Catholic Bishop's Conference of India hruaituten FCRA chungchangah Union Home Minister an hmu

Aizawl | July 11, 2026: Catholic Bishop's Conference of India (CBCI) delegation, India rama Catholic kohhran thuneitu sangin Union Home Minister Amit Shah chu nimin khan Delhi-ah an hmu a, Memorandum - Foreign Contribution Regulation Act, sakhaw zalenna chungchang leh Manipur buaina chungchang an thehlut. Union Home Minister Amit Shah hi Union Home Secretary Govind Mohan leh official dangin an tawiawm a ni. Hun thawl tak neiin an memorandum thehluh chungchang an sawi ho.

FCRA chungchang:

Kristian bik target-na a ni lo tih Union Home Minister hian lo hrilhin, kum kaltaah FCRA hmangin Rs. Vaibelchhe 17000.00 bawr hmuh a ni a, chumi atanga Rs. Vaibelchhe 3000.00, bawr vel, a pum pui atanga 13% vel kristian organisation tan a ni.

Kum 2010-a bill siam tawh chu anti national activities atana hman a nih loh nan te, a nihna tur ang taka hman a nih theih nan he dan hi siamthat tum a nih thu a lo hrilh a. Kohhran leh a hnuaia hmalakna peng hrang hrang bakah sakhaw dang he Foreign Contribution hmang tangkaitu emaw eng pawl pawh va bitum bik an awm lo tih a sawi.

Kristian pawl hrang hrang ten kum tam tak India hmasawnna atan a an hnathawhna a hriatpui a ni, a ti.

CBCI in FCRA Bill hnukkir tura an ngenna chu tun parliament Monsoon session lo awm turah sawi ho tura chhawpchhuah tum a nih thu a hrilh a. Foreign Contribution kaltlanga infrastructure leh thil dang dang din tawhte sorkarin chhuh sak a tumna lam a nih loh thu a sawi bawk.

Kristiante nekchepna reng rengah FIR thehluh thin ni se, ngaihsak loh, hmalakna awm lo leh duhkhawp lohna a awm a nih chuan Ministry of Home Affairs-ah thlen a, mimal taka a lo bawhzui thin dawn thu a sawi.

Kristian pawl hrang hrangte FCRA avanga an sum hmuhna tihtawp sak leh harsatna an tawh zawng zawng la khawm a, ziaka a hnena thehlut tura ngenin, Ministry of Home Affairs in lo enzui a, bawhzui a tiam a ni.

Union Home Minister Amit Shah hmu tur hian, CBCI Official Advisor Jonathan Lalremruata, chuan ruahmanna siamin a tul ang ang rem a ruat a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]