Aizawl | July 17, 2026: Rajya Sabha MP K Vanlalvena chuan vawiin chhun khan Aizawl Press Club-ah thuthar thehdarhtute kawmin, Mizoram mipui leh Mizo mipui te hnenah lawmthu a sawi a, amah thlawpa tawngtaisak thintute chungah lawmthu a sawi bawk.
"Ka term zawh hnua min thlak tu Mizoram Rajya Sabha MP thar Pu K Laltluangkima ka lawmpui a. Mizoram leh Hnam tana mi tha leh tangkai tak ni turin duhsakna ka hlân bawk a ni," a ti a, "MP ka nih chhungin mimal emaw, party leh pawl ho emaw,kohhran emaw, hnam emaw pawi sawi ka lo nei palh a nih chuan ngaihdam ka dil a ni tih mi zawng zawng hriatah ka puang a." a ti.
MP K Vena chuan, "MP Rajya Sabha ni tura min candidate tu Pu Zoramthanga leh a kaihhruai MNF party leh MLA te chungah tihtak zetin lawmthu ka sawi a. Ka phu hauh loh duhsakna te,chawimawina te, fakna te min hlân thin tu Mizoram mipui te leh Khawvel hmun danga awm Zofate hnen ah thinlung tak zetin lawm thu ka sawi bawk a. Ka MP chhungin ka MP nih pui engemaw zatin an MP term hmang zo thei lovin khawvel an chhuahsan laiin, ka MP term hmang zo theia ka nunna min ngaihhlut saktu Engkimtithei Pathian chungah ka thinlung zawng zawngin lawmthu ka sawi bawk a ni. MP ka nih chhungin mimal emaw, party leh pawl ho emaw,kohhran emaw, hnam emaw pawi sawi ka lo nei palh a nih chuan ngaihdam ka dil a ni tih mi zawng zawng hriatah ka puang a. Mi te hriat pui loh Pathian mithmuha fel lohna ka neih te lakah Pathian zahngaihna ropui tak ka chan avangin Pathian chu chawimawiin awm bawk rawh se," a ti bawk.
July ni 20,2020 atang khan Mizoram Rajya Sabha MP nihna ka chelh tan a.Naktip July 19, 2026 (Pathian ni) ah hian ka MP term chu ka lo hmang zo dawn ta reng mai a. Ka MP term chhunga kan hnathawh leh thil tih tlangpui te, chhuan tham ni lo mahse a tlangpui zawr zawr Zoram mipuite hnena inhrilh hriat pah a lawmthu sawina te nei pahin hetiang hian press statement ka han siam ta rawih a ni.
Member of Parliament in kan mawhphurhna pawimawh ber Parliament Sessiona kan performance thenkhat ka tarlang hmasa ber duh a:-
MP ka nih chhung hian vawi 17 Parliament Session kan nei a. Heng parliament session ah hian loh theih lohna avang a nih loh chuan ka kal nitin a. Parliament session a ka nitin attendance record hi 97% a ni a. Ka absence te hi kum 2023 December thla tira Mizoram MLA election vote chhiar laia Aizawlah ka awm ve a tul avang te, Kan kohhran khawmpui lian 2024 December chawlhkar hnihna Sunday ah Sermon hun ka chan avang te leh India ram state thenkhatah Parliament Session laia Chief Guest a ka tan avang te a ni.
Parliament Sessionah hian thu vawi 26 ka sawi a. Chairman phalnain thu vawi 24 ka sawi a. Google record thenkhat ten vawi 23 thusawi angin min record a. Ka thusawi hmasak ber Establishment of Ayush Training Institute in Mizorama tih an record tel loh vang a ni a. Chairman phalna lovin Manipur buaina chungchang vawi hnih ka sawi bawk a ni.
Parliament Session ah hian zawhna lian tham vawi 32 ka zawt a. Zawhna tesep vawi 38 vel ka zawt bawk a ni.Heng bakah hian Parliament Session neih hma ni chiahah All Parliamentary leader meeting leh NDA leader meeting kan nei ziah a. Heng meeting ah hian Mizoram tana thil tul nia lang te ka sawi chhuak thin bawk.
