Formosa Foundation bultumin pawl hrang hrang hnenah Oxygen Concentrator 500 hlan

Aizawl | May 23, 2026: Formosa Foundation India bultumin Vawiin chhun dar 2:30 khan Vanapa Hall -ah Oxygen Concentrator 500 hlan a ni a, Chief Minister Lalduhoma'n khuallian niin a hmanpui.

He oxygen concentrator inhlanna programme hi Central YMA Vice President Prof. Lalnuntluanga'n a kaihruai a, Bishop Secretary Fr. Jerome Vungbiakdika'n hunserh a hman hnuah Central YMA General Secretary, Prof. Malsawmliana hnen atangin Report leh Inhmelhriattirna ngaihthlak a ni.

He hunah hian Formosa Foundation Chairman Jonathan Lalremruata, Central YMA President R Lalngheta leh Assam Rifles Director General Lt Gen Vikas Lakhera te pawhin thusawina hun an hmang bawk.

Khuallian Lalduhoma chuan thusawiin, “Central YMA leh Formosa Foundation ten a mamawhte tana Oxygen Concentrator 500- zet mai YMA branch leh tlawmngai pawl hrang hrangte hnena hlannahun pawimawh tak a buatsaih hi a lawmawm ka ti hle a, Damlo oxygen mamawh ten tangkai taka an hman theihtur, nun chhanhimna hmanraw pawimawh tak mai, a mamawh ten an ban phak tura ruahmanna Formosa Foundation kaltlanga siam a ni hi a hluin, midangte tanamalsawmna a ni a, a Pathian thu hle a ni. Formosa Foundation hian kan hriat angin kan ram leh mipuite tan, kawng hrang hrangin, thahnemngai takin hma an lo la tawh thîn a, Mizo mipuite tana theihtawp chhuah a, malsawmna thlentu an nih fo thin angin, vawiinahmidangte tan an luang chhuak leh ta hi an fakawminMizote tan hian an thawh hlawkin an hlu hle a ni. Formosa Foundation in Mizote tan thil tha tam tak an ti tawh a, an hnathawh a ropui tak zet a ni. YMA ten tanpui ngaite tanpui hna an thawh hi a ropui tak zet a.

Ruihhlo do kawngah theihtawp chhuah zel tur leh ruihhlo nena kan indonaah hian tha thlah miah lova thawk turin YMA hruaitu kalkhawm te a chah bawk.

He hunah hian Central YMA Performing Troupe ten hnam lam an entir a, Marina Varte hnen atangin zai ngaihhnawm tak ngaihthlak a ni bawk.

Oxygen Concentrator semna hmun hi Pu SF David Ngursangzuala, Assistant Secretary, Central YMA chuan a kaihruai.

Hun tawp lamah Central YMA Finance Secretary MS Ralte chuan lawmthu sawina hun a hmang.

Oxygen Concentrator hi YMA Branch 473 leh pawl dang 27 te hnenah pek a ni.