"tharum ni lovin, dan angin kan kal dawn," ~ Dawrpui Khawtlang Hruaitute Joint Committee

Aizawl | June 23, 2026: Dawrpui Khawtlang Hruaitute Joint Committee chuan vawiin khan aizawl Press Club-ah thuthar thedarhtute kawmin, an ramri chungchanga hmalak an tum dan sawiin, "tharum ni lovin, dan angin kan kal dawn," an ti.

Dawrpui Local Council Chairman K Lalchhuanawma chuan thuthar thehdarhtute hmaah he thu hi a sawi a. "June 16, 2026 (Thawhlehni) zinga Dawrpui Veng chhungah ngei "Chhinga Veng Thalai Pawl" inti te'n Dawrpui mipui zahpah hauh lo a, Poster min tar khum a, aurinna hmanga veng mipui min rawn cho -in, an Y.M.A Section khat lek pawh ngam lo tur khawp a min rawn aukhum ngam mai kha mak kan ti hle a. Dawrpui Area-a dawr an rawn kalh sak ngam ngat mai phei hi chu dan bawhchhiatna dik tak niin kan ngai. He buaina avanga hemi ni veka Pi B Lalawmpuii, AMC Ward IX Corporator-in keini veng pahnih Local Council ve vete min sawipui tum leh, Aizawl DC kaihhruainaa kan sawihonaah pawh an khawtlang hruaitute hian he pawl "Chhinga Veng Thalai Pawl" to hmalakna hi an hriatpui loh thu an sawi ngei a. Chutih mek laiin a hnu lawkah an khawtlang Joint Committee chuan he pawl hmalakna hi an thlawp thu an rawn chhuah leh site hi a mak kan ti lehzual hle. He pawlin kan veng chhung ngeia hetianga dan pawisa lova hma an rawn la to mai hi mak kan tiin kan dem tak zeta, eng thuneihna nge an neih tih kan zawt a ni," a ti.

Hai bakah, hemi ni vek hian Dawrpui Thlanmual (Pass DLL-62 of 1990) Centenary Signboard an la thla bawk a. Dawrpui Thlanmual hi veng paruk Dawrpui, Saron Veng, Tuithiang, Armed Veng, Armed Veng South leh Chhinga Veng tena kan dinho 'Dawrpui Thlanmual Committee-enkawlna hnuaia awm a ni a. A hming "Dawrpui Thlanmual" tih pawh hi he Committee-in lungrual taka kan pawm a ni. Hetianga veng paruk intawm thlanmual meuh pawh zah lo taka an suasam ta mai hi dan bawhchhiatna lian tak niin, a enkawltu Committee pawh an zahloh hle tih a lang a, kan dem tak zet a ni.

Buaina an rawn siamna lai hi Dawrpui Area a ni a. Sawrkarin khua leh veng ramri a siam Dawrpui ramri tarlanna Gazette Vol XXIII Aizawl, Friday 29.04.1994, Vaisakha 9, S.E 1916 Issue no. 59-ah Dawrpui area a ni tih chiang takin a lang a. Tin, Chhinga Veng ramri tarlanna Gazette Vol X Aizawl Friday, 22.01.1982 Magha 2, S.E 1903 Issue No.6-ah Van Chhinga Veng area a ni lo tih chiang takin a lang bawk a ni. Ni 17 June 2026-a AMC Mayor kaihhruaina hnuaia veng pahnih hruaitute inkawmhonaah pawh keini Dawrpui veng aiawha telte chuan, heti taka kan laka an chet dan rawva lutuk hian kan rilru tina hle chungin dan hnuaiah veng pahnihte hi inrem dan kawng zawn a tha e kan ti a. He meeting-ah hian Chhinga Veng aiawha telte chuan "Gazette kan pawm lo" an ti leh zel phei hi chu Sawrkar thuchhuak zah lohnaah kan ngai a, buai chhunzawm zel an pawi ti lovah kan ngai a ni.

Hetiang taka Dawrpui Khawtlang chunga Chhinga Veng Thalaite chet dan hian keini Dawrpui veng mipuite min zah lovin rilru a ti na tak zet a. Kan ram hruaitute'n inremna beiseia min ngenna avang chauhin kan insum hram hram a. Amaherawhchu, Chhinga Veng lam hian an thil tih chhiatte siam tha leh a, kan ram china signboard an rawn tarte lak thlak an tum tak lovah chuan inrem an duh lo angah kan ngai a. A tul angin Dawrpui khawtlang chuan dan angin hma kan la zel dawn. Sawrkarin Dawrpui veng chin a siam Gazette hi inches khat pawhin kan tawlh dawn lo tih Zoram mipuite kan hriattir e. Sorkarin 1994 Gazette a chhuaha Dawrpui ram chin a siamah hian awm kan duh ber a. Veng thenawrnte nen hian dan hnuaiah inrem taka awm hi kan duh ber veng chu a ni.

DAWRPUI KHAWTLANG HRUAITUTE JOINT COMMITTEE,

DAWRPUI, AIZAWL

24/F/2026-DLC Date: Nikir Thla ni 23, 2026

PRESS RELEASE

THARUM NI LOVIN, DAN ANGIN KAN KAL DAWN

June 16, 2026 (Thawhlehni) zinga Dawrpui Veng chhungah ngei "Chhinga Veng Thalai Pawl" inti te'n Dawrpui mipui zahpah hauh lo a, Poster min tar khum a, aurinna hmanga veng mipui min rawn cho -in, an Y.M.A Section khat lek pawh ngam lo tur khawp a min rawn aukhum ngam mai kha mak kan ti hle a. Dawrpui Area-a dawr an rawn kalh sak ngam ngat mai phei hi chu dan bawhchhiatna dik tak niin kan ngai. He buaina avanga hemi ni veka Pi B Lalawmpuii, AMC Ward IX Corporator-in keini veng pahnih Local Council ve vete min sawipui tum leh, Aizawl DC kaihhruainaa kan sawihonaah pawh an khawtlang hruaitute hian he pawl "Chhinga Veng Thalai Pawl" to hmalakna hi an hriatpui loh thu an sawi ngei a. Chutih mek laiin a hnu lawkah an khawtlang Joint Committee chuan he pawl hmalakna hi an thlawp thu an rawn chhuah leh site hi a mak kan ti lehzual hle. He pawlin kan veng chhung ngeia hetianga dan pawisa lova hma an rawn la to mai hi mak kan tiin kan dem tak zeta, eng thuneihna nge an neih tih kan zawt a ni.

(K LALCHHUANAWMA)

Chairman, Dawrpui Local Council

(C LALBUANGA)

President, Mizoram Upa Pawl (MUP) Dawrpui Branch

(VANALHRIATI)

President, Mizo Hmeichhe Insuihkhawm Pawl (MHIP) Dawrpui Branch

(VICTOR VANLALMAWIA)

President, Young Mizo Association (YMA) Dawrpui Branch

Dawrpui lam dinna:

1. Gazette an rinchhan: 1994 Gazette Vol XXIII leh 1982 Gazette Vol X hmangin ramri a chiang tawh an ti.

2. Dan bawhchhiatna: Chhinga Veng lamin phalna la lova poster tar, dawr khar tum, leh Thlanmual Signboard la thla hi dan kalh a ni an ti.

3. Sorkar thu: AMC Mayor hova inbiaknaah pawh "Gazette kan pawm lo" ti zel hi Sorkar thu zahlohnaah an ngai.

Chhinga Veng lam dinna:

1. Gazette an pawm lo: 1982 leh 1994 Gazette-a ramri dah dan hi an dodal. NOC awm lova siam a ni an ti.

2. An ram humhalh: Dawrpui lamin an veng chhungah hma an rawn la hmasa zawk a, chuvangin an che ve mai a ni an ti.

3. Dan lova sumdawng: Dawr an kharsak te hi "Mizo hminga hnam dang" leh "dan lova sumdawng" an nih vang a ni an ti.

Eng nge thutlukna siamtu tur:

1. Gazette hi danin a tichiang em? - Sawrkar Gazette hi dan anga tihchhuah a nih chuan a dingchang ber tur a ni. Mahse Chhinga Veng lam chuan NOC awm lo an tih chuan, Gazette siam dan process kha enfiah a ngai.

2. Thu neitu tur: AMC, Revenue Department, emaw Court te hian ramri hi an tichiang thei. Veng pahnih inbeihna ringawt chuan a chingfel lo ang.

3. Thil thleng tak: Poster tar, dawr khar, signboard la thla, FIR thehlut - heng thil thlen dan leh danin a phal chin hi finfiah a ngai.

Tichuan, tun dinhmunah chuan veng pahnih hian anmahni lam thiam chantir an tum ve a. Dik zawk chu Sawrkar record, Court thutlukna, leh danin a sawi ang zela ngaih tur a ni. Khawtlang innghirnghona hi dan kailo chuan a fel thei lo tlangpui.

Sawrkar leh Khawtlang hruaituin dawhkan kila inbiaknaa an chinfel theih chuan a tha ber ang.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]