Aizawl | June 3, 2026: Rorel lai, ZPM party chuan, vawiin chawhma dar 11 khan an party office-ah Rajya Sabha MP candidate tur an puang a, candidate tan hian K Laltluangkima an puang.
Candidate puanna inkhawm hi ZPM Vice President C Lalnunnema'n a kaihruaiin a puang a ni.
K Laltluangkima hi ZPM Spokesperson niin, ZPM PAC secretary a ni a. Politics-ah hun rei tak lo inhnim tawh a ni.
K Laltluangkima hi October 16, 1963-ah khan Saitualah a piang a, a pa chu Upa Tlanghmingthanga (L) a nu Darngeni niin, Vanlalruati Khiangte nen 1990-ah an nei a, fa hi mipa pahnih leh hmeichhia pahnih an vai hian an puitling vek tawh a ni.
Tunah hian Mission Veng, Aizawlah an cheng mek a. St Anthony's College aṭangin Bachelor of Commerce a zo va, Trinity & All Saint College, Leeds atangin Christian Communication Studies a zo bawk. Maryland, USA aṭangin Master of Plumbing a zo leh bawk a ni.
Kum 12 chhung Synod Electronic Communication Department-ah Manager hna a thawk tawh bawk. Mission Veng Branch KṬP-ah OB post lo chelh kim vek tawhin, Synod tihchhuah Kristian Naupang chanchinbu hi a bul ṭantu niin, Mission Veng Branch YMA-ah President a lo ni tawh bawk. K Laltluangkima hian naktuk ni 04.06.2026-ah Nimination a 'file' nghal dawn a ni.
Kum 1997-ah khan MNF (N) tuna ZPM party ni ta hi a zawm a. CCF kaihhruainain kum 1998-ah khan Bilkhawthlir Bialah MLA candidate a ni lo ni tawh a ni. Tunah hian ZPM Party-ah Committee sang PAC Member Secretary leh Spokesperson nihna a chelh mêk a ni.
ZPM RAJYA SABHA MEMBER OF PARLIAMENT CANDIDATE ATAN PU K. LALTLUANGKIMA PUAN A NI
Aizawl, the 3rd June, 2026: Vawiin chawhma dar 11.00 khan ZPM office Republic Vengah Pu C. Lalnunnema, Vice President ZPM, chuan ZPM Rajya Sabha Member of Parliament candidate atan Pu K. Laltluangkima, PAC Member Secretary leh Spokesperson ni lai chu a puang.
Pu C. Lalnunnema chuan ni 2.6.2026 zanah ZPM Rajya Sabha MP Nomination Committee te chu CM Bangla-ah Pu Lalduhoma-hova 'meeting' neia lungrual taka an pawm tlan a nih thu a sawi.
"Candidate tur mi ṭha tam tak kan nei a, mi ṭha an tam hi chuan ngaihtuah pawh a harsaa rin a nih laiin, harsatna nei lova tluang taka 'meeting' nei kan ni," C. Lalnunnema chuan a ti.
ZPM Rajya Sabha MP candidate atana puan thar Pu K. Laltluangkima'n thu tawi sawiin, "Rajya Sabha MP pakhat chauh kan state-in kan nei a, kum 6 term a ni. Hemi chhung hian kan ram tana kan tih theih chin ang zawng zawng chu tih kan tum ang," a ti.
"Kan party hruaitute dawhtheihna leh inpekna avangin vawiin hi kan thleng a. Hun rei lo te chhungin Mizoram party lian ber kan ni theiin ka hria. A te ber aṭanga a lian ber thlengin kan inenkawl dan hi a ṭha em em a ni," tiin ZPM Rajya Sabha MP candidate tur chuan a sawi.
Pu K. Laltluangkima chuan lawmthu sawiin, "Ka aia ṭha tam tak an awm a, kan thawkho zel ang. Theihtawpin ka inzir ve zel anga hmasawn ve ka tum ang a, nangmahni ṭanpuina leh in tân theihtawpin ka inpawtfân ang. Nomination Committee min rinna te, party hruaitute leh party mi zawng zawng chungah lawmthu ka sawi a ni," a ti a. ZPM party len chhan chu Chief Minister, Minister leh MLA ten ṭha tak leh hmasawn taka ram an kaihhruai vang a nih thu a sawi.
Election Commission of India chuan June ni 1, 2026 khan Mizoram Rajya Sabha MP thlanna tur 'official notification' a tichhuak a. Nomination hi June ni 8, 2026 thleng 'file' theih a ni a, June ni 18, 2026 zing dar 9 leh tlai dar 4 inkârah vote thlak a ni ang. June ni 18 tlai dar 5 hian vote chhiar nghal a ni dawn a ni.
*-------------------*
*Pu K. LALTLUANGKIMA chanchin tlangpui*
Pu K. Laltluangkima hi 16.10. 1963-ah khan Saitualah a piang a, a pa chu Upa Tlanghmingthanga (L) a nu Darngeni niin, Vanlalruati Khiangte nen 1990-ah an nei a, fa hi mipa pahnih leh hmeichhia pahnih an vai hian an puitling vek tawh a ni.
Tunah hian Mission Veng, Aizawlah an cheng mek a. St.Anthony's College aṭangin Bachelor of Commerce a zo va, Trinity & All Saint College, Leeds atangin Christian Communication Studies a zo bawk. Maryland, USA aṭangin Master of Plumbing a zo leh bawk a ni.
Kum 12 chhung Synod Electronic Communication Department-ah Manager hna a thawk tawh bawk. Mission Veng Branch KṬP-ah OB post lo chelh kim vek tawhin, Synod tihchhuah Kristian Naupang chanchinbu hi a bul ṭantu niin, Mission Veng Branch YMA-ah President a lo ni tawh bawk. Pu K. Laltluangkima hian naktuk ni 04.06.2026-ah Nimination a 'file' nghal dawn a ni.
Kum 1997-ah khan MNF (N) tuna ZPM party ni ta hi a zawm a. CCF kaihhruainain kum 1998-ah khan Bilkhawthlir Bialah MLA candidate a ni lo ni tawh a ni. Tunah hian ZPM Party-ah Committee sang PAC Member Secretary leh Spokesperson nihna a chelh mêk a ni.
Issued by Media & Publicity Department, ZPM General Headquarters, Aizawl.
Issue No. 101 of 2026
Date 03.06.2026
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: