Zirnain a tawrh loh nan MIGAHTA leh Sorkar inbiakna-ah MZP-in Palai hna thawk

Aizawl | July 29, 2026: Mizo Zirlai Pawl (MZP) chuan Mizoram Government Adhoc Aided High School Teachers' Association (MIGAHTA) tena an School provincialised tura an nawrhna chu zirlaite zirna-ah nghawng thalo a neih theih avangin MZP chuan a ngai thutak hle a. Zirlaite hmakhua hriltu leh zirlaite khawih thil a nih avangin MZP chuan palai hna a thawk a, a changtu Minister Dr Vanlalthlana chu vawiin ni 29 July, 2026 khan MZP Pisa Pui-ah lo lengin MIGAHTA te thil ngiat leh an nawrhna chungchang chu sawipui a ni.

Vawiin vek ni 29 July, 2026 chawhnu dar 3:00 khan hemi chungchangah tho hian Pu Lalmuanpuia Punte MLA, Adviser to CM (Political) hovin Mizoram Government Adhoc Aided High School Teachers' Association leh MZP te chuan MIGAHTA te harsatna tawh leh an thil phut te sawihona neih leh a ni bawk.

MZP chuan hemi chungchangah MIGAHTA leh Sawrkar lam chu an inbiak fel vat theih a beisei a. Zirlaite zirnain a tawrh loh na turin MIGAHTA leh Sawrkar te inbiakna-ah Palai hna thawkin a theih ang angin hma a la chhunzawm zel dawn a ni.