Aug 28-ah MTET exam hun sawn, MZP ngenna avangin document upload kim loh avanga hnawl tawh mi zariat chuangte tan Aug 7 thleng hun hawnsak leh

Aug 28-ah MTET exam hun sawn, document upload kim loh avanga hnawlte Aug 7, thleng hun hawnsak

Aizawl | July 28, 2026: Mizoram Board of School Education (MBSE) chuan nimin khan thuchhuah thar siamin Mizoram Teacher Eligibility Test (MTET) exam hun tur chu August 28, 2026 (Friday)-ah a sawn.

Aug 28-ah MTET exam hun sawn a ni a, hemi rual hian, MZP ngenna avangin MTET exam tum, document thehluh kim loh avanga hnawl tawh mi zariat chuangte tan Document theihluh theih hun Aug 7 thleng hawnsak leh

Hemi chungchangah hian, MZP chuan, "MZP te ngenna leh Mizo thalai hna zawng mekte ngaituah chunga sorkar leh MBSE in hma a la hi MZP chuan lawmwm a ti takzet a, Mizo zirlai leh thalai hnazawng mek te tan MZP chuan theitawp a chhuah zel dawn a ni," tiiin an pawl instagram account-ah an atrlang.

MTET dmit card tihchhuah hmasak chu cancel niin Admit Cards thar hi MBSE Online Portal (www.mbseonline.com) ah August 18, 2026 (Tuesday) to August 27, 2026 (Thursday) chhunga download theih a ni ang.

Applicants te document upload kim loh avanga reject tawh te'n soft copy an thawn theihna August 7, 2026 thleng hun hawnsak an ni a. Hun tiam chhunga thehlut lo te chu pawm a ni lo ang.

Mizo thalai hna zawng mek ten harsatna an neih hi MZP hruaitute chuan Mizoram Board of School Education (MBSE) hotute July 24 khan MBSE Office ah an lo kawm tawh a, MBSE hotute chuan, MTET exam turah hian kum dang zawng aia applicants an tam thu leh reject tam takte chu form an fill-up laia document thehluh kim loh avangte, B.A Certificate / Marksheet turah HSSLC Certificate / Marksheet an thil tel avang leh HSSLC-a 45% hmuh ngai zat pha lo tam takin form an fillup thu MZP hruaitute an lo hrilh a ni.