7th Beijing Taekwondo Super Leaque-a Gold Medalist Nula Vanlalhmangaihzuali lawmpuina hun hmang

Aizawl | July 31, 2026: Kolasib Deputy Commissioner leh Kolasib District Sports Committee Chairman H Dolianbuaia kaihruaiin vawiin khan 7th Beijing Taekwondo Super Leaque-one horse first cup - Senior Under 30 Category a Gold Medalist Nula Vanlalhmangaihzuali D/o Lalrinawma New Diakkawn Kolasib lawmpuina leh chawimawina hun hman a ni.

Nula Vanlalhmangaihzuali D/o Lalrinawma New Diakkawn Kolasib hi 17th Beijing Taekwondo Super Leaque-one horse first cup Beijing China a inelnaah Senior Under 30 Category-ah Gold Medalist a ni a, 37th National Games 2023-ah Gold Medalist niin, Mixed pair Poomsae-ah Silver Medalist a lo la tawh bawk.

China khawpui Shanghai-ah China sawrkar tumin BP.ed zir tura awm mek a ni a. July 29, 2026 khan lo hawin, chawimawina leh lawmpuina hun neih a ni.

He hunah hian Kolasib District Sports Committee hnuaia Affiliated Sports Association hrang hrang te bakah sub headquarters MHIP Kolasib, All NGO Kolasib ten lawmpuina hunah hian an tel pui bakah lawmpuina thil pek an hlan hlawm a ni.

Lawmpuina programme hi Kolasib Deputy Commissioner leh Kolasib District Sports Committee Chairman H Dolianbuaia'n kaihruaiin Kolasib in infiammi chhuanawm tak tak kan neih tawh thu te hmangaihin hetiang hlawhtlinna ropui a chan kan ngaiin kan lawmpui takzet a hma hun ah hei ai nasa hlawhtling chang turin a a duhsakna te a hlan a ni.

MHIP sub headquarters, All NGO leh Kolasib District Amateur Taekwondo Association (KDATA) aiawh te'n thu an sawi bawk a ni.