"Hmeichhiate hi khawngaihna, hmangaihna leh hriatthiamna nena thutlukna siam thin kan nih avang hian ram rorelnaah te, politics-ah te thuk zawka kan tel a ngai a ni,"
Aizawl | July 31, 2026: Mizo Hnam run chhung inkhawm chu vawiin khan Mizo National Women Front (MNWF) pualin hun hman a ni. MNWF Vice President Vanlalrengpuii'n a kaihruai a, Adviser Romawii'n hunserh hmangin, MNF Legal Board Treasurer, Advocate Zothansangi Hmar-in thu a sawi a ni.
Zothansangi Hmar chuan, "Social media-in mi a chiah hneh em em a. Social media hman dan naupangte pawh kan zirtir a, kan kaihhruai a pawimawh hle a. Khawvela ram hlim ber leh smart ber tia hriat lar Finland ramah hian naupan tet atanga social media hman thiam dan inzirtirna hi an school subject 1-ah an nei daih tawh a. Hetah hian napangte chu fake news thliar thiam dan te, mi troll-tu nih ropui loh zia te, practical work hmangin an zirtir a. Hetiang chiah hian Mizo naupangte hi social media hman dante kan zirtirna pawimawh hle. Naupangte hi nakina ram hruaitu leh enkawltu an la nih dawn avangin keini hmeichhiate hian In lama kan bula awm naupangte theuhah pawh theih tawp kan chhuah a, ṭan kan lak tlan a ngai hle a ni. Khawvela naupang smart ber ber enkawl chhuak turin Mizo hmeichhiate kan pawimawh a ni," a ti.
Zothani chuan, "Hmeichhiate hi khawngaihna, hmangaihna leh hriatthiamna nena thutlukna siam thin kan nih avang hian ram rorelnaah te, politics-ah te thuk zawka kan tel a ngai a ni," a ti a. "Mizo hmeichhia chhuanawm tak tak lo awm tawhte sulhnu leh an hniakhnung zui turin ṭhangtharte hi kan ṭan zel a ngai a ni," a ti bawk.
Nl Zothani chuan, "Hmeichhiate hi chhungkua leh hnam siamthatna atan kan pawimawh hle a. Hmeichhe dinhmun a thatna hmun apiangah ram pawhin hma a sawn thin a ni. Khawvela hmeichhiate dinhmun chhiat leh chepna ram reng hi ram nuam leh ralmuang a ni ngai lo. India ram thenawm Afganistan te, Pakistan te han en ila, an ram hi khualzin tam zawk pawhin an tlawh chak hmasa zing ami a ni hauh lo.
Hmeichhe dinhmun thatna leh hlutna ram hian ralmuanna a keng tel a, hmeichhiate khawlaia ralmuang taka zan reiah pawh an teichhuah ngamna ram chu ram him a ni. Hmeichhiate him lehzualna hnam leh khawtlang din turin kan inbuatsaih a ṭul a ni," a ti.
"Tunah khawvel changkannain mitin leh ram tin min nghawng chho zel a. Heng hian awlsamtein ram hrang hrang culture te kan hmu zung zung tawh a, heng global village kan awm mek tawhna karah hian Mizo hnam nun leh identity vawnhim hi keini Mizote hian kan tih tur pawimawh tak a ni a. Mizo culture leh kan khawtlang nun a kum tam kan lo tih thin dan tun thlenga la chhawm zel tlak tam tak te hi kan vawnnun chhoh reng hi kan tih tur pawimawh tak a ni," a ti bawk.
Mizo National Front
General Headquarters
Mizoram : Aizawl
Press Release
KHAWVELA NAUPANG SMART BER BER ENKAWL CHHUAK TURIN MIZO HMEICHHIATE KAN PAWIMAWH: ZOTHANSANGI HMAR, ADVOCATE
Vawiin hian Mizo Hnam Runah chhung inkhawm neih a ni a, Mizo National Women Front (MNWF) pualin hun hman a ni. Pi Vanlalrengpuii Vice President MNWF-in a kaihruai a, Pi Romawii Adviser-in hunserh hmangin, Nula Zothansangi Hmar, Advocate, Treasurer MNF Legal Board-in thu a sawi a ni.
Nula Zothansangi Hmar chuan, "Social media-in mi a chiah hneh em em a. Social media hman dan naupangte pawh kan zirtir a, kan kaihhruai a pawimawh hle a. Khawvela ram hlim ber leh smart ber tia hriat lar Finland ramah hian naupan tet atanga social media hman thiam dan inzirtirna hi an school subject 1-ah an nei daih tawh a. Hetah hian napangte chu fake news thliar thiam dan te, mi troll-tu nih ropui loh zia te, practical work hmangin an zirtir a. Hetiang chiah hian Mizo naupangte hi social media hman dante kan zirtirna pawimawh hle. Naupangte hi nakina ram hruaitu leh enkawltu an la nih dawn avangin keini hmeichhiate hian In lama kan bula awm naupangte theuhah pawh theih tawp kan chhuah a, ṭan kan lak tlan a ngai hle a ni. Khawvela naupang smart ber ber enkawl chhuak turin Mizo hmeichhiate kan pawimawh a ni," a ti.
Nula Zothani chuan, "Hmeichhiate hi khawngaihna, hmangaihna leh hriatthiamna nena thutlukna siam thin kan nih avang hian ram rorelnaah te, politics-ah te thuk zawka kan tel a ngai a ni," a ti a. "Mizo hmeichhia chhuanawm tak tak lo awm tawhte sulhnu leh an hniakhnung zui turin ṭhangtharte hi kan ṭan zel a ngai a ni," a ti bawk.
Nl Zothani chuan, "Hmeichhiate hi chhungkua leh hnam siamthatna atan kan pawimawh hle a. Hmeichhe dinhmun a thatna hmun apiangah ram pawhin hma a sawn thin a ni. Khawvela hmeichhiate dinhmun chhiat leh chepna ram reng hi ram nuam leh ralmuang a ni ngai lo. India ram thenawm Afganistan te, Pakistan te han en ila, an ram hi khualzin tam zawk pawhin an tlawh chak hmasa zing ami a ni hauh lo.
Hmeichhe dinhmun thatna leh hlutna ram hian ralmuanna a keng tel a, hmeichhiate khawlaia ralmuang taka zan reiah pawh an teichhuah ngamna ram chu ram him a ni. Hmeichhiate him lehzualna hnam leh khawtlang din turin kan inbuatsaih a ṭul a ni," a ti.
"Tunah khawvel changkannain mitin leh ram tin min nghawng chho zel a. Heng hian awlsamtein ram hrang hrang culture te kan hmu zung zung tawh a, heng global village kan awm mek tawhna karah hian Mizo hnam nun leh identity vawnhim hi keini Mizote hian kan tih tur pawimawh tak a ni a. Mizo culture leh kan khawtlang nun a kum tam kan lo tih thin dan tun thlenga la chhawm zel tlak tam tak te hi kan vawnnun chhoh reng hi kan tih tur pawimawh tak a ni," a ti bawk.
Sd/-
(LALLENMAWIA JONGTE)
Secretary
Media & Publicity Department
Mizo National Front
Memo No. 511/2026
Dt.31.07.2026
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: