Remna Ni lawmnaah Rev Dr CL Rema hnenah chawimawina hlan; "Dikna kenkawh avanga tawrh ngai a nih pawhin, thangtharte tan kan tuar zel mai a ni ang chu,"

Aizawl | June 30, 2026: Mizo Zirlai Pawl, General Headquarters buatsaihin "REMNA NI" hman a ni.

"Remna Ni" 2026 chu MZP buatsaihin LPS Arena, Falkland-ah hman a ni a, he hunah hian Remna leh Muanna a awm theih nan a thawhhlawk Rev. Dr. CL Rema chu chawimawina hlan a ni a, Home Minister Sapdanga chu Khuallian niin Remna Ni 2026 Souvenir a tlangzarhin, MZP Vice President Pu Sanghmingthanga kaihhruainain hun hi hman a ni.

MZP President Dr. C.Lalremruata chuan, Remna Ni kan hman thin chu mizo mipui ten inremna aiin inhnialna chawkchhuaktu mai a ni dawna hria in MZP chuan kum 2017 khan Remna Ni hman a rel a, 2018 atanga hman tan a nih thu a sawi.

MZP President chuan, Mizoram chu mahni a ro inrelna nei turin Independent a puang a, India chuan Mizoram chu ralpui phiara phairin kum 1967 bul lam atangin khua a sawikhawm tan a, hei hian Mizo nunphung nasa takin a tidanglam a. Pu Suakliana chuan “Kan hun tawng zingah khawkhawm a pawi ber mai” tih hla a phuah hial a ni. Jet Fighter hmangin mipui nunau pawisawilo te min bei a, chu ni lungchhiatthlak tak mai champhaphak chu MZP ten serh (observed) in Zoram Ni tiin kum 2008 atang khan kumtin kan hmang ta a ni" a ti.

Zofate hi Khawvel ramri pathumin min daidang a, Mizoram state tihloh chu tunah hian buaina in min chim mek a. ‘Unau kan Indo in tunge dingchhuak thei ang’ kan zavai hian Inrem takin awm ila, bil bil, bik bik awmlo in, Rinawmna chiabi inbuk tawna inrem turin a chah a ni.

Pu Remruata chuan, MZP kaihhruaina hnuaiah kum 2018 atangin Remna Ni hi hman alo ni tawh thin a, Sorkar pawhin Program dang siamlo in he hun kan buatsaih hi alo pawm mai thin a. Vawiina ngenna kan siam duh chu tu pawh sorkar sela Remna Ni hi MZP in hman zel kan tuma, Political party te leh pawl thenkhat ten a hrana hmanglo hian nakum kum 2027 ah chuan Remna Ni a nih ang taka a huho a hmangho tur leh program dang siam lo turin a sawm a, a ngen nghal a ni.

Khuallian Pu K Sapdanga chuan, Remna Ni kum 40 tlin lawmna MZP Gen. Hqrs buatsaih, LPS Arena-a neihah khuallian K. Sapdanga chuan, "Sorkar hna lak reng rengah thianghlim takin, a tling apiangte indawtin kan la zel ang. Tling lo zawk duhsak vanga lak ang hi na taka dodal zel a ni ang. Chu chuan zirlaite tan kawng dik zau takin a hawng ang a, hah taka zir hi awmzia neih tir ang. Thalaite lo pen chhuak ula, dikna kawngka zau takin lo hawn zel a ni ang a. Dikna kenkawh avanga tawrh a ngai a nih pawhin, Thangtharte tan kan tuar zel mai a ni ang chu," tiin zirlai pungkhawmte chu a fuih a ni.

Khuallian chuan, Kumina Remna Ni lawmnaah hian, Remna atana thahnemngai taka thawktu zinga mi Rev.Dr C.L.Rema chu chawimawina hlan a ni a, thinlung taka lawmpui thu a sawiin, "He Remna Ni-ah hian, remna siam tura ralthuam tunga lo pen chhuak MNF-te chungah lawmthu kan sawi a, lo pen chhuahna kawng lo sialsak a, lalthuthleng kiantu Pu Lal Thanhawla inpekna kha kan chawimawi nawn leh a, Kohhran hruaitute, Mizo Zirlai Pawl leh remna atana thawktu dang zawng zawngte kan chawimawi bawk a ni," a ti.

Mizoram buaina titawp tura remna thuthlung chu thuthlung tha ber pawl a ni kher lo mai thei a, remna thuthlung zawm hlawh ber zinga mi chu a ni. Hei hian

Mizo hi hnam rinawm kan nih a tarlang a, kum 40 a tlin thlengin Remna Ni hlim tak leh lungrual takin kan lawm thei a, a hlu tak zet a ni, " a ti. Zirlaite chu Mizoram buai chanchin ziahna lehkhabu chhiar thin turin a chah a, sorkar leh tlawmngai pawl chakna hmanga dan hneh a harsat thu leh, inven dan tha ber chu mahni inven a nih thu a sawi bawk. Ruihhlo ngawlvei tunlaiin Mizo thalai zingah an tam thu sawiin, zirlaite chu ruihhlo laka inthiar fihlim a, ti chhin hauh lo turin a chah bawk.

"Remna Ni" 2026 lawmnaah hian Rev. John. Raldosanga, Moderator Mizoram Synod chuan Hunserh hmangin, Pu C. Lalhmingsanga General Secretary chuan Remna Ni lo hman tawh dan report a pe a. He Remna Ni pual hian, 1st Battalion MAP, St. Joseph HSS, St. Anthony's HSS, Endeavour School of Learning leh Home Missions School te zai leh lam hmuhnawm tak an entir bawk a ni.

Sd/-

(C. LALHMINGSANGA)

General Secretary

Ph: +91 7005941431

MZP PRESS RELEASE

Mizo Zirlai Pawl, General Headquarters buatsaihin "REMNA NI" hman a ni.

"Remna Ni" 2026 chu MZP buatsaihin LPS Arena, Falkland-ah hman a ni a, he hunah hian Remna leh Muanna a awm theih nan a thawhhlawk Rev. Dr. CL Rema chu chawimawina hlan a ni a, Pu K. Sapdanga, Home Minister chu Khuallian niin Remna Ni 2026 Souvenir a tlangzarhin, MZP Vice President Pu Sanghmingthanga kaihhruainain hun hi hman a ni.

Khuallian Pu K. Sapdanga chuan, Remna Ni kum 40 tlin lawmna MZP Gen. Hqrs buatsaih, LPS Arena-a neihah khuallian K. Sapdanga chuan, "Sorkar hna lak reng rengah thianghlim takin, a tling apiangte indawtin kan la zel ang. Tling lo zawk duhsak vanga lak ang hi na taka dodal zel a ni ang. Chu chuan zirlaite tan kawng dik zau takin a hawng ang a, hah taka zir hi awmzia neih tir kan tum. Thalaite lo pen chhuak ula, dikna kawngka zau takin lo hawn zel a ni ang. Dikna kenkawh avanga tawrh a ngai a nih pawhin, Thangtharte tan kan tuar zel mai ang chu," tiin zirlai pungkhawmte chu a fuih a ni.

Mizoram buaina titawp tura remna thuthlung chu thuthlung tha ber pawl a ni kher lo mai thei a, remna thuthlung zawm hlawh ber zinga mi chu a ni. Hei hian

Sd/-

(C. LALHMINGSANGA)

General Secretary

Ph: +91 7005941431