Lamsial Puka ruhro kum zat chhut

Aizawl | July 7, 2026: Mizo Archaeological Society (MAS) chuan Lamsial Puka ruhro hlui awm khawm, Radiocarbon (Carbon-14) dating hmanga a kum chhut tura an thawn chhuah result chu an dawng fel. Lamsial Puk hi Champhai District chhung, Farkawn rama awm a ni.

MAS hian Lamsial Puka mihring ruhro sample pakhat lain Florida, Miami-a inbun Beta Analytics hnenah Carbon-14 dating hmanga a kum chhut turin an thawn a. Uluk taka zir chian a nih hnuah kum AD 1729 aṭanga 1789 inkara mi a ni tih chhut chhuah a ni. Ruhro tam tak awm mah se, zir chian bik hi ruhro pakhat chauh a nih avangin, puka ruhro dangte hi kum AD 1729 aṭanga 1789 inkara mi vek an ni tihna a ni lo.

MAS hian Carbon-14 dating tihna tur sum senso hi kum 2023 khan Art & Culture Department aṭangin ₹1,50,000.00 an dawng a. Khatih laia Art & Culture Minister Pu R. Lalzirliana ṭhahnem ngaihnaah lawmthu an sawi a ni.

Mizo Archaeological Society member-te hi Mizo pi leh pute chanchin mumal taka zir chian tum, zirna leh thiamna kawng hrang hrang nei an ni a. Tlawmngaia intel khawm niin September ni 25, 2017 khan an ding ṭan a. Tun hnaia Mizoram chhunga ruhro leh hmanlai thil hai lan leh lai chhuah hrang hrangte la khawmin zir chianna an nei ṭhin a ni.

@ https://www.exploremizoram.com/2018/10/lamsial-puk.html?m=1