Women Reservation Bill pass a nih hnuah, a taka hman thuai a nih theih nana parliament Special Session koh hi a lawmawm!

Aizawl | April 14, 2026: BJP Mizoram Nari Shakti Vandan Adhiniyam Incharge te chuan vawiin, khan Aizawl Press Club-ah Women Reservation Bill pass tawh hman theihna tura sawi ho a ni tur hi a lawm awm em em a ni, an ti a, "Women Reservation Bill pass a nih hnuah, a taka hman thuai a nih theih nana parliament Special Session koh hi a lawmawm," an ti bawk.

He hunah hian Nari Shakti Adhiniyam Convener leh BJP State Jt Treasurer Lalremsangi Fanai chuan thuthar thedarhtute hmaah, "Hmasawnna kal mekah hmeichhia an telin, thutlukna siamtu leh hruaitu a nih theih hi hmasawnna kawng dik a ni, tiin PM Modi chuan a sawi a, hmeichhia zah kainaah chuan Pathian hmel a lo lang thin a, meichhia tihduhdahna in rah tha a chhuah ngailo a lo ti a ni. Nari Shakti Vandan Adhiniyam hi thuneihna nena hmeichhia te dikna leh zahawmna ti langtu a ni a. Dan satliah nilo in hmeichhe chak te tihchak lehzualna kaihruaitu tur a ni," a ti.

NDA-BJP kaihhruai hnuai ah kawng hrang hrang in India ram in bungthar a kai a. Hun rei tak atanga buaipui hlawh Women Reservation Bill pawh Parliament rorelna sang ber (Lok Sabha leh Rajya Sabha) inhnihin lungrual leh hneh taka Lok Sabha leh State Legislative Assembly a hman tura Nari Shakti Vandan Adhiniyam. Constitution (108th Amendment) Act, 2023 or the Women’s Reservation Act, 2023 a pass kha kan lawm tlang hle a. Parliament Building thar chhunga rorelna hmasa ber leh Bill pass hmasa ber, India ram hmeichhiate tana 33 % (1/3) seat zuahna tur atana Bill pawimawh, Ruling leh Opposition Party pawh sawi lo a, Member zawng zawngte lungrualna hnuaia pass bakah, Opposition lam pawhin a rangthei ang bera hman nghal an duhna khan women reservation neih a lo pawimawh zia leh pass a tul zia a tilang. Seat awm zawng zawng hmun thum a thena hmunkhat hauhna hian rorelna leh party inrelbawlna cheimawina satliah anga ngaih theih chauh thin kha nuaibo in rorelna sang a rorel turin hmeichhe fel tak tak te tan hun tha zau takin a inhawng dawn a ni.

Bharatiya Janata Party chuan 1990 atangin hmeichhia te tana 33% Seat reservation hi a support in tha a ti a. Kum 1994 a Vadodara a National Meeting neihna ah resolution siamin an support zia an tilang a. Rajnath Singh President a nih kum 2007 khan BJP National Executive leh National OB ah hmeichhia te 33% an luah theih turin an pawm tlang a. 2008 atang phei chuan Party a Wing leh Cell hrang hrang ah pawh 33% reservation hi hman chhoh a ni. Bharatiya Janata Party chuan hmeichhia leh hmasawnna hi kal kawp tlat, then hran theihloh, inti chak tawn an ni tih hi kan hmu chiang hle.

Hmeichhia te tana 33% reservation hi hmeichhia te tihlawm nan mai a kalpui a nilo a, hman hman a tih tawh tur, tih dikloh kan siamtha mai zawk a ni. Tun hma a he bill pass tura sawi chiam chiam ringawt ni tawhlo, a taka constitution hnuaia hman tur a ni ta hi a hlu teh e. Bill pass satliah a nilo a, hmeichhia te zahawmna, mipui aiawh na, ram hmasawn nana hmeichhia tam zawk awm tul em em na a kawk a ni. He Women Reservation atana Constitution Amend 108 na hian mitin tan, mitin hmasawnna, mitin rinna, mitin hmalakna ataka kalpui chhoh a nihna a ni.

Bharatiya Janata Party rorelna hnuai ah a hmasa ber atan India ram in Tribal hmeichhia President kan nei a. Hmeichhia te rorelna sang ah an awm thei a ni tih chauh a tilang lo a, hnam hnuaihnung hnuaichhiah a ngaih atanga Constitutional office sang ber luah theihna hian Society a intluktlanna kalpui chhoh mekna a tilang a ni. Pi.Sushma Swaraj External affairs Minster khan Diplomacy kha mipui centric ah hruai lutin hmeichhia ten EAM service an hmang tangkai hle. Pi. Nirmala Sitharaman pawh hi full time a Finance Minister hmasa ber a ni a, India ramin hun khirh tak pandemic vanga a hmachawn lai a Finance ministry enkawltu a ni.

Bharatiya Janata Party hian 2014 ah 58 hmeichhe Candidate kan nei a, 2019 ah 73, 2024 ah 91. INC leh a thawhpui te erawh 2014 atanga chhutin hmeichhe Candidate an nei tlem tulh tulh thung. BJP chuan thlahtu neih that vanga Party hruaitu nih reng theih kalpui lovin thawkrim leh hruaitu chan chang mi te nihna sang an nei chho thin.

PM Pu. Narendra Modi kaihhruaina hnuai ah hmasawnna nasa taka wm chhoin hmeichhia te tan scheme tam tak a kalpui a. Healthcare hmasawnna, sum leh pai enkawl kawng a a hmeichhia te tel vena, nitin nuna mamawh thin awlsam a siam te kalpui hian kawng hranmg hrang a hmeichhia te telna kawng a hawng zau zel a ni.

Swach Bharat Abhiyan: 12 crore toilet

PMUY- 10.07 Gas connection

PMAY- 4 crore (dawngtu tam zawk hmeichhia te)

JJM-15.8 crore household beneficiaries.

Sukaniya Samriddhi Yojana- 4.6 crore hmeichhe naupang tan 8.2% interest a pawisa dah. A tir kum 15 chhung deposit.Kum 21 hnu ah a mature.

Lakhpati Didis- 9 crore, Mudra Loans- 35 crore.

Jan Dhan Accounts: 32 crore. SHG- 10 crore women.

Ab-PMJAY- 43+ crores

Mission Poshan Abhiyan,

PMSMA (pradhan mantra Surakshit matritva Abhiyan)-Hmeichhia raipuar te tana check up- 6.9 crore raipuar te en dik.

Pradhan Mantri matru vandana yajana- 4.8 crore nau nei te puihna(Rs.5000). Janaushadhi Suvidha: Rs.1/- in sanitary Pad lei theih in chhawp chhuak.

PM Gramin Digital Saksharta Abhiyan hnuai ah 6.39 crore hmeichhia te train an ni.

Pm-Kisan Samman Nidhi hnuaih ah kuthnathawktu hmeichhia 2.15 crore te kum tin Rs,6000 a puih an ni.

Hmeichhe fa chhanhim la, lehkha zirtir rawh programme kalpui a nih hnu ah hmeichhia Higher education a inziak lut 1.57 crore atangin 2.18 crore ah pung chho.

Tun dinhmunah India ram PM Modi kaihhruaina hnuaia khawvela ram hrang hrang Economy hausa tehna a pangana (5), kum tina than chhoh dan hrisel duhawm niin, Science & Technology ah pawh Thla leilunga Satelite tum tir a, ram hausa G-20 Presidency ni thei leh chumi ram ropui te khawmpui pawh thleng thei kan ni. Democracy, Demography, Diplomacy kawng dik zawhna atanga hetiang dinhmun thleng thei kan ni. Hmalam Economic than zela chhunglam inbuatsaih sauh sauh nan India ram hruaitute lungrualnate, hnam leh sakhaw inthliarna awm lo “India Secular” zia a lantir bawk a ni.

Democracy rorelna bul thut Panchayati Raj (Village Council) leh Municipalities rorelna chhungah Women Seat Reservation felfai taka thliar hrangin India ram pumah kalpui vek a ni tawh a. Ram rorelna ah hmeichhia sang tam telin tualchhung rorelna ah an tangkai hle. State thenkhat ah phei chuan 33% duhtawklo in 50% women reservation kalpui te pawh an awm. Ram rorelna sang State Legislative Assembly leh Parliament chhunga hmeichhiate dinhmun chawisanna, policy making/ mawhphurhna pek leh dah zahawmna kalpui mek hian India ram ropuina sang lehzual a thlen ngei ang. (73rd Amendment – 24th April 1993- RLB. 74th Amendment –1st June 1993-ULB).

Vote thlak zing ah hmeichhia te an tlem zawk thin a (11% lai gender gap). Kawng hrang in hmeichhia te tihchakna / chawikanna kalpui a nih hnu hian Vote thlak tura che chhuak hmeichhia te kan tam zawk ta. Hmeichhia vote thlak tura pen chhuak tam zawk kar ah rorelna sang a hmeichhe thu te erawh an la beitham viau mai(15% vel). Mipa hming in Candidate list a awh hnem fal thin hle, Vote thlak zing ah hmeichhia an tam tawh hian India ram hawiher hmasawn a tilang a, rorelna sang a hmeichhia tamtak awm tur hian he hmasawnna hi a tifamkim lehzual dawn a ni.

Mihring mimal nun, chhungkua, khawtlang leh ram rorelna bakah, khawvel sorkar ropui nihna dinhmuna India ram chawikanna kawng zawh zelna atan Constitution ziak Articles te pawh siamthat (amend) ngai thin a ni. Constitution siamthat dawnin hnam leh sakhaw tlem zawkte chhungah zirtirna diklo insawithaihna a awm thin. India Constitution siam tantirh atanga siamthatna (amended) vawi za chuang awm tawhah hian Hnam tlem emaw Sakhaw zuitu tlemte tana chimral theihna tur hawi zawnga Bill pass/siam a la awm ngailo.

Hmeichhia te tana rorelna sanga 33% seat hauhsakna hian India ram chhung hmeichhiate chu State leh National level a rorelna chhunga dinhmun pawimawh lehzual chelhna bakah, Inchhung khur, Social & Community nunphung tinrengah famkimna New India a thlenna chhinchhiah tlak a ni.

Nari Shakti Vandan Adhiniyam hi ram inrelbawlna hran kan neih hnu a hmeichhia te political empowerment kawng a structural reform lian ber a ni. Hei hi mipui rorelna kalpui kawng a aiawhna zau zawk inhawng,hmalam kawng eng zawh chhoh zelna a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]