Bairabi kawng chhiat avangin mihring phur lirtheite’n July 27 atangin tlan dawn lo!

Aizawl | July 26, 2026: Bairabi kawng a chhiat nasat avangin, mihring phura eizawng lirthei - Bus, Maxi Cab leh Taxi te chuan kawng a zia-awm hma chuan, naktuk July 27 atangin an tlan loh an rel a. Kawng siam nana hun thawl ken an rawt.

Rengtekawn leh Bairabi inkar kawng hi a chhhe hle a, a bikin Zero Point leh Pangbalkawn inkar kawngpui chu a chhiat nasat tawh avangin he kawnga mihring phur lirthei tlan thin - Bus, Maxi Cab leh Taxi te chuan kawng a zia-awm hma chu service na tlakah ngai tawh lovin naktuk Thawhtanni atang hian chawlh rih nise an ti a.

An tlan loh chhung hian, helai kawng zawha tlan - Bus, Maxi Cab leh Taxi an tlan loh chhung hian, hire pawhin tumah tlan loh ni se an ti a ni.

Helai kawngpui hi Kolasib atanga khawthlang lam panna kawngpui pawimawh a nih bakah, Assam - Hailakandi district bakah Meghalaya panna kawng pawimawh a ni.

Hetihlai hian, Zero Point - Buhchangphai lam pawh hi a ṭha lo hle a. State pawn kal turte an kual ngun si a heng hian kawng an rap chhe nasa. Bilkhawtlir lam hi Four lane tur an laih chungchangah ruah a sur emaw kawng a khuk chuan an tlan ngam lo ṭhin a.

Tin, Zin vei vak an awm deuh reng bawk si nen, Kawng hi a chhe nasa tawh lutuk. PWD hian an enkawl chhunzawm na a, YMA ang te pawn an dawr a, hma an rawn la ûk a, mahse, duhthusamin hma lakna a awm leh chuang lêm lova. Inrinni hi Buhchangphai Bazar Ni an siam a, Kolasib, Bilkhawthlir, Kawnpui leh hmun dang aṭanga Bazar an tam ṭhin a. Kawng.a ṭhat tawk loh miau chuan, bazar turin an tuar a, an thlaiin a tuar a, an sumin a tuar bawk, niin Buhchangphai lam aṭanga thudawnna chuan a sawi.