Aizawl | July 16, 2026: Mizoram Pradesh Congress Committee (MPCC) Treasurer Dr Lalmalsawma Nghaka chuan vawiin chhun dar 1 khan Aizawl Press Club-ah thuthar thehdarhtute kawmin, "Foreign Contribution (Regulation) Amendment Bill 2026 hi Mizoram Pradesh Congress Committee chuan a tawp thlengin a dodal dawn," a ti.
"MPCC chuan BJP kaihhruai sorkarin Christian te nekchepna hmarua atana Foreign Contribution (Regulation) Amendment Bill 2026 a chhawpchhuak chu thalo a tiin, a tawp thlengin a dodal dawn a ni. Foreign Contribution Regulation Act, FCRA ti a kan hriat lar hi BJP leh a thurualpui political party ten thuneihna an chan hnu hian nasa taka tih danglam a ni a. NGO leh Christian pawl hrang hrang ten ram pawn lama kan Christian unaute hnen atanga tanpuina pawisa kan dawng danah harsatna a siam phah sawt a. Dan awmsa hnuaia Christian pawl hrang hrang ten tanpuina sum kan dawn thin dan kawng chu an rawn ti khirh ta em em mai a. Tin, BJP sorkar hnu hian FCRA hnuaia license nei pawl 20000 chuang zet chu an license tihtawp sak an lo ni tawh bawk a ni.
FCRA hi March ni 31, 1976 khan hman tan a ni a, kum 1984 khan Amendment siam a ni a. India ram him zawk nan leh national security him nana foreign fund dawn te uluk zawka kalpui duhna avang liau liau in kum 2010 khan siam that a ni a, FCRA certificate pawh kum 5 zela nung tura siamthat a ni.
Kum 2020 khan BJP sorkar chuan Amendment siamin NGO leh Kohhran hrang hrangte foreign funding chungchangah khirhkhan takin thil a kalpui a. Foreign contribution dawngtu tena NGO danga an transfer pawh a khap a, chumai bakah foreign contribution an dawn atanga 50% administrative expense atana hman remtihna pawh 20% chauh hman a phalsak a. Foreign fund dawngtute chuan SBI ah FCRA account an neih phawt a ngai a, chuta tanga sum an dawn phawt leh compliance system khirhkhan zawk a siam bawk a ni.
Foreign Contribution (Regulation) Amendment Bill, 2026 hi kumin March 25, 2026 khan Lok Sabha-ah pharh a ni a, he Bill hian NGO leh Christian pawl hrang hrang ten sum an dawn dan chngchangah sorkar thuk taka a inrawlhna turin a rawn duang chhuak a. FCRA registration cancel sak na turte, surrender emaw a hun hmaa FCRA certiicate renew hman loh vang te in sorkar laipuiin a din 'Designated Authority' kuta Kohhran leh NGO thil neih zawng zawng lut vek turin dan hi siam that a ni. He bill hian hming hmerhin Kristian emaw Kohhran a lam chhuak lo mahse FCRA hnuaia pawl tin foreign atanga tanpuina dawng thin Hindu, Muslim, Sikh, Christian, Buddhist leh secular NGOs te a tinzawn vek a. Mahse, Kristian te chu foreign funding dawng nasa ber zingah an tel avangin he Bill hian a bitum riau in a ngaihtheih. India ramah hian kohhran enkawl foreign fund dawng a tam hle a. Chung zingah chuan school leh college te, damdawi in, fahrah enkawlna, kum upa te enkawlna, tribal leh rural development project, disaster relief leh mission leh pastoral ministry te a tel. Heng thil pawimawh te FCRA hi tihtawpsak a nih chuan tun Bill ang chuan an asset tinte chu 'Disignated Authority' kutah awmin sorkarin a chhuhsak thei dawn tihna a ni.
FCRA Amendment Bill 2026 chu March ni 25, 2026 khan Lok Sabha -ah a pu lut lehin pass a ni lo a. Bill hi pass a ni lo chungin sorkar laipui chuan FCRA inkaihhruaina dan (Rules) a siam zui ta tho a.FCRA kaltlanga tanpuina dawng thin pawl te endik tur bik thuneitu sang tak ‘Designated Authority’ sorkar laipuiin a din ang a. Anni hian FCRA kaltlanga tanpuina dawng thin pawl hrang hrangte sum hmuh dan kimchang tak, an sum chet vel dan leh an hman dan kimchang te uluk takin an endik thin ang a. FCRA certificate hi tihtawp emaw, a hun chhunga tihnun thar a nih loh chuan kha NGO emaw Kohhran emaw thil neih leh sum leh paite kha sorkarin a chhuh sak vek mai dawn a ni. He dan hi a nunrawng em em mai a. Enge maw harsatna avanga license emaw certificate emaw hi a hun an tih chhunga renew hman loh palh chuan NGO leh Kohhran ten Biakin te, School te, College te, Damdawiin te, pawl leh Kohhran hminga ram leh thil neih hrang hrang (assets) te sorkarin min chhuh lui hmak hmak mai dawn tihna a ni a. He dan hian Christian te a bikin min nghawng nasa em em dawn a ni. FCRA dawng tawh te chuan dawng chhunzawm lo mahse FCRA framework ah chuan an asset chan/hloh hrim hrim tura insiamna a ni.
FCRA Amendment Rules, 2026 hnuaiah hian FCRA certificate renew tur pawhin pawl te chuan society hlawk nan Rs 10 lakhs tal foreign contribution chu financial year kum hnih tal an hmang ngei ngei tur a ni a, FCRA dawngtu pawl ten kum hnih chhunga Rs 10 lakhs foreign contribution an dawng phak lo a nih chuan an license chu cancel leh an asset te chhuhsak tho tur an ni ta a ni.
FCRA Amendment Bill 2026 in a kawh ber chu India rama Christian sakhua te nasa taka nek chep niin, Kohhran hrang hrangten kan rawngbawlna atana kan hman tangkai em em tanpuina pawisa kan dawn thin te dan hmanga khuahkhirh a tumna a ni a. He dan hi Christian te tana dan thalo leh himlo, dan hlauhawm tak a nih avangin MPCC chuan BJP kaihhruai sorkarin Christian te nekchepna hmarua atana Foreign Contribution (Regulation) Amendment Bill 2026 a chhawpchhuak chu a tawp thlengin a dodal dawn a ni.
MPCC chuan 21 July 2026 chhun dar 12 hian Vanapa Hall kawtah FCRA Amendment Bill, 2026 dodalna lrh Kristiante chunga hleilenna thleng thin duhlohna lantirna Black Day a hmang dawn a, he kan hun hman tur min thlawpa min telpui theuh turin Zoram mipuite kan ngenin kan sawm a ni.
PRESS STATEMENT
Foreign Contribution (Regulation) Amendment Bill 2026 hi Mizoram Pradesh Congress Committee chuan a tawp thlengin A dodal dawn.
MPCC chuan BJP kaihhruai sorkarin Christian te nekchepna hmarua atana Foreign Contribution (Regulation) Amendment Bill 2026 a chhawpchhuak chu thalo a tiin, a tawp thlengin a dodal dawn a ni. Foreign Contribution Regulation Act, FCRA ti a kan hriat lar hi BJP leh a thurualpui political party ten thuneihna an chan hnu hian nasa taka tih danglam a ni a. NGO leh Christian pawl hrang hrang ten ram pawn lama kan Christian unaute hnen atanga tanpuina pawisa kan dawng danah harsatna a siam phah sawt a. Dan awmsa hnuaia Christian pawl hrang hrang ten tanpuina sum kan dawn thin dan kawng chu an rawn ti khirh ta em em mai a. Tin, BJP sorkar hnu hian FCRA hnuaia license nei pawl 20000 chuang zet chu an license tihtawp sak an lo ni tawh bawk a ni.
FCRA hi March ni 31, 1976 khan hman tan a ni a, kum 1984 khan Amendment siam a ni a. India ram him zawk nan leh national security him nana foreign fund dawn te uluk zawka kalpui duhna avang liau liau in kum 2010 khan siam that a ni a, FCRA certificate pawh kum 5 zela nung tura siamthat a ni.
Kum 2020 khan BJP sorkar chuan Amendment siamin NGO leh Kohhran hrang hrangte foreign funding chungchangah khirhkhan takin thil a kalpui a. Foreign contribution dawngtu tena NGO danga an transfer pawh a khap a, chumai bakah foreign contribution an dawn atanga 50% administrative expense atana hman remtihna pawh 20% chauh hman a phalsak a. Foreign fund dawngtute chuan SBI ah FCRA account an neih phawt a ngai a, chuta tanga sum an dawn phawt leh compliance system khirhkhan zawk a siam bawk a ni.