MP ka nih hun chhung hian hun harsa chi hrang hrang, heng:- Covid 19 hripui lêng, Assam nena ramri a buaina, Manipur a chi leh chi inkara buaina, Myanmar Military Coup avanga leh Bangladesh Chittagong Hills a buai na avanga raltlante harsatna. Heng buaina chi hrang hrang avangte hian Mizoram leh Hnam chhan nan theih tawp kan chhuah thin a. Kan tih theih tam lo mahse Mizoram state chhung leh pawna kan unaute harsatna maimitchhin san zawngin rilru kan pu ngai lo va.Central sawrkar hotute laka tlaktlum loh hlauh vangin Hnam chhan ngam lo zawngin thil kan ti ngai lo bawk in chutiang rilru chu kan pu ngai lo tih Zoram mipuite ka hriattir duh a ni.
Ka MP chhung hian Parliamentary Standing Committee hrang hrang Committee on Commerce ah te, Chemical Fertilisers ah te,Railways ah te Water Resources ah te, Paper Lay ah te ka awm a. FCI Chairman of State Consultative ah leh Court of Mizoram University member ah te ka awm bawk a ni.
Covid hripui lêng avangin ka MP term tan tirh kum hnih dâwn lai MP LAD Fund sem tur Central sawrkar atangin pek kan ni lo va. Hei mai hi a ni lo va, Covid 19 avang hian Central sawrkar atangin state hmasawnna tur sum hai chhuah a harsa hle a ni. Chuti chung chung chuan kan ram hmasawnna tura kan thil thlen thenkhat te erawh chu sawrkar laipuiin min ngaihpawimawh sak thin a, ka lawm hle a ni.
Ka MP chhunga Mizoram hmasawnna tura kan hmalak,a hlawhtlinna kan hmuh nghal tlem azawng lo târlang ila:-
1. Union Home Ministry a ziak leh tawngkama ka thlen, Tlabung bul khawthlang tuipui chungah Motor lian zawh theih lei (permanent bridge) siam tura ka ngenna chu tih hlawhtlin a ni a. Ministry of Home Affairs chuan he lei dawh nan hian cheng Vaibelchhe sawmnga pali(Rs 54 Crores) chuang a sanction a. He Bridge hi tunah dawh mêk a ni.
2. Ministry of Road Transport and Highways ah, Bairabi to Mamit road chu National Highway ah min puan sak tura kan ngen na min tihhlawhtlin sak a. Tun atanga hun rei lo te ah He kawng hi Double Lane a laih tan beisei a ni.
3. Mizoram chhim tawp Zorinpui to Lawngmasu inkar National Highway ah puang a kawngpui min laih sak tura ka ngenna chu min pawm sak a, tun atanga hun rei lo teah Double lane Road laih thuai beisei a ni.
4. Kum thum chhung zet hna chawlh san, Thingsai-Bualpui-Saisihchhuah-Pangkhua- Sangau Myanmar ramri kawngpui chu min laih zawh sak thuai tura ka ngen thinna te chuan hlawhtlinna hmuin tunah hian chak taka motor kawngpui Double lane road laih mek a ni.
5. Hnahthial - Darzo - S.Vanlaiphai kawngpuia awm Tuipui D ah Motor lian zawh theih lei lian (Permanent bridge) min siamsak tura ka lo ngen thin pawh a hlawhtlinna kan hmu mek a. Tunah hian lei dawh hna thawh tan a ni tawh a ni.
6. Mizoram chhim tawp leh Tuifinriat inkal pawhna kawngpui KMMTTP road laih mek kum thum dawn hna thawh mumal awm lo va chawlhsan chu a hmun ngeiah kal in, Myanmar ram chhung thui tak luta ka thil hmuh te India sawrkar hotute hnena report ka pek leh hna chak taka thawk chhunzawm tura ka ngenna te chu a hlawhtlinna kan hmu mêk a. KMMTTP road pawh tun atanga reiloteah siam zawh thuai beisei a ni.
7. Parliamentary Standing Committee on Railways a member ka nihna hmang tangkaiin Bairabi to Sairang rel kawng siam lai chu chak zawka hna thawh a nih theih nan te leh pawisa dah belh a tul thu te Union Railway Minister hnena ka thlen thin chuan rah duhawm tak chhuahin Sairang thlenga Rêl a lo lut ta hi ka lawm hle a ni.
8. Mizoram chhim tawp Zorinpui/ Hmawngbu chhuah thlenga Sairang Rel kawng extend tura Railway Ministry a vawi eng emaw zat ngenna ka lo thlen thin pawh Sawrkar laipui chuan min pawm sak tawh in Preliminary Survey hna pawh thawh zawh khat a ni tawh bawk.
9. Mizoram leh India ram hmun dang a Sawhthing chingtu te harsatna sutkian a nih theih nan a China atanga sawhthing lakluh titawp tura Parliament sessiona tum hnih lai ka lo au chhuah na chuan hlawhtlinna hmuin Mizoram leh India ram hmun danga sawhthing chingtu ten man man zawkin sawhthing kan hralh thei ta hi ka lawm hle a ni.
10. Mizoram leh India ram hmun danga Red Oil palm chingtu te harsatna sutkian a nih theih nana Sawrkar laipui hruaitute hnena ka ngenna chuan hlawhtlinna hmuin India ram puma Red oil palm chingtu te zingah rate chhe lutuka oil palm hralh tute hnenah India sawrkar chuan kum tin Support price a pek phah ta te hi ka lawm hle.
11. Vawk hrileng PRRS leh ASF avanga vawkvulh tute harsatna sutkian sak tura Sawrkar laipuia ka ngenna ten rah tha chhuahin Mizorama vawk vulh tu mi engemaw zat ten tanpuina tangka fai an dawng ta te hi lawmawm ka ti.
12. Myanmar nena kan inkar ramri hung lo tura kan ngenna te min zah sak a, tun thlenga min la hung luih sak lo te hi Sawrkar laipui hruaitute chungah pawh ka lawm hle a. Kan ngenna te min ngaihpawimawh sak avanga Myanmar ram Chin State atanga kan unau raltlan te thlamuang taka Mizoram chhunga an awm min phal sak avang te leh heng raltlante tanpuina tura buhfai leh sum fai eng emaw zat sawrkar laipuiin min pek avang pawh hian Sawrkar laipui hotute chungah ka lawm hle bawk a ni.
13. Manipura kan unau harsatna tawk te tawrhna a ziaawm deuh beiseiin N Biren Singh a kaihhruai Manipur sawrkar chu President Rule a dah tura kan ngen na te leh Manipur phai ram leh Tlangmite inkara Central Para- Military Force te dah tura kan ngenna te pawh tihhlawhtlin a ni a .Hengte avang hian Sawrkar laipui chungah pawh ka lawm hle a ni.
14. Gas Authority of India Limited hruaitute hnenah, Cachar District kal tlanga Gas pipeline Mizorama rawn phum luh tura ruahmanna an neih sa chu Cachar mipuite nena intibuai fo kan nih avanga him lohna awm theia a lan avangin Tripura- Karimganj district- Mizoram tri- junction atanga rawn luhtir zawk tura ka ngenna ten rah an chhuah a ka lawm hle bawk a ni.
15. MP ka nih tantirh lamah chuan Aizawl to Delhi Direct flight a awm loh avangin Delhi kal tur te Kolkata Airportah Darkar 5 te kan chawlh hnuah zan rei tak hnuah Delhi khawpui kan lut thin a. Delhi airport atanga mahni thlenna hmun pan tur ten harsatna kan tawk fo thin. Chumai a la ni lo va, Delhi atanga Aizawl haw tur ten Kolkata to Aizawl flight nan hman loh hlauin Delhi to Kolkata thlawhna ah kan chuan a tul thin a. Zing khawvar hmain airport panin kan chhuah a tul thin a ni.He harsatna sukiang tur hian Delhi to Aizawl Direct flight awm tir turin kawng awm thei zawng zawng dapin hma kan la a. Vanneih thlak takin tunah chuan darkar hnih emaw lek chhungin Aizawl leh Delhi inkar kan thlawk thei ta a, chhun khaw ên lai hlirin Aizawl leh Delhi kan thleng thei ta te hi lawmawm ka ti hle a ni.
16. Damlo, a bikin kal (Kidney)thlak ngai leh Cancer natna tuar tute tana Central sawrkar atanga tanpuina Dr.Ambedkar Scheme awm thin chu harsatna eng emaw avangin ka MP tan tirh laiin Mizoram damdawiina awm te tan dil theih lovin a awm a.Ka MP tirh phat atangin chhun zawm leh turin hma ka la nghal a,kan hlawhtling nghal bawk a ni.Tin,tun hmaa kan State atanga kan la dil ve ngai loh Cancer vei te leh Kal(Kidney) thlak ngaite puihna tho Prime Minister Relief fund dilna form State dang MP te dilna ka hai chhuak a.Hei pawh hi kan tangkai pui hle bawk a ni.
17. Zirlai te infiam mite, dam lo leh khual zin veivak rail reservation nei lo harsatna tawk mi tam tak Rail Reservation kan tihsak bawk thin.
18. Sairang to Silchar Rel service tir tura Railway Ministry a kan ngenna a hlawh tling bawk a. Christmas dawna Delhi to Aizawl Rel service min tih pun sak tura kan ngenna te tihhlawhtlin a ni bawk.
Hengte bakah hian kan hmalakna thenkhat Lianpui khua India ram hmun pawimawha puang tura kan ngenna te a hlawhtling a.Myanmar atanga kuhva ro lolut thin titawp tura sawrkar laipuia kan thlen thin pawhin rah tha a chhuah ta bawk a ni. Seling to Tipaimukh road double lane laih mek ah pawh Manipur leh Mizoram dawh zawm tu tur Tuivai lei Permanent bridge siam tura kan ngen thinna pawh DPR siam tawh a ni bawk
Khing bâk ah khian Sawrkar laipuia kan thu thlen ,a hlawhtlinna kan la hmuh rih loh te a awm nual bawk .Mizoram Chhimlam hmasawnna atan Lunglei District Vuakmuala Thlawhna tumhmun min siamsak tura kan ngen,Helicopter hmanga Aerial Survey kan neih tawh chu hlawhtlinna kan hmu rih lo va.Bangladesh nena ramria insumdawn tawn na hmun Kawrpuichhuaha Border Trade centre din tura kan hmalakna pawh Bangladesh politics inlumlet avangin tihhlawhtlin lohin a la awm bawk a .Myanmar leh Bangladesh ramri hmun engemaw zatah ramria insumdawn tawnna hmun tenau,Border haat din tura kan ngenna te min pawmsak tawh chungin thenawm ramte buaina avangin a taka kalpui theih a la ni rih lo bawk.
MP LAD fund chungchangah mi thenkhat ten Hna thawk lo va pawisa eiral theih anga ngaiin MP fund hmanna kan hre lo tihte an sawi fo va.MP fund hi a taka hnathawh awm si lo vin cheng khat mah lakchhuah theih a ni lo.
MP fund hmanga hna thawh tur reng reng hi hna thawhna hmun tur DC office emaw BDO ten emaw work order an issue thin a.Hnathawh endik turin DC office emaw BDO office emaw atangin JE te tirh thin a ni a.JE ten hna thawh zawh a ni tih completion certificate an pek chauhin MP fund hmanga hna thawktute hnenah pawisa pek thin a ni. MP fund kan pek te hi an thawh that leh that loh hi MP ten kan en pui tawh lo va, hna endik hna hi JE ten an thawk thin.
MP LAD fund hmanna hrechiang duh te chuan RTI hmangin zawhfiah theih reng a ni tih mipuite ka hriattir duh a.Vanduai thlak takin Covid hripui lêng avangin MPLAD fund hi kum hnih dawn kan nei lo va. Kan MP term hun chhung rei ngaihtuahin hmasawnna hna kan thawh tlem phah a, a pawi ka ti hle a ni.
MP ka nih hun chhungin thuthar thehdarhtu kan journalist zawng zawng ten ka phu hauh loh duhsakna min dawn tirin min thawhpui tha em em a. MJA member zawng zawngte chungah lawmthu ka sawi a. Kan ram leh hnam tan a tha taka ka thawh theih nana min tawngtai sak thintu te chungah pawh lawmthu ka sawi bawk a. Ka mawhphurhna hlen chhuak thei tura min fuih chak reng thintu leh chhungkuaa ka hmun awl zawng zawng min luah phui saktu ka nupui H.Lalhuapzauvi chungah lawm thu ka sawi bawk a ni.
