Aizawl | May 11, 2026: Mizoram Pradesh Congress Committee chuan vawiin khan Congress Bhavan-ah Political Session an hmang a, he hunah hian MPYCC Sr. Vice President Ngurdingpuia Pachuau chuan thu sawiin "Mipui nawlpuiin sawrkar tha leh dik, innghah ngamna tak tak an beisei pe turin theihtawp kan chhuah mek a ni" a ti.
Ngurdingpuia Pachuau chuan, "ZPM ten party mala sawrkarna siamin an sawrkar tirhah an hotupa Pu Lalduhoma hovin, mipui beisei ang tihhlawhtlin tumin, danglam bik, tha bik nih tumin nasa takin hma an la, an MLA rualte tha bik turin, Valupa Council hmaa thutiamin, "Chhung leh khat, mahni mi leh sa duhsakna lakah ka inthiar fihlim ang," an ti rual dual dual a, Pu Lalduhoma'n Ni 100 chhunga sawrkar tih tur a puang chhuak bawk a, Pharisai te ang maiin a langsar thei ang berin Saiip puan sinin Lammualah progrogramme an siam a, TV, Youtube leh Social Media hrang hrangah an inpholang bawk a. Mipui pawn beiseina sang tak an sawrkar tirhah kha chuan an nei a ni. Hun a lokal deuh a, an chet duhdan leh an kalphung mipui beisei ang a pha lo tan a. An intiam leh insawi ang an ni lo tan a, danglam bik tura an intiam chu bawhpelhin an danglam bik ta si lo" a ti.
"Kan ti ve lo ang" tia an lo tiam te palzamin an ti leh lawi si a. MLA te duhsak bik nei lo tura intiamten chhung leh khat, mahni mi leh sa duhsak bikna lakah an inthiar fihlim ta bik si lo. ZPM party mi leh sa nih loh chuan engmah a tih theih loh zia a chiang zel a. Chhim lama an MLA pakhat insum zo lo rawn tawng chhuakin, Bana kaih scheme hnuaia Chief Minister Special Package chu ZPM mi leh sa lo chu an pek loh tur thu an Party thuchhuak a rawn sawi chhuak hial a nih kha. Lang lo tura thuhruk anmahni'n rawn hailangin, an inmualpho a ni ber a.
Ni 100 chhunga tihtur CM in a puan pawh kum hnih leh a chanve ni 884 an sawrkar chhung hian la tih hlawhtlin loh an ngah hle. Mipui rinna an hloh ve tial tial a, Chutiang anih avang chuan By-Election Dampa biala neihah pawh an chak zo lo a, Lawngtlai lam LADC inthlanah an chak zo lo a, Local Council by-election thenkhatah an chak lo bawk a, SHDC lam inthlanah an che chhe bawk anih kha.
Tun hnaia AMC inthlanah erawh tan theih dan zawng zawnga tangin, tan an khawh a, insawifiah leh insawi mam reng rengin hun hmang mahse, vanneih thilthuah hnehna an chang hlauh a, hei hi a chhan chu Aizawl khawpui kawng siam hnua Inthlan sawn hlat avangte, Healthcare MUHCS thiamtaka an tlangaupui avang te leh kan hriat angin Kohhran thuchhuak tanchhana an hman thiam vang te, Opposition party lamin an thiltih dik lo leh fello kan puanchhuah te thiam chitin renga insawifiahin mipui rilru hneh an tum a, mipui court ah kan inbei a, thenkhatin an khawngaih let ta deuh emaw chu tih theih a ni. Duh reng vang ni lovin ZPM vote tu te hian Kum hnih leh a chanve vel chauh sawrkarna an la vuan bawk si a, la ngaihchan rih a, term khat em pawh sawrkarna an la chelh loh avangin enthlak rih an la thlang niin a lang.
MNF mipuiin an la chhangkham rih bawk nen, ZPM thlakna tura mipui choice no.1 Congress party pawh mipui beisei pha lo mahse, thutiama ding nghet thin, mipuite a tiam chu ti mai thin, ram rohlu hnuchhiah hnem ber, hotu tha tak nei, party dang aia nei tha tiin min hre mahse, min la thlang lo zawk tih kan chian a ngai. Sawrkarna siam tura mipui beisei turin AMC ah te chuan Manifesto tha tak tak nei mahila, A party pumpuia anga kan chunga rinna leh beiseina an la nghah ngam fak loh vang pawh a ni ang.
He ram hmasawnna tur hian theihtawp kan chhuah reng a. Thalai lekhathiam ni lo hnathawh tur mumal nei lo te leh lehkhathiam hna nei lo te tan ruahmanna kan siam mek a, Hmeichhia te hamthatna tur te, Kum upa(Senor citizen) te, hmeithai te leh eizawnna bulfuk nei lote, rethei leh pachhiate tan, rualbanlo te tan ruahmanna kan kalpui dawn.
Thingtlang kuthnathawka eizawngte dawmkanna tur kan duang mek a, rethei leh harsa te tan te, Infiam mite tan ruahmanna tha kan siam mek, ZPM Healthcare MUHCS aia tha zawk te, Kan education system hi engtinnge ka tih ang a, Sawrkar Sikula kan fate dah ngamna turin engtinnge kan ruahman ang tih te kan ngaihtuah mek a, mipui nawlpuiin sawr tha leh dik, innghah ngamna tak tak an beisei pe turin theihtawp kan chhuah mek a ni, a ti bawk.
He hun hi Pu Vanhranga Fanchun, Secretary, MPCC chuan a kaihruai a ni.
MPCC/Media/PR-2026/26
Dated: Aizawl, May 11, 2026
PRESS RELEASE
Vawiin May 1, 2026 Thawhtanni hian Mizoram Pradesh Congress Committee chuan Bhavan-ah Political Session kan hmang a, he hunah hian Pu Ngurdingpuia Pachuau, Sr. Vice President, MPYCC chuan thu sawiin "Mipui nawlpuiin sawrkar tha leh dik, innghah ngamna tak tak an beisei pe turin theihtawp kan chhuah mek a ni" a ti.
Ngurdingpuia Pachuau chuan, "ZPM ten party mala sawrkarna siamin an sawrkar tirhah an hotupa Pu Lalduhoma hovin, mipui beisei ang tihhlawhtlin tumin, danglam bik, tha bik nih tumin nasa takin hma an la, an MLA rualte tha bik turin, Valupa Council hmaa thutiamin, "Chhung leh khat, mahni mi leh sa duhsakna lakah ka inthiar fihlim ang," an ti rual dual dual a, Pu Lalduhoma'n Ni 100 chhunga sawrkar tih tur a puang chhuak bawk a, Pharisai te ang maiin a langsar thei ang berin Saiip puan sinin Lammualah progrogramme an siam a, TV, Youtube leh Social Media hrang hrangah an inpholang bawk a. Mipui pawn beiseina sang tak an sawrkar tirhah kha chuan an nei a ni. Hun a lokal deuh a, an chet duhdan leh an kalphung mipui beisei ang a pha lo tan a. An intiam leh insawi ang an ni lo tan a, danglam bik tura an intiam chu bawhpelhin an danglam bik ta si lo" a ti.
"Kan ti ve lo ang" tia an lo tiam te palzamin an ti leh lawi si a. MLA te duhsak bik nei lo tura intiamten chhung leh khat, mahni mi leh sa duhsak bikna lakah an inthiar fihlim ta bik si lo. ZPM party mi leh sa nih loh chuan engmah a tih theih loh zia a chiang zel a. Chhim lama an MLA pakhat insum zo lo rawn tawng chhuakin, Bana kaih scheme hnuaia Chief Minister Special Package chu ZPM mi leh sa lo chu an pek loh tur thu an Party thuchhuak a rawn sawi chhuak hial a nih kha. Lang lo tura thuhruk anmahni'n rawn hailangin, an inmualpho a ni ber a.
Ni 100 chhunga tihtur CM in a puan pawh kum hnih leh a chanve ni 884 an sawrkar chhung hian la tih hlawhtlin loh an ngah hle. Mipui rinna an hloh ve tial tial a, Chutiang anih avang chuan By-Election Dampa biala neihah pawh an chak zo lo a, Lawngtlai lam LADC inthlanah an chak zo lo a, Local Council by-election thenkhatah an chak lo bawk a, SHDC lam inthlanah an che chhe bawk anih kha.
Tun hnaia AMC inthlanah erawh tan theih dan zawng zawnga tangin, tan an khawh a, insawifiah leh insawi mam reng rengin hun hmang mahse, vanneih thilthuah hnehna an chang hlauh a, hei hi a chhan chu Aizawl khawpui kawng siam hnua Inthlan sawn hlat avangte, Healthcare MUHCS thiamtaka an tlangaupui avang te leh kan hriat angin Kohhran thuchhuak tanchhana an hman thiam vang te, Opposition party lamin an thiltih dik lo leh fello kan puanchhuah te thiam chitin renga insawifiahin mipui rilru hneh an tum a, mipui court ah kan inbei a, thenkhatin an khawngaih let ta deuh emaw chu tih theih a ni. Duh reng vang ni lovin ZPM vote tu te hian Kum hnih leh a chanve vel chauh sawrkarna an la vuan bawk si a, la ngaihchan rih a, term khat em pawh sawrkarna an la chelh loh avangin enthlak rih an la thlang niin a lang.
MNF mipuiin an la chhangkham rih bawk nen, ZPM thlakna tura mipui choice no.1 Congress party pawh mipui beisei pha lo mahse, thutiama ding nghet thin, mipuite a tiam chu ti mai thin, ram rohlu hnuchhiah hnem ber, hotu tha tak nei, party dang aia nei tha tiin min hre mahse, min la thlang lo zawk tih kan chian a ngai. Sawrkarna siam tura mipui beisei turin AMC ah te chuan Manifesto tha tak tak nei mahila, A party pumpuia anga kan chunga rinna leh beiseina an la nghah ngam fak loh vang pawh a ni ang.
He ram hmasawnna tur hian theihtawp kan chhuah reng a. Thalai lekhathiam ni lo hnathawh tur mumal nei lo te leh lehkhathiam hna nei lo te tan ruahmanna kan siam mek a, Hmeichhia te hamthatna tur te, Kum upa(Senor citizen) te, hmeithai te leh eizawnna bulfuk nei lote, rethei leh pachhiate tan, rualbanlo te tan ruahmanna kan kalpui dawn.
Thingtlang kuthnathawka eizawngte dawmkanna tur kan duang mek a, rethei leh harsa te tan te, Infiam mite tan ruahmanna tha kan siam mek, ZPM Healthcare MUHCS aia tha zawk te, Kan education system hi engtinnge ka tih ang a, Sawrkar Sikula kan fate dah ngamna turin engtinnge kan ruahman ang tih te kan ngaihtuah mek a, mipui nawlpuiin sawr tha leh dik, innghah ngamna tak tak an beisei pe turin theihtawp kan chhuah mek a ni, a ti bawk.
He hun hi Pu Vanhranga Fanchun, Secretary, MPCC chuan a kaihruai a ni.
Sd/-
(LALTLANKIMA RALTE)
Media Department
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: