Aug 1 atangin Bawngkawnah Hnam dang dawr hawn phal lo!

"Dawr neitu (Mizo) te an awm lo a nih chuan Local Council chuan Dawr License tih tawp thlengin hma a la ang," - Bawngkawn LC

Aizawl | July 31, 2026: Bawngkawn Local Council chuan July 29 khan thuchhuah siamin, August 1 atangin Bawngkawn Local Council huam chhungah Vai / Hnamdang dawr hawn phal lo. Bawngkawn LC chuan, "August 1, 2026 atangin, Bawngkawn Local Council huamchhunga Vai / Hnamdang dawn nghak (Shop helper) awm naah Dawr neitu dik tak (Owner / Sponsor-tu) Mizote an Dawrah an awm tel ngei tur a ni ang, an ti a.

Bawngkawn LC chuan, "Hnam dang tan Dawr License neih a theih loh angin, Bawngkawn Local Council huam chhungah Vai / Hnamdang dawr hawn phal a ni lova. Dawr neitu (Mizo) te an awm lo a nih chuan Local Council chuan Dawr License tih tawp thlengin hma a la ang. He hriattirna hi Dawr nghak-tu atana hnam dang chhawr zawng zawng ten an zawm theuh tur a ni," an ti bawk.

OFFICE OF THE LOCAL COUNCIL

BAWNGKAWN : AIZAWL

Pin - 796014

RUALKHUMI Dr J LALREMRUATA

Chairman Secretary

Ph - 9436140309 Ph- 6909571707

Dated Aizawl the 29th July, 2026

HNAMDANG SUMDAWNG DAWR CHUNGCHANGA BAWNGKAWN LOCAL COUNCIL HRIATTIRNA

Bawngkawn Local Council Sitting No. 218-na, Dt. 10.07.2026-a neih chuan, Bawngkawn vengchhunga Hnamdang Dawr nghak thinte leh Dawr neite chungchang a ngaihtuah a. August Ni 1, 2026 atangin, Bawngkawn Local Council huamchhunga Vai / Hnamdang dawn nghak (Shop helper) awm naah Dawr neitu dik tak (Owner / Sponsor-tu) Mizote an Dawrah an awm tel ngei tur a ni ang.

Hnam dang tan Dawr License neih a theih loh angin, Bawngkawn Local Council huam chhungah Vai / Hnamdang dawn pawn phal a ni lova. Dawr neitu (Mizo) te an awm lo a nih chuan Local Council chuan Dawr License tih tawp thlengin hma a la ang. He hriattirna hi Dawr nghak-tu atana hnam dang chhawr zawng zawng ten an zawm theuh tur a ni.

(RUALKHUMI) (DR J LALREMRUATA)

Chairman Secretary

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]