Kawng chhiat avangin Sakawrtuichhun-ah City Bus tlan dawn lo; Ramrikawnah an tawp dawn!

Aizawl | July 26, 2026: Sakawrtuichhun leh Ramrikawn inkar kawng a chhiat avangin Juy 27, 2026 Thawhtanni atang hian City Bus te an tlawn dawn rih lo a, Ramrikawnah an tawp dawn.

Aizawl City Bus Owners' Association (ACBOA) Action Committee secretary chuan nimin khan thuchhuah siamin, "karleh Ni 27 July 2026 (Monday) atangin thu leh awm hma chu City Bus te Ramrikawn thleng an tlan tawh dawn a, Sakawrtuichhun khawtlang mipui ten a min lo hrethiam hram hram turin kan in ngen e," a ti a. "Kawng hian ziaawm lam a pan velleh a rang lamin dan pangai in kan service leh thuai ang," tiin thu a khar bawk.

ACBOA thuchhuahin a tarlan danin, "Sakawrtuichhun leh Ramrikawn inkar chu fur ruahtui tlak nasat avangin kawng a chhe hle mai a, City Bus service te pawhin harsatna kan tawh phah in motor a chhiat a hlauhawm a, chuvang chuan, karleh Ni 27 July 2026 (Monday) atangin thu leh awm hma chu City Bus te Ramrikawn thleng an tlan tawh dawn a," a ti.

City bus tlan lo tur hian, Sakawrtuichhun atanga ni tina chhuak, City Bus tlana innghat - zirlai leh hnathawkte'n an buai phah hle dawn niin thu dawn a ni a, eizawnna tam tak an buai phah thei dawn niin sawi a ni bawk.

OFFICE OF THE AIZAWL CITY BUS OWNERS' ASSOCIATION

AIZAWL : MIZORAM No4. ACROA/Action/Cir/126-'27/15

NGENNA

Dated Aizawl, 25th July 2026

Kan hriat angin, Sakawrtuichhun leh Ramrikawn inkar chu fur ruahtui tlak nasat avangin kawng a chhe hle mai a, City Bus service te pawhin harsatna kan tawh phah in motor a chhiat a hlauhawm a, chuvang chuan, karleh Ni 27 July 2026 (Monday) atangin thu leh awm hma chu City Bus te Ramrikawn thleng an tlan tawh dawn a, Sakawrtuichhun khawtlang mipui ten a min lo hrethiam hram hram turin kan in ngen e.

Kawng hian ziaawm lam a pan velleh a rang lamin dan pangai in kan service leh thuai ang.

(ABRAHAM C. LALNUNTHARA)

Secretary,

Action Committee, ACBOA

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]