Aizawl-ah NEET zawhna putru dodalin Gen Z sang rual an fuankhawm

Aizawl | July 22, 2026: Zirlaitte huaihawtin vawiin khan Aizawl-ah NEET zawhna putru dodalin Gen Z sang rual an fuankhawm a, NEET exam zawhna putru an duh lohna an lantir.

NEET-UG exam zawhna putru vanga Union Education Minister Dharmendra Pradhan bang tura zirlaiten Delhi-a lungawi lohna an lantir mek thlawpna lantir nan vawiin khan Aizawlah zirlai thahnem tak an pungkhawm.

Vanapa Hall Kawt-ah lungwi lohna lantirin, NEET exam a thil felhlel awm thin duh lohna an lantir a, zirlai sang rual an fuankhawm a, zirlaite hian an hun tawn hrang hrang sawiin, Union Education Minister ban an phut.

vawiin chawhma dar 10:00 atang khan Vanapa Hall kawtah an pungkhawm a, chawhnu dar 2:30 pelh khan an tin darh.

Cockroach Janta Party (CJP) leh Communist Party of India (CPI) hnuaia zirlai pawl All India Students Federation (AISF) te huaihawt, Lungawi lohna hi Delhi-a Jantar Mantar-ah Cockroach Janta Party (CJP) leh Communist Party of India (CPI) hnuaia inziak lut zirlai pawl - All India Students Federation (AISF) te protest kal mek leh Sonam Wangchuk-a hunger strike an thlâwpzia lantîrna a ni.

Delhi-a punkhawmnaah hian, All India Students Federation (AISF), Communist Party of India (Marxist) [CPI(M)] hnuaia zirlai pawl - Students’ Federation of India (SFI) leh CPI (ML) Liberation hnuaia zirlai pawl - All India Students’ Association (AISA) member te an tel thin niin thudawnna chuan a tarlang bawk.

Cockroach Janata Party -in lungawi lohna an huaihawt chhan hi NEET question paper leak leh a kaihhnawih thil vang a ni a, exam cancel a nih avangin zirlai maktaduai chuang te chu exam that leh tir niin, kha exam hmasa cancel a nih vang khan mi tam tak an intihhlum phah a. Sawrkar laipuia Education Minister Dharmendra Pradhan chu he thil a mawhphurhna la duh lo tiin Cockroach Janata Party chuan bang turin an nawr a ni.

Cockroach Janta Party (CJP) hi Chief Justice of India Surya Kant-in May 15, 2026-a India thalaite chu 'Crockroaches' a tih avanga May 16, 2026-a Abhijeet Dipke din niin, ani hi political communications strategist leh AAP volunteer hlui a ni.

Heng lungawi lohna lantirna hi June thla tir lam atang khan an tan tawh a. Mi ngaihsan, zirtirtu, Engineer leh education activist Sonam Wangchuk chuan a zawm a. Wangchuk hian chaw ngheia lungawi lohna hi a lantir a, education minister ban a nih hma chu chaw nghei a tum a, mahse, Kar hnih chuang chaw a nghei hnuah, July 18 Pathianni khan Delhi police te chuan Wangchuk hi a duh lo chung sawrkar damdawi in-ah an dah lut ta a ni.

Mizo Zirlai Pawl (MZP) General Headquarters chuan, July 23 (Ningani) chawhma dar 11:00 hian Vanapa Hall kawtah punkhawm an tum leh bawk a ni.