Foreign Contribution (Regulation) Amendment Bill, 2026 hi kumin March 25, 2026 khan Lok Sabha-ah pharh a ni a, he Bill hian NGO leh Christian pawl hrang hrang ten sum an dawn dan chngchangah sorkar thuk taka a inrawlhna turin a rawn duang chhuak a. FCRA registration cancel sak na turte, surrender emaw a hun hmaa FCRA certiicate renew hman loh vang te in sorkar laipuiin a din 'Designated Authority' kuta Kohhran leh NGO thil neih zawng zawng lut vek turin dan hi siam that a ni. He bill hian hming hmerhin Kristian emaw Kohhran a lam chhuak lo mahse FCRA hnuaia pawl tin foreign atanga tanpuina dawng thin Hindu, Muslim, Sikh, Christian, Buddhist leh secular NGOs te a tinzawn vek a. Mahse, Kristian te chu foreign funding dawng nasa ber zingah an tel avangin he Bill hian a bitum riau in a ngaihtheih. India ramah hian kohhran enkawl foreign fund dawng a tam hle a. Chung zingah chuan school leh college te, damdawi in, fahrah enkawlna, kum upa te enkawlna, tribal leh rural development project, disaster relief leh mission leh pastoral ministry te a tel. Heng thil pawimawh te FCRA hi tihtawpsak a nih chuan tun Bill ang chuan an asset tinte chu 'Disignated Authority' kutah awmin sorkarin a chhuhsak thei dawn tihna a ni.
FCRA Amendment Bill 2026 chu March ni 25, 2026 khan Lok Sabha -ah a pu lut lehin pass a ni lo a. Bill hi pass a ni lo chungin sorkar laipui chuan FCRA inkaihhruaina dan (Rules) a siam zui ta tho a.FCRA kaltlanga tanpuina dawng thin pawl te endik tur bik thuneitu sang tak ‘Designated Authority’ sorkar laipuiin a din ang a. Anni hian FCRA kaltlanga tanpuina dawng thin pawl hrang hrangte sum hmuh dan kimchang tak, an sum chet vel dan leh an hman dan kimchang te uluk takin an endik thin ang a. FCRA certificate hi tihtawp emaw, a hun chhunga tihnun thar a nih loh chuan kha NGO emaw Kohhran emaw thil neih leh sum leh paite kha sorkarin a chhuh sak vek mai dawn a ni. He dan hi a nunrawng em em mai a. Enge maw harsatna avanga license emaw certificate emaw hi a hun an tih chhunga renew hman loh palh chuan NGO leh Kohhran ten Biakin te, School te, College te, Damdawiin te, pawl leh Kohhran hminga ram leh thil neih hrang hrang (assets) te sorkarin min chhuh lui hmak hmak mai dawn tihna a ni a. He dan hian Christian te a bikin min nghawng nasa em em dawn a ni. FCRA dawng tawh te chuan dawng chhunzawm lo mahse FCRA framework ah chuan an asset chan/hloh hrim hrim tura insiamna a ni.
FCRA Amendment Rules, 2026 hnuaiah hian FCRA certificate renew tur pawhin pawl te chuan society hlawk nan Rs 10 lakhs tal foreign contribution chu financial year kum hnih tal an hmang ngei ngei tur a ni a, FCRA dawngtu pawl ten kum hnih chhunga Rs 10 lakhs foreign contribution an dawng phak lo a nih chuan an license chu cancel leh an asset te chhuhsak tho tur an ni ta a ni.
FCRA Amendment Bill 2026 in a kawh ber chu India rama Christian sakhua te nasa taka nek chep niin, Kohhran hrang hrangten kan rawngbawlna atana kan hman tangkai em em tanpuina pawisa kan dawn thin te dan hmanga khuahkhirh a tumna a ni a. He dan hi Christian te tana dan thalo leh himlo, dan hlauhawm tak a nih avangin MPCC chuan BJP kaihhruai sorkarin Christian te nekchepna hmarua atana Foreign Contribution (Regulation) Amendment Bill 2026 a chhawpchhuak chu a tawp thlengin a dodal dawn a ni.
MPCC chuan 21 July 2026 chhun dar 12 hian Vanapa Hall kawtah FCRA Amendment Bill, 2026 dodalna lrh Kristiante chunga hleilenna thleng thin duhlohna lantirna Black Day a hmang dawn a, he kan hun hman tur min thlawpa min telpui theuh turin Zoram mipuite kan ngenin kan sawm a ni.
Issued by Mizoram Pradesh Congress Committee
16th July, 2026
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: