"Taxi leh Auto rickshaw aṭanga chhiah lak tur hi sorkarin sut leh rawh se," - MNF

Aizawl | June 27, 2026: MNF chuan vawiin khan thuchhuah siamin,"Taxi leh Auto rickshaw aṭanga chhiah lak tur hi sorkarin sut leh rawh se," an ti.

"ZPM sorkarin mipuiah chhiah chi hrang hrang a tihsan chhunzawm kal zelah, Taxi leh Auto Rickshaw-te chu Mizotaxi Online Application hman luihtir a tum a, hei hi Mizoram Taxi Association (MTA), Aizawl Two Wheeler Taxi Association (ATTA) leh Aizawl District Auto Rickshaw Owners Association (ADAROA) te chuan him tawk loah ngaiin; Driver-te chuan chhiah khawntu (collector) atana hman nih an duh lo a. Heng pawlte hian Transport Minister pawh dawr tawhin an inbiaknain awmzia a nei theilo. Hei bakah hian Registration fee cheng 500/- an chawi theuh dawn bakah, Taxi/Auto hmangtu (mipui) ten an hman a piangin chhiah (tax) 6% atanga 10% zel an chawi a ngai tawh dawn a. Mizotaxi Apps hmanga mipuiah chhiah lak tur hi eng dan hmanga lak nge tih pawh hriat a ni lo a, chuvangin sorkar hian a thil tih tum hi sut leh ngei turin MNF chuan a ngen a ni. Hei hian ZPM sorkar mumal lohzia te, central BJP sorkar tlawn reng chunga sum an sawi chhuah theih ve loh avanga mipui tawrhtirnaah MNF chuan a ngai.

He Apps hi chhiah a ni lo, Platform fee atana hman tur ti pawh lo awm se, passengers leh Driver te'n a hmaa pawisa sen ngaih lohnaah chawi a ngai zel dawn a, hna tul buai tam tak insiam belhna a ni bawk. He Apps buaipuitu company hi sorkarin ruai lo se engmah sum sen belhna tur a awm lo ang. Tin, Mizorama Taxi khalhtu engemaw zat leh passengers engemaw zat gpay khawih lo leh smart phone la nei lo tam tak an awm a, hei hi chu tuna kan ram dinhmun ni mekah chuan zawhloh nghawngkawl inbah tirna a la ni rihah kan ngai.

Sawrfu leh tur awm tawh chuanglo chhungkaw engemaw zatin eizawnna turin Taxi/Auto Rickshaw loan hmangin an la a, ei zawn nan an hmang a. Mirethei zawkte chungah heti taka ZPM sorkarin chhiah khawn belh a tum mek te, a inlulinna leh hleilenna hi MNF chuan tha a ti lo hle a ni.

Mizotaxi Apps hi lirthei nei ve lo, a hmangtu mipuiten an hman a pianga sorkara chhiah an pekna tura ruahmanna anih avangin, sorkar hian Mizotaxi Online Application hi sut leh ngei turin MNF chuan a ngen nawn leh a. MTA, ATTA leh ADAROA -te hmalakna hi a tawp thlengin a thlawp dawn a, Taxi/Auto hmang thin mipuite pawhin he Dan hi zir chiang a, tuna kan ram dinhmun ni mekah chuan hman chi a la nih loh avangin, lo pawm ve lo turin kan in ngen bawk a ni.

State dang, phaizawla chengte leh keini tlangram kawng chhengchhe lutuka chengte hi, Delhi CM an intehkhin thin anglo takin patla khata buk chi kan nilo, tih hi sorkarna chelh mektute hian lo hre  bawk rawh se.

Mizo National Front 

General Headquarters 

Aizawl : Mizoram

Press Release 

TAXI/AUTO RICKSHAW HMANGTUTE ATANGA CHHIAH LAK TUR HI SORKARIN SUT LEH RAWH SE

-MNF

ZPM sorkarin mipuiah chhiah chi hrang hrang a tihsan chhunzawm kal zelah, Taxi leh Auto Rickshaw-te chu Mizotaxi Online Application hman luihtir a tum a, hei hi Mizoram Taxi Association (MTA), Aizawl Two Wheeler Taxi Association (ATTA) leh Aizawl District Auto Rickshaw Owners Association (ADAROA) te chuan him tawk loah ngaiin; Driver-te chuan chhiah khawntu (collector) atana hman nih an duh lo a. Heng pawlte hian Transport Minister pawh dawr tawhin an inbiaknain awmzia a nei theilo. Hei bakah hian Registration fee cheng 500/- an chawi theuh dawn bakah, Taxi/Auto hmangtu (mipui) ten an hman a piangin chhiah (tax) 6% atanga 10% zel an chawi a ngai tawh dawn a. Mizotaxi Apps hmanga mipuiah chhiah lak tur hi eng dan hmanga lak nge tih pawh hriat a ni lo a, chuvangin sorkar hian a thil tih tum hi sut leh ngei turin MNF chuan a ngen a ni. Hei hian ZPM sorkar mumal lohzia te, central BJP sorkar tlawn reng chunga sum an sawi chhuah theih ve loh avanga mipui tawrhtirnaah MNF chuan a ngai.

He Apps hi chhiah a ni lo, Platform fee atana hman tur ti pawh lo awm se, passengers leh Driver te'n a hmaa pawisa sen ngaih lohnaah chawi a ngai zel dawn a, hna tul buai tam tak insiam belhna a ni bawk. He Apps buaipuitu company hi sorkarin ruai lo se engmah sum sen belhna tur a awm lo ang. Tin, Mizorama Taxi khalhtu engemaw zat leh passengers engemaw zat gpay khawih lo leh smart phone la nei lo tam tak an awm a, hei hi chu tuna kan ram dinhmun ni mekah chuan zawhloh nghawngkawl inbah tirna a la ni rihah kan ngai.

Sawrfu leh tur awm tawh chuanglo chhungkaw engemaw zatin eizawnna turin Taxi/Auto Rickshaw loan hmangin an la a, ei zawn nan an hmang a. Mirethei zawkte chungah heti taka ZPM sorkarin chhiah khawn belh a tum mek te, a inlulinna leh hleilenna hi MNF chuan tha a ti lo hle a ni.

Mizotaxi Apps hi lirthei nei ve lo, a hmangtu mipuiten an hman a pianga sorkara chhiah an pekna tura ruahmanna anih avangin, sorkar hian Mizotaxi Online Application hi sut leh ngei turin MNF chuan a ngen nawn leh a. MTA, ATTA leh ADAROA -te hmalakna hi a tawp thlengin a thlawp dawn a, Taxi/Auto hmang thin mipuite pawhin he Dan hi zir chiang a, tuna kan ram dinhmun ni mekah chuan hman chi a la nih loh avangin, lo pawm ve lo turin kan in ngen bawk a ni.

State dang, phaizawla chengte leh keini tlangram kawng chhengchhe lutuka chengte hi, Delhi CM an intehkhin thin anglo takin patla khata buk chi kan nilo, tih hi sorkarna chelh mektute hian lo hre  bawk rawh se.

Sd/-

(R.LALHMANGAIHA)

Secretary 

Media & Publicity Deptt

Memo No.499/2026

Dt.27.06.2026