Aizawl | June 22, 2026: Mizo Hnam Runah chhung inkhawm vawiin khan CM hlui leh MNF President Zoramthanga chuan, Mizoramin remna a neih chu Pathian pek a nih thu sawiin, "Pathianin remna min pek hi min ninhlei pek a ni lo. Remna chanchin ṭha hril zel tur leh a chanchin ṭha kan hrilh zel theih nan Mizote hi Pathianin remna min pe a ni. Khawvelin remna hlutzia an hre zel a, MNF pawh remna thlen turin kan ṭangkai zia midangin an hre zel a ni," a ti.
Zorama chuan, MNF chungchang sawiin, "MNF hian a hranpain ropuina bik kan nei lo a, kan danglamna bik erawh chu Pathian leh kan ram tan titu kan nihna hi a ni. Chanchin ṭha hril turin he hnam Pathian tana buatsaih hi MNF tum ber a ni reng dawn a. Hniam chang nei ṭhin mah ila, Lalpa nghak tlattu leh Pathiana innghat tlat kan nihna hi a lang ṭhin a. Lalpan mi chawi sang leh ṭhin," a ti bawk.
"MNF Party chu sorkar leh turin a inbuatsaih leh mek a. Chumi atan chuan a ṭul ang angte buaipui chhoh mek zel a ni. MNF-ah nghet takin, Pathian ring chungin i awm zel ang u," a ti.
MNF president chuan tunhnaia Delhi a zin report a pe a. Union Home Minister Amit Shah leh mi pawimawh tak tak a hmuh thu sawiin, ṭha takin an inkawm, tih a sawi.
Chhung inkhawm hi MNF General SecretaryLalrinsanga Ralte MLA, -in a kaihruai a, MNf Secretary Isak Malsawmtluanga'n hunserh a hmang a ni.
.jpeg)
Mizo National Front
General Headquarters
Mizoram : Aizawl
Press Release
MNF PRESIDENT-IN HNAM RUNAH THU A SAWI
Vawiin hian Mizo Hnam Runah chhung inkhawm neih a ni a, Pu Zoramthanga President-in thu a sawi.
Pu Zoramthanga chuan, Mizoramin remna a neih chu Pathian pek a nih thu sawiin, "Pathianin remna min pek hi min ninhlei pek a ni lo. Remna chanchin ṭha hril zel tur leh a chanchin ṭha kan hrilh zel theih nan Mizote hi Pathianin remna min pe a ni. Khawvelin remna hlutzia an hre zel a, MNF pawh remna thlen turin kan ṭangkai zia midangin an hre zel a ni," a ti.
Pu Zorama chuan, MNF chungchang sawiin, "MNF hian a hranpain ropuina bik kan nei lo a, kan danglamna bik erawh chu Pathian leh kan ram tan titu kan nihna hi a ni. Chanchin ṭha hril turin he hnam Pathian tana buatsaih hi MNF tum ber a ni reng dawn a. Hniam chang nei ṭhin mah ila, Lalpa nghak tlattu leh Pathiana innghat tlat kan nihna hi a lang ṭhin a. Lalpan mi chawi sang leh ṭhin," a ti bawk.
"MNF Party chu sorkar leh turin a inbuatsaih leh mek a. Chumi atan chuan a ṭul ang angte buaipui chhoh mek zel a ni. MNF-ah nghet takin, Pathian ring chungin i awm zel ang u," a ti.
MNF president chuan tunhnaia Delhi a zin report a pe a. Union Home Minister Amit Shah leh mi pawimawh tak tak a hmuh thu sawiin, ṭha takin an inkawm, tih a sawi.
Chhung inkhawm hi Pu Lalrinsanga Ralte MLA, General Secretary-in a kaihruai a, Pu Isak Malsawmtluanga, Secretary-in hunserh a hmang a ni.
Sd/-
(LALLENMAWIA JONGTE)
Secretary
Media & Publicity Department
Mizo National Front
Memo No. 498/2026
Dt.22.06.2026
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: