Aizawl | April 16, 2026: MNF General Headquarters-a Publicity Board chuan tukin April ni 16, 2026 (Ningani) zing khan ZPM sorkarin SASCI sum a tih lapse-na hmun Bethlehem Vengthlang Hall sakna tur cheng nuai 323 lapse-na leh Ramthar veng Multipurpose Community Centre sakna tur cheng nuai 144 a tih lapse-na hmun chu MNF Block leh Unit hotute hruaiin an tlawh.
MNF Publicity Board Secretary & MNF GHQ General secretary VL Krosshnehzova chuan, cheng nuai singthum chuang (nuai 32800) hmanga hnathawh tur kal mekah nuai sing chuang (nuai 11152) chu hman tur awm lovin a lapse a. Heti zat kan ram rohlu siamna tur tihbo nia, a mualliam mai hi a pawi takzet a. Hmun hrang hranga hmasawnna thlentu turin anih tur ang a thleng pha dawn ta lo hi a uiawmin, ZPM sorkar sum enkawl thiamloh leh inthlahdah rah kan tel chho zel hi a pawi takzet a ni. Hmasawnna thlenna hmun veng mipui beisei ang thleng phalo tur hi a pawi kan tiin, a ngaihna hrelo ZPM sorkar hi MNF chuan kan dem takzet a ni, a ti.
"Heng sum mualliam avanga hnathawh kallai khaihlak tur leh ruahman sa anga thleng pha lo tur hi a pawi em em a, Central atanga sum sawichhuah lian tham hriat tur awm loh laia, SASCI hmanga hmuhte a riral mai hi thil lungchhiatthlak tak a ni," MNF General Secretary chuan a ti.
A thawktu tur hriat sa (Restricted Tender) hmanga hna thawh SASCI 2025-26 Part I hnuaiah hian hna 41 zet thawh tura ruahman a ni a, hlawm lian thama duhsak zawngte Blanket Approval hmanga hna pek a ni. Sum ruahman atanga 34% hi Second installment a lokal tur mualliam ta chu a ni. Heng zingah hna 15 te hi Aizawl Municipal Area ami niin, heng hna 15 atang hian sum cheng nuai 1990/- lai chu a tham ral dawn ta a, Aizawl mipui tana channa nasa tak a ni, tiin, sum enkawl kawnga ZPM sorkar kal dan chu sorkar tura an insawi dan nen inpersan tak a ni, MNF Publicity Board Secretary chuan a ti bawk.
First Installment 66% hmanna Utilisation Certificate pek mumalloh avanga heng sumte hi bothlau a ni a, tih tur tih mumalloh avanga hetiang hi thleng nawn tawh lo se kan duh takzet a ni. An sorkar hmaa hre ber anga sorkar hmasa thiltih an sawi zar zar laiin, a tak taka hnathawh kawnga a thlangtu mipuite beisei an phak lohzia a lolang ta a ni, kan thlan lal fuhloh ten an duh duha an chinleh tur AMC-a ZPM candidate-te hi mifel tak tak mah nise, thlanchhuah chi an nih lohzia a chiang telh telh a ni, Pu Zotea chuan a ti bawk.
Bethlehem Vengthlang Local Council Ex - Vice Chairman Lalmuanawma Sailo pawhin, "Hetiang hmasawnna lian leh veng tana rotling tur hnathawh a nih mek lai a, sum lapse a awm hi veng mipuite min ti chi-ai a, hna kallai mek hi anih tur ang a ni zolo palh mai ang tih hlauhna veng mipuite hian kan nei a, pawi kan ti takzet a ni. Building hi chu kawng nen hian a inanglo a, kawngte hi chu sumin a daih dan a zirin a pawh/tih tawi mai theih a. Building erawh chu chutiang a nih ve loh avangin kan sorkar hian kan veng mipui beiseina hi anih tur ang takin min tih puitling sak hram se kan duh tak zet a ni," a ti .
Ramthar veng Ward IV campaign committee chairman H Vanlalruata pawhin, MNF sorkar liam ta khan Hall sakna tur SASCI sum an pek avangin lawmthu a sawi a. "Kan bialtu MLA K Sapdanga Home Minister hmanni lawka a lokal khan SASCI 2nd phase lokal tur thu a sawi a, mipui kan hlim a, kan lawm em em a, kut kan ben hnan a, Chief Minister Lalduhoma, Finance Minister ni bawk sum enkawl thiam loh avanga heti zat sum a lapse hi pawi kan tiin kan rilru a na hle a ni," a ti bawk.
.jpeg)
.jpeg)
Mizo National Front
General Headquarters
Aizawl : Mizoram
Press Release
ZPM SUM TIH LAPSE-NA HMUN BETHLEHEM VENGTHLANG LEH RAMTHAR VENG MNF-IN TLAWH
MNF General Headquarters-a Publicity Board chuan tukin April ni 16, 2026 (Ningani) zing khan ZPM sorkarin SASCI sum a tih lapse-na hmun Bethlehem Vengthlang Hall sakna tur cheng nuai 323 lapse-na leh Ramthar veng Multipurpose Community Centre sakna tur cheng nuai 144 a tih lapse-na hmun chu MNF Block leh Unit hotute hruaiin an tlawh.
Pu VL. Krosshnehzova
Secretary, MNF Publicity Board & General secretary, GHQ chuan cheng nuai singthum chuang (nuai 32800) hmanga hnathawh tur kal mekah nuai sing chuang (nuai 11152) chu hman tur awm lovin a lapse a. Heti zat kan ram rohlu siamna tur tihbo nia, a mualliam mai hi a pawi takzet a. Hmun hrang hranga hmasawnna thlentu turin anih tur ang a thleng pha dawn ta lo hi a uiawmin, ZPM sorkar sum enkawl thiamloh leh inthlahdah rah kan tel chho zel hi a pawi takzet a ni. Hmasawnna thlenna hmun veng mipui beisei ang thleng phalo tur hi a pawi kan tiin, a ngaihna hrelo ZPM sorkar hi MNF chuan kan dem takzet a ni, a ti.
Heng sum mualliam avanga hnathawh kallai khaihlak tur leh ruahman sa anga thleng phalo tur hi a pawi em em a, Central atanga sum sawichhuah lian tham hriat tur awm loh laia, SASCI hmanga hmuhte a riral mai hi thil lungchhiatthlak tak a ni, Pu Zotea, MNF General Secretary chuan a ti.
A thawktu tur hriat sa (Restricted Tender) hmanga hna thawh SASCI 2025-26 Part I hnuaiah hian hna 41 zet thawh tura ruahman a ni a, hlawm lian thama duhsak zawngte Blanket Approval hmanga hna pek a ni. Sum ruahman atanga 34% hi Second installment a lokal tur mualliam ta chu a ni. Heng zingah hna 15 te hi Aizawl Municipal Area ami niin, heng hna 15 atang hian sum cheng nuai 1990/- lai chu a tham ral dawn ta a, Aizawl mipui tana channa nasa tak a ni, tiin, sum enkawl kawnga ZPM sorkar kal dan chu sorkar tura an insawi dan nen inpersan tak a ni, MNF Publicity Board Secretary chuan a ti bawk.
First Installment 66% hmanna Utilisation Certificate pek mumalloh avanga heng sumte hi bothlau a ni a, tih tur tih mumalloh avanga hetiang hi thleng nawn tawh lo se kan duh takzet a ni. An sorkar hmaa hre ber anga sorkar hmasa thiltih an sawi zar zar laiin, a tak taka hnathawh kawnga a thlangtu mipuite beisei an phak lohzia a lolang ta a ni, kan thlan lal fuhloh ten an duh duha an chinleh tur AMC-a ZPM candidate-te hi mifel tak tak mah nise, thlanchhuah chi an nih lohzia a chiang telh telh a ni, Pu Zotea chuan a ti bawk.
Pu Lalmuanawma Sailo, Ex-Vice Chairman, Local Council Bethlehem Vengthlang pawhin, "Hetiang hmasawnna lian leh veng tana rotling tur hnathawh a nih mek lai a, sum lapse a awm hi veng mipuite min ti chi-ai a, hna kallai mek hi anih tur ang a ni zolo palh mai ang tih hlauhna veng mipuite hian kan nei a, pawi kan ti takzet a ni. Building hi chu kawng nen hian a inanglo a, kawngte hi chu sumin a daih dan a zirin a pawh/tih tawi mai theih a. Building erawh chu chutiang a nih ve loh avangin kan sorkar hian kan veng mipui beiseina hi anih tur ang takin min tih puitling sak hram se kan duh tak zet a ni," a ti .
Ramthar veng Ward IV campaign committee chairman Pu H.Vanlalruata pawhin, MNF sorkar liam ta khan Hall sakna tur SASCI sum an pek avangin lawmthu a sawi a. "Kan bialtu MLA Pu K.Sapdanga Home Minister hmanni lawka a lokal khan SASCI 2nd phase lokal tur thu a sawi a, mipui kan hlim a, kan lawm em em a, kut kan ben hnan a, Chief Minister Pu Lalduhoma, Finance Minister ni bawk sum enkawl thiam loh avanga heti zat sum a lapse hi pawi kan tiin kan rilru a na hle a ni," a ti bawk.
Sd/-
(R.LALHMANGIHA)
Secretary
Media & Publicity Deptt
Mizo National Front
Memo No.471/2026
Dt.16.04.2026
Post a Comment
He post chungchanga i ngaihdan lo sawi ve rawh: