CAFÉ | Ṭhalaite zingah ruihhlo hluar? 'Zirchianna' nge 'nia hriat'? 'Safe Haven' nge 'Ruihhlo tihna'? Café kal ṭhin ṭhalaite kan hmuh khawloh phah thei!

CAFÉ uar thar avangin Ṭhalaite zingah ruihhlo hluar? 'Zirchianna' nge 'nia hriat'? 'Safe Haven' nge 'Ruihhlo tihna'? - CM hlui Zoramthanga

Aizawl | May 20, 2026: Chief Minister hlui Zoramthanga chuan instagram-ah post siamin, "Kan ṭhalaite 'Safe Haven' anga kan ngaih "Café" uar thar vanga ruihtheihthil hluar phaha hriat chhan lai tak (Research Findings) hi awareness atan pawh mipuiin kan hriat a ṭulin a lang," a ti.

CM hlui Zorama chuan, "Café uar thar vangin ṭhalaite zingah ruihtheihthil a hluar phaha hriat a ni" tih darh chu, zirchianna an neih ngei a rinawm thu sawiin, a chhan hriat a ṭhat thu a sawi bawk.

CM hlui hian, "A ṭha zawngin 'Vibe' hrang hrang - ṭhalaite leh office hnathawkte pawhin hahchawlhna hmun leh inkawmna hmun atan te, inhmawhpuarna hmun atan leh, ṭhenkhatin hnathawhna hmun atan hial pawh an hmang ṭangkai mek a; Aizawla hnam dang hnathawk awmte pawhin chawlh hahdam nan vibe nuam tak hnuaiah an hmang ṭangkai nasa tih hi kan ṭhalaite sawi chhawn dan a ni thung si," a ti a.

"Kan ṭhalaite tan kan khawpuia Café te hi 'safe haven' lo ni reng thei se la, ruihhlo tello nun duhawm tak nen ṭangkai taka an hman chhunzawm theih hi Café neitute tan leh Café-goers tan pawh a him ber ang. Zirchianna awm lova Café zawng zawng vaihmaa "nia hriat" tih ringawt hi a tawpna a nih erawh chuan mi tam tak eizawnna a chhiat phah thei a, Café kal ṭhin kan ṭhalaite kan hmuh khawloh phah thei bawk," a ti bawk.

CAFÉ | Ṭhalaite zingah ruihhlo hluar? 'Zirchianna' nge 'nia hriat'? 'Safe Haven' nge 'Ruihhlo tihna'? Café kal ṭhin ṭhalaite kan hmuh khawloh phah thei!

CAFÉ - "Café uar thar vangin ṭhalaite zingah ruihtheihthil a hluar phaha hriat a ni" tih thu Online News leh Social Media platform hrang hranga kan lo hmuh hi Home Minister leh Excise & Narcotics Minister hova Sorkar hotute leh tlawmngai pawl hruaitute’n an sawihona aṭanga lo ri chhuak a nih avangin zirchianna an neih hmasak a rinawm a. Kan ṭhalaite 'Safe Haven' anga kan ngaih "Café" uar thar vanga ruihtheihthil hluar phaha hriat chhan lai tak (Research Findings) hi awareness atan pawh mipuiin kan hriat a ṭulin a lang.

He thu a rawn lan tirh aṭanga burning topic pakhat rawn ni nghal hian titi a ti tam a. Zirchianna behchhana sawi a nih chuan research findings - analyzing data (insights - from raw data) hi Café neitute leh kan ṭhalaite pawhin an hriat ngei ngei a ṭul bawk ang.

Khawvel changkanna hrang hrangin Mizoram leh kan Aizawl khawpui pawh a ṭha zawng leh chhe lam zawng pawhin nasa takin min luhchilh a. Tuna kan sawi Café pawh hi changkannain a ken tel, mi tam tak eizawnna ṭhang chak tak a ni mek a. A ṭha zawngin "Vibe" hrang hrang - ṭhalaite leh office hnathawkte pawhin hahchawlhna hmun leh inkawmna hmun atan te, inhmawhpuarna hmun atan leh, ṭhenkhatin hnathawhna hmun atan hial pawh an hmang ṭangkai mek a; Aizawla hnamdang hnathawk awmte pawhin chawlh hahdam nan vibe nuam tak hnuaiah an hmang ṭangkai nasa tih hi kan ṭhalaite sawi chhawn dan a ni thung si.

Kan ṭhalaite tan kan khawpuia Café te hi 'safe haven' lo ni reng thei se la, ruihhlo tello nun duhawm tak nen ṭangkai taka an hman chhunzawm theih hi Café neitute tan leh Café-goers tan pawh a him ber ang. Zirchianna awm lova Café zawng zawng vaihmaa "nia hriat" tih ringawt hi a tawpna a nih erawh chuan mi tam tak eizawnna a chhiat phah thei a, Café kal ṭhin kan ṭhalaite kan hmuh khawloh phah thei bawk.

Sorkar, Kohhran leh NGO, ram pumin kan do rawn ruihtheihthil hluar phahna hmun, ṭhalaite nun hlohna hmun a nih erawh chuan Sorkar pawhin rang taka inkhuahkhirhna a siam ran a ṭul bawk ang.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]