ni lova, Silchar atanga an rawn thleng hlim hlawl a lo bei ta mai hian mi mak tih a hlawh hle.

An thaw hria hian thenawm khawveng an tlan khawm a, mahse, Lokhi Mala in chhungah hriamhrei nen ṭan a lo khawh a, a vau avangin ṭhenawm te hovin an pawh mai ngam lo a, Police te an thlen hnuah in chhungah lutin Lokhi Mala chem ken lai an chhuhsak ta a ni.

Police an thlen hian Bipin Kumar hi a lo thi fel tawh niin thu dawn a ni a. Lunglei FSL lam pawhin tualthahna hmun hi thleng thuaiin, evidence atana thil ṭul turte la khawmin enfiah ngai ang angte an enfiah nghal bawk a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]