Aizawl | April 16, 2026: Mizoram Pradesh Congress Committee (MPCC) Spokesperson & General Secretary Dr Lallianchhunga vawiin khan Aizawl Press Club-ah thuthar thehdarhtute kawmin, "ZPM sorkar hian mipui tam zawk hi MUHCS a inziak lut tura a duh tak tak chuan mipui nawlpui ban phakin Enrollment Fee a ti hniam mai tur niin kan ngai," a ti.
"Mizoram Universal HealthCare Scheme (MUHCS) hi a hmang tangkai tawhtu damlo te kan hmaizah avangin Congress party chuan a pawng a takin sawisel kan hreh hle a. Heti chung hian MUHCS enkawltu Official ten theihtawp an chhuah laiin, ZPM sorkar hotu lian te hian a nihna bak baka an fak thin erawh tha kan ti lova. Chuvangin, MUHCS hi uluk takin kan zir chiang a, hetiang hi kan hmuh dan a ni.
1. MUHCS a inziah luhna man hi a tam tham em avangin sorkar atanga hlawh la lo, mipui nawlpui tam zawkin an chhawr pha loah kan ngai a ni. Congress hunlai khan Mizoram State Health Care Scheme (MSHCS) a inziak lut kha chhungkaw nuai khat chuang te an ni thin a, tunah erawh mipui nawlpui (Contributory Beneficiary) MUHCS a inziak lut an tlem ta hle.
1. General (Gen. Ward) – Rs.2500 – 17,715 (Enrollment ti zat) – 16,498 (MUHCS hmangtu zat)
2. Standard (Semi Cabin) – Rs.5000 – 1604 (Enrollment ti zat) – 656 (MUHCS hmangtu zat)
3. Private (Pvt Cabin) – Rs.10,000 – 894 (Enrollment ti zat) – 400 (MUHCS hmangtu zat)
Kumin, 2026 hian ZPM sorkarin tan han la thar viau mahse, Enrollment Fee a to em avangin April 14 thleng khan mi 29,472 (sing hnih, sangkua, zali, sawm sarih leh pahnih) an inziak lut tawh a, a hma kum aiin mi 9000 chuangin an tam tawh zawk a. Heti chung hian sorkar kal tawh te hunlaia inziahluh tlem ber lai pawh an la pha chuang lo a ni.
Congress hunlai khan mipuite ban phakin, enrollment fee pawh sang lo takin Health Care Scheme kan kalpui avangin chhungkaw nuai chuang inziak lut an awm thin a. MNF sorkar khan enrollment fee a rawn tihsan hret hret hnuah kum 2022-2023 chhunga inziak lut kha nasa takin a tla hniam ta a; a hma kum (2021 Oct -2022 March) a inziak lut zat 87,695 (sing riat, sang sarih, zaruk, sawmkua leh panga) chu 2022-2023 ah chuan 39,505 (sing thum, sangkua, zanga leh panga) ah a tla hniam a ni. Hei hian Health Care Scheme a Enrollment Fee tihsan hi mipuiin kan zo lo tih a lantir chiang hle a ni.
MUHCS a inziah luhna man a tam em avangin Kohhran hrang hrang te an member te tanpui tura an pen chhuah angai ta hi ZPM sorkar tan a zahthlak zawk hleah kan ngai a. ZPM sorkar hian mipui tam zawk hi inziak lut tura a duh tak tak chuan mipui nawlpui ban phakin Enrollment Fee a ti hniam mai tur niin kan ngai a. Mizoram sorkar atanga hlawh la ve lo chhungkua zawng zawngin MUHCS hi chhawr thei se tih hi Congress party chuan a duh ber a ni.
2. MUHCS hi a tha hle nia ZPM Minister ten an ngai takzet a nih chuan MUHCS hi zawm ve nghal se la. MUHCS a inziak lut tam takin Empanelled Hospital a khum an chan loh avanga MUHCS la zawm thei lo Pvt Hospital a sum tam tak senga an inenkawl angaih laia ZPM Minister leh MLA dangten an duh duh Hospital a an damlo inenkawlna senso zawng zawng an Bill thei hi hriatthiam a harsa hle. Tawngkam thiam taka MUHCS hi fak ringawt loin, a taka hma hruai turin ZPM Minister te kan beisei a; hnathawh kawr ha tura kan beisei laiin Mizo thuam manto tak taka inchei ringawtah duh tawk mai lo turin kan ngen a ni.