MP Rajya Sabha ni tura min candidate tu Pu Zoramthanga leh a kaihhruai MNF party leh MLA te chungah tihtak zetin lawmthu ka sawi a. Ka phu hauh loh duhsakna te,chawimawina te, fakna te min hlân thin tu Mizoram mipui te leh Khawvel hmun danga awm Zofate hnen ah thinlung tak zetin lawm thu ka sawi bawk a. Ka MP chhungin ka MP nih pui engemaw zatin an MP term hmang zo thei lovin khawvel an chhuahsan laiin, ka MP term hmang zo theia ka nunna min ngaihhlut saktu Engkimtithei Pathian chungah ka thinlung zawng zawngin lawmthu ka sawi bawk a ni. MP ka nih chhungin mimal emaw, party leh pawl ho emaw,kohhran emaw, hnam emaw pawi sawi ka lo nei palh a nih chuan ngaihdam ka dil a ni tih mi zawng zawng hriatah ka puang a.Mi te hriat pui loh Pathian mithmuha fel lohna ka neih te lakah Pathian zahngaihna ropui tak ka chan avangin Pathian chu chawimawiin awm bawk rawh se.
Ka term zawh hnua min thlak tu Mizoram Rajya Sabha MP thar Pu K Laltluangkima ka lawmpui a. Mizoram leh Hnam tana mi tha leh tangkai tak ni turin duhsakna ka hlân bawk a ni.
PRESS STATEMENT OF K.VANLALVENA, MP RAJYA SABHA
Dated Aizawl,The 17th July 2026 Zirtawp Ni.@Aizawl Press Club
Mizoram mipuite,in zavaiin chibai ka bûk a che u.
July ni 20,2020 atang khan Mizoram Rajya Sabha MP nihna ka chelh tan a.Naktip July 19,2026 (Pathian ni) ah hian ka MP term chu ka lo hmang zo dawn ta reng mai a.Ka MP term chhunga kan hnathawh leh thil tih tlangpui te,chhuan tham ni lo mahse a tlangpui zawr zawr Zoram mipuite hnena inhrilh hriat pah a lawmthu sawina te nei pahin hetiang hian press statement ka han siam ta rawih a ni.
Member of Parliament in kan mawhphurhna pawimawh ber Parliament Sessiona kan performance thenkhat ka tarlang hmasa ber duh a :-
MP ka nih chhung hian vawi 17 Parliament Session kan nei a.Heng parliament session ah hian loh theih lohna avang a nih loh chuan ka kal nitin a.Parliament session a ka nitin attendance record hi 97% a ni a.Ka absence te hi kum 2023 December thla tira Mizoram MLA election vote chhiar laia Aizawlah ka awm ve a tul avang te,Kan kohhran khawmpui lian 2024 December chawlhkar hnihna Sunday ah Sermon hun ka chan avang te leh India ram state thenkhatah Parliament Session laia Chief Guest a ka tan avang te a ni.
Parliament Sessionah hian thu vawi 26 ka sawi a. Chairman phalnain thu vawi 24 ka sawi a.Google record thenkhat ten vawi 23 thusawi angin min record a.Ka thusawi hmasak ber Establishment of Ayush Training Institute in Mizorama tih an record tel loh vang a ni a.Chairman phalna lovin Manipur buaina chungchang vawi hnih ka sawi bawk a ni.
Parliament Session ah hian zawhna lian tham vawi 32 ka zawt a.Zawhna tesep vawi 38 vel ka zawt bawk a ni.Heng bakah hian Parliament Session neih hma ni chiahah All Parliamentary leader meeting leh NDA leader meeting kan nei ziah a.Heng meeting ah hian Mizoram tana thil tul nia lang te ka sawi chhuak thin bawk.
MP ka nih hun chhung hian hun harsa chi hrang hrang,heng:- Covid 19 hripui lêng,Assam nena ramri a buaina,Manipur a chi leh chi inkara buaina,Myanmar Military Coup avanga leh Bangladesh Chittagong Hills a buai na avanga raltlante harsatna.Heng buaina chi hrang hrang avangte hian Mizoram leh Hnam chhan nan theih tawp kan chhuah thin a.Kan tih theih tam lo mahse Mizoram state chhung leh pawna kan unaute harsatna maimitchhin san zawngin rilru kan pu ngai lo va.Central sawrkar hotute laka tlaktlum loh hlauh vangin Hnam chhan ngam lo zawngin thil kan ti ngai lo bawk in chutiang rilru chu kan pu ngai lo tih Zoram mipuite ka hriattir duh a ni.
Ka MP chhung hian Parliamentary Standing Committee hrang hrang Committee on Commerce ah te,Chemical Fertilisers ah te,Railways ah te Water Resources ah te,Paper Lay ah te ka awm a.FCI Chairman of State Consultative ah leh Court of Mizoram University member ah te ka awm bawk a ni.
Covid hripui lêng avangin ka MP term tan tirh kum hnih dâwn lai MP LAD Fund sem tur Central sawrkar atangin pek kan ni lo va.Hei mai hi a ni lo va,Covid 19 avang hian Central sawrkar atangin state hmasawnna tur sum hai chhuah a harsa hle a ni.Chuti chung chung chuan kan ram hmasawnna tura kan thil thlen thenkhat te erawh chu sawrkar laipuiin min ngaihpawimawh sak thin a, ka lawm hle a ni.
Ka MP chhunga Mizoram hmasawnna tura kan hmalak,a hlawhtlinna kan hmuh nghal tlem azawng lo târlang ila:-
1.Union Home Ministry a ziak leh tawngkama ka thlen,Tlabung bul khawthlang tuipui chungah Motor lian zawh theih lei (permanent bridge) siam tura ka ngenna chu tih hlawhtlin a ni a.Ministry of Home Affairs chuan he lei dawh nan hian cheng Vaibelchhe sawmnga pali(Rs 54 Crores) chuang a sanction a.He Bridge hi tunah dawh mêk a ni.
2.Ministry of Road Transport and Highways ah ,Bairabi to Mamit road chu National Highway ah min puan sak tura kan ngen na min tihhlawhtlin sak a.Tun atanga hun rei lo te ah He kawng hi Double Lane a laih tan beisei a ni.
3.Mizoram chhim tawp Zorinpui to Lawngmasu inkar National Highway ah puang a kawngpui min laih sak tura ka ngenna chu min pawm sak a,tun atanga hun rei lo teah Double lane Road laih thuai beisei a ni.
4.Kum thum chhung zet hna chawlh san,Thingsai-Bualpui-Saisihchhuah-Pangkhua- Sangau Myanmar ramri kawngpui chu min laih zawh sak thuai tura ka ngen thinna te chuan hlawhtlinna hmuin tunah hian chak taka motor kawngpui Double lane road laih mek a ni.
5.Hnahthial - Darzo - S.Vanlaiphai kawngpuia awm Tuipui D ah Motor lian zawh theih lei lian (Permanent bridge) min siamsak tura ka lo ngen thin pawh a hlawhtlinna kan hmu mek a.Tunah hian lei dawh hna thawh tan a ni tawh a ni.
6.Mizoram chhim tawp leh Tuifinriat inkal pawhna kawngpui KMMTTP road laih mek kum thum dawn hna thawh mumal awm lo va chawlhsan chu a hmun ngeiah kal in,Myanmar ram chhung thui tak luta ka thil hmuh te India sawrkar hotute hnena report ka pek leh hna chak taka thawk chhunzawm tura ka ngenna te chu a hlawhtlinna kan hmu mêk a.KMMTTP road pawh tun atanga reiloteah siam zawh thuai beisei a ni.
7.Parliamentary Standing Committee on Railways a member ka nihna hmang tangkaiin Bairabi to Sairang rel kawng siam lai chu chak zawka hna thawh a nih theih nan te leh pawisa dah belh a tul thu te Union Railway Minister hnena ka thlen thin chuan rah duhawm tak chhuahin Sairang thlenga Rêl a lo lut ta hi ka lawm hle a ni.
8.Mizoram chhim tawp Zorinpui/ Hmawngbu chhuah thlenga Sairang Rel kawng extend tura Railway Ministry a vawi engemawzat ngenna ka lo thlen thin pawh Sawrkar laipui chuan min pawm sak tawh in Preliminary Survey hna pawh thawh zawh khat a ni tawh bawk.
9.Mizoram leh India ram hmun dang a Sawhthing chingtu te harsatna sutkian a nih theih nan a China atanga sawhthing lakluh titawp tura Parliament sessiona tum hnih lai ka lo au chhuah na chuan hlawhtlinna hmuin Mizoram leh India ram hmun danga sawhthing chingtu ten man man zawkin sawhthing kan hralh thei ta hi ka lawm hle a ni.
10.Mizoram leh India ram hmun danga Red Oil palm chingtu te harsatna sutkian a nih theih nana Sawrkar laipui hruaitute hnena ka ngenna chuan hlawhtlinna hmuin India ram puma Red oil palm chingtu te zingah rate chhe lutuka oil palm hralh tute hnenah India sawrkar chuan kum tin Support price a pek phah ta te hi ka lawm hle.
11.Vawk hrileng PRRS leh ASF avanga vawkvulh tute harsatna sutkian sak tura Sawrkar laipuia ka ngenna ten rah tha chhuahin Mizorama vawk vulh tu mi engemaw zat ten tanpuina tangka fai an dawng ta te hi lawmawm ka ti.
12.Myanmar nena kan inkar ramri hung lo tura kan ngenna te min zah sak a, tun thlenga min la hung luih sak lo te hi Sawrkar laipui hruaitute chungah pawh ka lawm hle a.Kan ngenna te min ngaihpawimawh sak avanga Myanmar ram Chin State atanga kan unau raltlan te thlamuang taka Mizoram chhunga an awm min phal sak avang te leh heng raltlante tanpuina tura buhfai leh sum fai engemawzat sawrkar laipuiin min pek avang pawh hian Sawrkar laipui hotute chungah ka lawm hle bawk a ni.
13.Manipura kan unau harsatna tawk te tawrhna a ziaawm deuh beiseiin N.Biren Singh a kaihhruai Manipur sawrkar chu President Rule a dah tura kan ngen na te leh Manipur phai ram leh Tlangmite inkara Central Para- Military Force te dah tura kan ngenna te pawh tihhlawhtlin a ni a .Hengte avang hian Sawrkar laipui chungah pawh ka lawm hle a ni.
14.Gas Authority of India Limited hruaitute hnenah, Cachar District kal tlanga Gas pipeline Mizorama rawn phum luh tura ruahmanna an neih sa chu Cachar mipuite nena intibuai fo kan nih avanga him lohna awm theia a lan avangin Tripura- Karimganj district- Mizoram tri- junction atanga rawn luhtir zawk tura ka ngenna ten rah an chhuah a ka lawm hle bawk a ni.
15.MP ka nih tantirh lamah chuan Aizawl to Delhi Direct flight a awm loh avangin Delhi kal tur te Kolkata Airportah Darkar 5 te kan chawlh hnuah zan rei tak hnuah Delhi khawpui kan lut thin a.Delhi airport atanga mahni thlenna hmun pan tur ten harsatna kan tawk fo thin.Chumai a la ni lo va,Delhi atanga Aizawl haw tur ten Kolkata to Aizawl flight nan hman loh hlauin Delhi to Kolkata thlawhna ah kan chuan a tul thin a.Zing khawvar hmain airport panin kan chhuah a tul thin a ni.He harsatna sukiang tur hian Delhi to Aizawl Direct flight awm tir turin kawng awm thei zawng zawng dapin hma kan la a.Vanneih thlak takin tunah chuan darkar hnih emaw lek chhungin Aizawl leh Delhi inkar kan thlawk thei ta a,chhun khaw ên lai hlirin Aizawl leh Delhi kan thleng thei ta te hi lawmawm ka ti hle a ni.
16.Damlo ,a bikin kal(Kidney)thlak ngai leh Cancer natna tuar tute tana Central sawrkar atanga tanpuina Dr.Ambedkar Scheme awm thin chu harsatna eng emaw avangin ka MP tan tirh laiin Mizoram damdawiina awm te tan dil theih lovin a awm a.Ka MP tirh phat atangin chhun zawm leh turin hma ka la nghal a,kan hlawhtling nghal bawk a ni.Tin,tun hmaa kan State atanga kan la dil ve ngai loh Cancer vei te leh Kal(Kidney) thlak ngaite puihna tho Prime Minister Relief fund dilna form State dang MP te dilna ka hai chhuak a.Hei pawh hi kan tangkai pui hle bawk a ni.
17.Zirlai te infiam mite, dam lo leh khual zin veivak rail reservation nei lo harsatna tawk mi tam tak Rail Reservation kan tihsak bawk thin.
18.Sairang to Silchar Rel service tir tura Railway Ministry a kan ngenna a hlawh tling bawk a.Christmas dawna Delhi to Aizawl Rel service min tih pun sak tura kan ngenna te tihhlawhtlin a ni bawk.
Hengte bakah hian kan hmalakna thenkhat Lianpui khua India ram hmun pawimawha puang tura kan ngenna te a hlawhtling a.Myanmar atanga kuhva ro lolut thin titawp tura sawrkar laipuia kan thlen thin pawhin rah tha a chhuah ta bawk a ni.Seling to Tipaimukh road double lane laih mek ah pawh Manipur leh Mizoram dawh zawm tu tur Tuivai lei Permanent bridge siam tura kan ngen thinna pawh DPR siam tawh a ni bawk
Khing bâk ah khian Sawrkar laipuia kan thu thlen ,a hlawhtlinna kan la hmuh rih loh te a awm nual bawk .Mizoram Chhimlam hmasawnna atan Lunglei District Vuakmuala Thlawhna tumhmun min siamsak tura kan ngen,Helicopter hmanga Aerial Survey kan neih tawh chu hlawhtlinna kan hmu rih lo va.Bangladesh nena ramria insumdawn tawn na hmun Kawrpuichhuaha Border Trade centre din tura kan hmalakna pawh Bangladesh politics inlumlet avangin tihhlawhtlin lohin a la awm bawk a .Myanmar leh Bangladesh ramri hmun engemaw zatah ramria insumdawn tawnna hmun tenau,Border haat din tura kan ngenna te min pawmsak tawh chungin thenawm ramte buaina avangin a taka kalpui theih a la ni rih lo bawk.
MP LAD fund chungchangah mi thenkhat ten Hna thawk lo va pawisa eiral theih anga ngaiin MP fund hmanna kan hre lo tihte an sawi fo va.MP fund hi a taka hnathawh awm si lo vin cheng khat mah lakchhuah theih a ni lo.
MP fund hmanga hna thawh tur reng reng hi hna thawhna hmun tur DC office emaw BDO ten emaw work order an issue thin a.Hnathawh endik turin DC office emaw BDO office emaw atangin JE te tirh thin a ni a.JE ten hna thawh zawh a ni tih completion certificate an pek chauhin MP fund hmanga hna thawktute hnenah pawisa pek thin a ni.MP fund kan pek te hi an thawh that leh that loh hi MP ten kan en pui tawh lo va,hna endik hna hi JE ten an thawk thin.
MP LAD fund hmanna hrechiang duh te chuan RTI hmangin zawhfiah theih reng a ni tih mipuite ka hriattir duh a.Vanduai thlak takin Covid hripui lêng avangin MPLAD fund hi kum hnih dawn kan nei lo va.Kan MP term hun chhung rei ngaihtuahin hmasawnna hna kan thawh tlem phah a,a pawi ka ti hle a ni.
MP ka nih hun chhungin thuthar thehdarhtu kan journalist zawng zawng ten ka phu hauh loh duhsakna min dawn tirin min thawhpui tha em em a.MJA member zawng zawngte chungah lawmthu ka sawi a. Kan ram leh hnam tan a tha taka ka thawh theih nana min tawngtai sak thintu te chungah pawh lawmthu ka sawi bawk a .Ka mawhphurhna hlen chhuak thei tura min fuih chak reng thintu leh chhungkuaa ka hmun awl zawng zawng min luah phui saktu ka nupui H.Lalhuapzauvi chungah lawm thu ka sawi bawk a ni.
MP Rajya Sabha ni tura min candidate tu Pu Zoramthanga leh a kaihhruai MNF party leh MLA te chungah tihtak zetin lawmthu ka sawi a.Ka phu hauh loh duhsakna te,chawimawina te,fakna te min hlân thin tu Mizoram mipui te leh Khawvel hmun danga awm Zofate hnen ah thinlung tak zetin lawm thu ka sawi bawk a.Ka MP chhungin ka MP nih pui engemaw zatin an MP term hmang zo thei lovin khawvel an chhuahsan laiin ,ka MP term hmang zo theia ka nunna min ngaihhlut saktu Engkimtithei Pathian chungah ka thinlung zawng zawngin lawmthu ka sawi bawk a ni.MP ka nih chhungin mimal emaw,party leh pawl ho emaw,kohhran emaw,hnam emaw pawi sawi ka lo nei palh a nih chuan ngaihdam ka dil a ni tih mi zawng zawng hriatah ka puang a.Mi te hriat pui loh Pathian mithmuha fel lohna ka neih te lakah Pathian zahngaihna ropui tak ka chan avangin Pathian chu chawimawiin awm bawk rawh se.
Ka term zawh hnua min thlak tu Mizoram Rajya Sabha MP thar Pu K.Laltluangkima ka lawmpui a.Mizoram leh Hnam tana mi tha leh tangkai tak ni turin duhsakna ka hlân bawk a ni.
Ka lawm e
Issued by Media & Publicity Department, MNF Gen. Hqrs.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: