Lirthei chesualah nula kum 23 mi a thi

Aizawl | May 15, 2026: Chanmari Venga Ch Saprawnga building kawtah nizan dar 12 bawr vel khan, Bike leh Scooter intai palha Thingsulthliah khaw Nula kum 23 mi Zonuntluangi a thi.

Chetsualnaa vanduai ta, Thingsulthliah khaw Nula kum 23 mi Zonuntluangi, d/o PC Lalvuana hi Chanmari West-ah Hostel-a awm mek niin, scooter hnunga chuang a ni.

Zonuntluangi ruang hi Aizawl Civil Hospital-ah postmortem tura tih a ni a, vawiin chawhnu dar 2:00 ah an khua Thingsulthliah-ah vui tura ruahman niin thu dawnna chuan a tarlang.

Thil thlen dan:

Nizan dar 12 bawr vel khan Zarkawt atanga Chanmari lama tlan Scooter leh Chanmari atanga Zarkawt lama tlan interceptor bike-te chu Ch Saprawnga building tualah an intai palh a, Thingsulthliah khaw Nula kum 23 mi Zonuntluangi a thi.