Aizawl | June 29, 2026: ZPM General Headquarters chuan party office-ah chhung inkhawm an nei a, Chief Minister Lalduhoma chuan thu sawiin, “Term chanve kan lo sorkar ta a, mi tam tak ngaihdanah chuan Minister te hna chanpual thlakthlengna lian tak thleng turah kan ngai a. Kan Minister te an thawkrim a, an department chan te an bel dawn chauh a, tun dinhmunah chuan major reshuffle hi ngai kan ti lo a. Hetih lai hian Central atanga thiltih ngai ang chi te leh department inhne rem deuh tur te chu tih danglam zeuh zeuh kan nei thung a, minor reshuffle hi vawi 10 dawn lai kan lo nei ve tawh a, a boruak azir zelin kalpui chhoh a ni ang,” a ti.
Duha chuan, “Kum tam tak chhung kan policy te kan lo vahvaihpui tawh a, party mite thawhrimna leh mipui te avanga sorkar kan ni. Party mite chuan theih tawp chhuah a, sawrkar tuma hmalak kha an tih thur reng a nih laiin; Mizoram mipui nawlpuiin min duhsak a, min tawngtaipui a, an duhsakna min hlan vanga sawrkar kan ni hi kan theihnghilh tur a ni lo. Kan Party hmingah pawh People’s Movement kan nih angin, mipui nawlpui pen rual zela kal tur kan ni a, mipui te pawh tunhma sawrkar ai khan keini-ah chuan an inti neitu em em a, chuvangin mipui kan dah pawimawh hle tur a ni,” a ti a.
Chief Minister chuan, “Sorkar a that leh that lohah hian eng tehfung nge kan hman? Kan thil dil a hlawhtlin chiah loh avanga sorkar sawisel chiam mai kan ni em? Kan mimal duh dan leh kan hamthatna atanga kan teh chuan sorkar hi teh tlin a har khawp ang. Sorkar tha kan tehna tur chuan kan auhla kan umzui em? MLA te hnathawh a tha tawk em? tih te hian I teh ang u,” a ti.
“Bible-a Joshua chanchin ang deuh khan keini pawh hi Israel hnam 12 te angin Minister 12 kan nei a, kum hnih leh a chanve chhung ram kan la tawh, kan thlen chinah lungawithlak viau mahse ram lak tur kan la ngah hle. Minister te hian an chanpual hrang hrang department theuhah ram lak tur hmachhawp an la ngah viau mai. Corruption lakah te, System chhe lutuk lakah te, hnathawh quality chhe lutuk lakah te ram lak tur kan la ngah hle. Chawl thei kan la ni lo,” tiin Pu Duha chuan a sawi a. “Kei ngei pawh hi upat lam pan ka lo ni ve ta a, in mi duhsakna azarah pa ber dinhmun ka chang a, hemi chanvo ka chelh chhung hi chuan a tam thei ang ber ram lakpui che u ka tum a ni,” a ti a.
“India ram hian kum 2047-ah Independent a nih kum 100-na kan thleng dawn a, chumi atan chuan Prime Minister hian hmathlir a nei a, Vikshit Bharat 2047 tiin. Chu mi lam pan chuan state tin kan inbuatsaih a, keini Mizoram pawhin Vikshit Mizoram 2047 kan duang ve a, chuta kan target pakhat chu India ram GDP-ah Mizoram hian 1% tal tawh ve kan tum a ni. Chutih hun, kum 2047 ah chuan keini chu kan awm tawh dawn lo, heng hun a thlen hunah chuan nakin hun atana vawiina kan hmathlir chhawpchhuah te hi thangthar ten an la chhawr dawn a ni. Tin, Pathian hnenah hian, ‘rei tak CM nihna chanvo hi min chelh tir rawh’ tiin ka dil ngai lo, ‘kei aia tha zawk, tisa leh thlarau lama chak zawk min pe rawh,’ tiin ka dil thin,” a ti a. “Hruaitu nih hi a chuha chuh chi a ni lo, amahin a lo piang mai. Kan party phei chuan danglam bikna kan nei a, chu chu Val upa Council kan nei hi a ni. Chief Minister tur hi Val upa Council ten an ruat thin,” a ti bawk.
Chhung inkhawm hi Pu KC Lallianmawia, General Secretary in a kaihruai a; Rev. Dr. C. Vanlaldika chuan hunserh a hmang a; party mi thahnem tak kan kalkhawm a ni.
Sd/-
(KJ LALBIAKNGHETA)
General Secretary
PRESS RELEASE
ZPM General Headquarters, Mizoram: Aizawl
PR No. ZPM-09/0A/2026/39
Dated the 29th June, 2026
*People’s Movement kan nih angin; mipuite pawh tunhma sawrkar ai khan keini-ah chuan an inti neitu em em a, chuvangin mipui kan dah pawimawh hle tur a ni – Pu Lalduhoma, Chief Minister*
Vawiin khan ZPM General Headquarters chuan party office-ah chhung inkhawm kan nei a, Chief Minister Pu Lalduhoma chuan thu sawiin, “Term chanve kan lo sorkar ta a, mi tam tak ngaihdanah chuan Minister te hna chanpual thlakthlengna lian tak thleng turah kan ngai a. Kan Minister te an thawkrim a, an department chan te an bel dawn chauh a, tun dinhmunah chuan major reshuffle hi ngai kan ti lo a. Hetih lai hian Central atanga thiltih ngai ang chi te leh department inhne rem deuh tur te chu tih danglam zeuh zeuh kan nei thung a, minor reshuffle hi vawi 10 dawn lai kan lo nei ve tawh a, a boruak azir zelin kalpui chhoh a ni ang,” a ti.
Pu Duha chuan, “Kum tam tak chhung kan policy te kan lo vahvaihpui tawh a, party mite thawhrimna leh mipui te avanga sorkar kan ni. Party mite chuan theih tawp chhuah a, sawrkar tuma hmalak kha an tih thur reng a nih laiin; Mizoram mipui nawlpuiin min duhsak a, min tawngtaipui a, an duhsakna min hlan vanga sawrkar kan ni hi kan theihnghilh tur a ni lo. Kan Party hmingah pawh People’s Movement kan nih angin, mipui nawlpui pen rual zela kal tur kan ni a, mipui te pawh tunhma sawrkar ai khan keini-ah chuan an inti neitu em em a, chuvangin mipui kan dah pawimawh hle tur a ni,” a ti a.
Chief Minister chuan, “Sorkar a that leh that lohah hian eng tehfung nge kan hman? Kan thil dil a hlawhtlin chiah loh avanga sorkar sawisel chiam mai kan ni em? Kan mimal duh dan leh kan hamthatna atanga kan teh chuan sorkar hi teh tlin a har khawp ang. Sorkar tha kan tehna tur chuan kan auhla kan umzui em? MLA te hnathawh a tha tawk em? tih te hian I teh ang u,” a ti.
“Bible-a Joshua chanchin ang deuh khan keini pawh hi Israel hnam 12 te angin Minister 12 kan nei a, kum hnih leh a chanve chhung ram kan la tawh, kan thlen chinah lungawithlak viau mahse ram lak tur kan la ngah hle. Minister te hian an chanpual hrang hrang department theuhah ram lak tur hmachhawp an la ngah viau mai. Corruption lakah te, System chhe lutuk lakah te, hnathawh quality chhe lutuk lakah te ram lak tur kan la ngah hle. Chawl thei kan la ni lo,” tiin Pu Duha chuan a sawi a. “Kei ngei pawh hi upat lam pan ka lo ni ve ta a, in mi duhsakna azarah pa ber dinhmun ka chang a, hemi chanvo ka chelh chhung hi chuan a tam thei ang ber ram lakpui che u ka tum a ni,” a ti a.
“India ram hian kum 2047-ah Independent a nih kum 100-na kan thleng dawn a, chumi atan chuan Prime Minister hian hmathlir a nei a, Vikshit Bharat 2047 tiin. Chu mi lam pan chuan state tin kan inbuatsaih a, keini Mizoram pawhin Vikshit Mizoram 2047 kan duang ve a, chuta kan target pakhat chu India ram GDP-ah Mizoram hian 1% tal tawh ve kan tum a ni. Chutih hun, kum 2047 ah chuan keini chu kan awm tawh dawn lo, heng hun a thlen hunah chuan nakin hun atana vawiina kan hmathlir chhawpchhuah te hi thangthar ten an la chhawr dawn a ni. Tin, Pathian hnenah hian, ‘rei tak CM nihna chanvo hi min chelh tir rawh’ tiin ka dil ngai lo, ‘kei aia tha zawk, tisa leh thlarau lama chak zawk min pe rawh,’ tiin ka dil thin,” a ti a. “Hruaitu nih hi a chuha chuh chi a ni lo, amahin a lo piang mai. Kan party phei chuan danglam bikna kan nei a, chu chu Val upa Council kan nei hi a ni. Chief Minister tur hi Val upa Council ten an ruat thin,” a ti bawk.
Chhung inkhawm hi Pu KC Lallianmawia, General Secretary in a kaihruai a; Rev. Dr. C. Vanlaldika chuan hunserh a hmang a; party mi thahnem tak kan kalkhawm a ni.
Sd/-
(KJ LALBIAKNGHETA)
General Secretary
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: