Mizoram 6 Red Snooker Championship 2026 - 2027 ah Lalrina Renthlei a champ

Aizawl | June 21, 2026: Mizoram Snooker & Billiards Association (MSBA) buatsaih Mizoram 6 Red Snooker Championship 2026 - 2027 chu June 20, 2026 zan khan MSBA Hall, Hawla Indoor Stadium, Republic Vengthlangah a hmawr bawk a ni a, Lalrina Renthlei, Tuikhuahtlang a champ!

Mizoram 6 Red Snooker Championship 2026 - 2027 final hi tlai dar 5 khan khelh ṭan a ni a, Race to 6 a khelh niin, Lalsangzela, Khatla South nen an inhmachhawn a, Lalrina hian 6 - 4 in a hneh a champion a ni ta a ni.

An final zinkawngah hian player tha tak tak an hneh a, Mizoram-a snooker player tha rual fuankhawmna Mizoram 6 Red Snooker Championship 2026 - 2027 a dingchang tur hi chuan taksa mai bakah thluak a fit a ngai a ni.

Race to 6 (Frame 6 la hmasa sa chak) a khelh a ni a, Frame hmasa berah Sangzela a chak a, Frame hnihna atanga 4na thleng Lalrina a chak leh a, 1 - 3 niin Rina'n hma a hruai a, Frame 5na leh 6na Zela'n a la ve leh a, 3 - 3 a ni a, frame 7na leh 8na Lalrina'n a la leh a, 3 - 5 niin Rina'n hma a hruai leh, Frame 9naah Zela rawn tho lehin frame a rawn la leh a, 4 - 5 a ni a, inhnaih tein an awm tawh a, mahse, Frame 10naah Lalrina'n a zia a rawn chhhuah a, Frame a la ta a, 4 - 6 in Lalrina a chak ta a ni.

Mizoram 6 Red Snooker Championship 2026 - 2027 hi June 15, 2026 tlai atang khan khelh tan a ni a, June 20, 2026 zan khna a hmawr bawk a ni. Mizoram chhung atangin player tha rual thahnem tak an fuankhawm a ni.