3. MUHCS hnuaia ZPM sorkarin Pensioner te a sawisak dan hi a lungchhiat thlak kan ti a. A hmain an chhungte an Bill kep thei a, MUHCS Kalphung Thar (MUHCS 2.0) ah chuan an kawppuite chauh an Bill kep thei tawh dawn a, anmahnia innghat naupang takngial pawh an Bill kep thei tawh dawn lo va. Nupa a pension te pawh an 2 in MUHCS-ah inziahluh tir an ni a. Pensioner te hi MUHCS a an inziah luh loh chuan MUHCS Kalphung Thar hnuaia hamthatna dawn an phalsak lo bawk a. Hetiang hian khirh takin Pensioner te tan MUHCS Kalphung Thar an siamsak a. An thawh khawm leh an dam loh bill a intam hleih lutuk tih te ZPM sorkarin a sawi uar hle bawk. An that lai huna sorkar tana theihtawp lo chhuah tawh thintu Pensioner te hian Health Security tha tak an mamawh a, mahse chung chu ZPM sorkar hian a siamsak thei lo va, a pawi kan ti hle. Pensioner te ngenna hi a awm kan tihpui a, ZPM sorkar pawhin rilru zau tak pu chungin an ngenna hi ngaihtuah tha leh ngei rawh se.
4. Sorkar hnathawkte hi MUHCS ah Contribution pe tha ber an ni a. An duhna Hospital-ah an inenkawl thei thin ang khan an dinhmun hi siamthatsak leh turin ZPM sorkar kan ngen a ni.
5. Mizoram chhunga damdawiin kan neih that tak tak, phai lam Hospital tha te el pha khawp Pvt Hospital lian kan neih te leh ZPM sorkar ten inremna an la siam theih loh avangin damlo tam tak, Aizawl Civil Hospital, ZMC leh Synod Hospital a khum chang lo leh state pawn kal thei lo te’n MUHCS an hman tangkai theih loh phah bawk a ni.
ZPM sorkar hian Mizoram chhunga Private Hospital kan neih that te thlimin, duhsakna tinreng nen Mizoram pawna Private Hospital te inremna a siampui a. Mizoram chhunga Pvt Hospital te aiin hnamdang Hospital a duhsak zawk hle tihna a ni. State pawnah nasa takin sum a luan chhuah phah a, Mizoram chhungah sum leng vak a tihtlem phah bawk. Hetianga hnamdang Hospital a duhsak zawk avangin tun thlengin Mizoram chhunga Pvt Hospital tha tak tak, damlo tam takin damna duha an pan thin te chu MUHCS zawm thei loin siam an ni a, a tuartu chu mipuite kan ni.
MUHCS hi sumdawng rilru pu lova kalpui turin ZPM sorkar kan ngen a. Mipuite tan hamthatna scheme (Welfare Scheme) a nihna ang taka kalpui turin ZPM sorkar kan beisei bawk. Welfare State kan ni a, hetianga mipui tana hman tur Policy (Public Policy) duan a nih reng reng chuan a hmangtute dinhmun zirchiang hmasa a, anmahni nena inrawn tlang zela thiltih a tulna chen tam tak a awm thin a ni. MUHCS erawh hi chu cheng nuai 23 senga hmanhmawh taka Thailand a Minister hoa phuailuai taka han zir a nih vang em niang, a hmangtu mipui nawlpui te leh sorkar atanga hlawh la te atangin sawiselna a tam ta hle a. Mizorama Pvt Hospital tha kan neih te pawhin MUHCS an la zawm theih loh avangin damlo tam takin an tuar mek a ni. Heng harsatna hi chingfel a, huapzo tak leh sumdawng rilru pu loa MUHCS hi kalpui turin ZPM sorkar kan ngen a ni.
PRESS STATEMENT
‘ZPM sorkar hian mipui tam zawk hi MUHCS a inziak lut tura a duh tak tak chuan mipui nawlpui ban phakin Enrollment Fee a ti hniam mai tur niin kan ngai’
- Dr Lallianchhunga
MPCC Spokesperson & General Secretary
MUHCS hi a hmang tangkai tawhtu damlo te kan hmaizah avangin Congress party chuan a pawng a takin sawisel kan hreh hle a. Heti chung hian MUHCS enkawltu Official ten theihtawp an chhuah laiin, ZPM sorkar hotu lian te hian a nihna bak baka an fak thin erawh tha kan ti lova. Chuvangin, MUHCS hi uluk takin kan zir chiang a, hetiang hi kan hmuh dan a ni-
1. MUHCS a inziah luhna man hi a tam tham em avangin sorkar atanga hlawh la lo, mipui nawlpui tam zawkin an chhawr pha loah kan ngai a ni. Congress hunlai khan Mizoram State Health Care Scheme (MSHCS) a inziak lut kha chhungkaw nuai khat chuang te an ni thin a, tunah erawh mipui nawlpui (Contributory Beneficiary) MUHCS a inziak lut an tlem ta hle.
1. General (Gen. Ward) – Rs.2500 – 17,715 (Enrollment ti zat) – 16,498 (MUHCS hmangtu zat)
2. Standard (Semi Cabin) – Rs.5000 – 1604 (Enrollment ti zat) – 656 (MUHCS hmangtu zat)
3. Private (Pvt Cabin) – Rs.10,000 – 894 (Enrollment ti zat) – 400 (MUHCS hmangtu zat)
Source: RTI (Annexure-I)
Kumin, 2026 hian ZPM sorkarin tan han la thar viau mahse, Enrollment Fee a to em avangin April 14 thleng khan mi 29,472 (sing hnih, sangkua, zali, sawm sarih leh pahnih) an inziak lut tawh a, a hma kum aiin mi 9000 chuangin an tam tawh zawk a. Heti chung hian sorkar kal tawh te hunlaia inziahluh tlem ber lai pawh an la pha chuang lo a ni. (Annexure-II)
Congress hunlai khan mipuite ban phakin, enrollment fee pawh sang lo takin Health Care Scheme kan kalpui avangin chhungkaw nuai chuang inziak lut an awm thin a. MNF sorkar khan enrollment fee a rawn tihsan hret hret hnuah kum 2022-2023 chhunga inziak lut kha nasa takin a tla hniam ta a; a hma kum (2021 Oct -2022 March) a inziak lut zat 87,695 (sing riat, sang sarih, zaruk, sawmkua leh panga) chu 2022-2023 ah chuan 39,505 (sing thum, sangkua, zanga leh panga) ah a tla hniam a ni. Hei hian Health Care Scheme a Enrollment Fee tihsan hi mipuiin kan zo lo tih a lantir chiang hle a ni. (Annexure-III)
MUHCS a inziah luhna man a tam em avangin Kohhran hrang hrang te an member te tanpui tura an pen chhuah angai ta hi ZPM sorkar tan a zahthlak zawk hleah kan ngai a. ZPM sorkar hian mipui tam zawk hi inziak lut tura a duh tak tak chuan mipui nawlpui ban phakin Enrollment Fee a ti hniam mai tur niin kan ngai a. Mizoram sorkar atanga hlawh la ve lo chhungkua zawng zawngin MUHCS hi chhawr thei se tih hi Congress party chuan a duh ber a ni.
2. MUHCS hi a tha hle nia ZPM Minister ten an ngai takzet a nih chuan MUHCS hi zawm ve nghal se la. MUHCS a inziak lut tam takin Empanelled Hospital a khum an chan loh avanga MUHCS la zawm thei lo Pvt Hospital a sum tam tak senga an inenkawl angaih laia ZPM Minister leh MLA dangten an duh duh Hospital a an damlo inenkawlna senso zawng zawng an Bill thei hi hriatthiam a harsa hle. Tawngkam thiam taka MUHCS hi fak ringawt loin, a taka hma hruai turin ZPM Minister te kan beisei a; hnathawh kawr ha tura kan beisei laiin Mizo thuam manto tak taka inchei ringawtah duh tawk mai lo turin kan ngen a ni.
3. MUHCS hnuaia ZPM sorkarin Pensioner te a sawisak dan hi a lungchhiat thlak kan ti a. A hmain an chhungte an Bill kep thei a, MUHCS Kalphung Thar (MUHCS 2.0) ah chuan an kawppuite chauh an Bill kep thei tawh dawn a, anmahnia innghat naupang takngial pawh an Bill kep thei tawh dawn lo va. Nupa a pension te pawh an 2 in MUHCS-ah inziahluh tir an ni a. Pensioner te hi MUHCS a an inziah luh loh chuan MUHCS Kalphung Thar hnuaia hamthatna dawn an phalsak lo bawk a. Hetiang hian khirh takin Pensioner te tan MUHCS Kalphung Thar an siamsak a. An thawh khawm leh an dam loh bill a intam hleih lutuk tih te ZPM sorkarin a sawi uar hle bawk. An that lai huna sorkar tana theihtawp lo chhuah tawh thintu Pensioner te hian Health Security tha tak an mamawh a, mahse chung chu ZPM sorkar hian a siamsak thei lo va, a pawi kan ti hle. Pensioner te ngenna hi a awm kan tihpui a, ZPM sorkar pawhin rilru zau tak pu chungin an ngenna hi ngaihtuah tha leh ngei rawh se.
4. Sorkar hnathawkte hi MUHCS ah Contribution pe tha ber an ni a. An duhna Hospital-ah an inenkawl thei thin ang khan an dinhmun hi siamthatsak leh turin ZPM sorkar kan ngen a ni.
5. Mizoram chhunga damdawiin kan neih that tak tak, phai lam Hospital tha te el pha khawp Pvt Hospital lian kan neih te leh ZPM sorkar ten inremna an la siam theih loh avangin damlo tam tak, Aizawl Civil Hospital, ZMC leh Synod Hospital a khum chang lo leh state pawn kal thei lo te’n MUHCS an hman tangkai theih loh phah bawk a ni.
ZPM sorkar hian Mizoram chhunga Private Hospital kan neih that te thlimin, duhsakna tinreng nen Mizoram pawna Private Hospital te inremna a siampui a. Mizoram chhunga Pvt Hospital te aiin hnamdang Hospital a duhsak zawk hle tihna a ni. State pawnah nasa takin sum a luan chhuah phah a, Mizoram chhungah sum leng vak a tihtlem phah bawk. Hetianga hnamdang Hospital a duhsak zawk avangin tun thlengin Mizoram chhunga Pvt Hospital tha tak tak, damlo tam takin damna duha an pan thin te chu MUHCS zawm thei loin siam an ni a, a tuartu chu mipuite kan ni.
MUHCS hi sumdawng rilru pu lova kalpui turin ZPM sorkar kan ngen a. Mipuite tan hamthatna scheme (Welfare Scheme) a nihna ang taka kalpui turin ZPM sorkar kan beisei bawk. Welfare State kan ni a, hetianga mipui tana hman tur Policy (Public Policy) duan a nih reng reng chuan a hmangtute dinhmun zirchiang hmasa a, anmahni nena inrawn tlang zela thiltih a tulna chen tam tak a awm thin a ni. MUHCS erawh hi chu cheng nuai 23 senga hmanhmawh taka Thailand a Minister hoa phuailuai taka han zir a nih vang em niang, a hmangtu mipui nawlpui te leh sorkar atanga hlawh la te atangin sawiselna a tam ta hle a. Mizorama Pvt Hospital tha kan neih te pawhin MUHCS an la zawm theih loh avangin damlo tam takin an tuar mek a ni. Heng harsatna hi chingfel a, huapzo tak leh sumdawng rilru pu loa MUHCS hi kalpui turin ZPM sorkar kan ngen a ni.
ISSUED BY Mizoram Pradesh Congress Committee on April, 16, 2026 @ Aizawl Press Club
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: