Transport thawktute'n April 25 tlaia Sairang Rel Station-a thil thleng an dem, mawhphurtu hrem an phut; MST Bus service zel dawn chuan an himna ngaihtuahsak turin sorkar ngen

Aizawl | April 27, 2026: Mizoram Transport Workers' Association-in April 25 tlaia thil thleng an dem, mawhphurtu hrem an phut a, Rel Station-a MST Bus service zel dawn chuan Bus leh an himna ngaihtuahsak turin sorkar an ngen.

Hemi chungchang ngaihtuah hian vawiin chhin. khan Mizoram Transport Workers' Association emergency meeting ṭhukhawmin ngun takin a ngaihtuah a. Tun hnuah hetiang thil hi theng nawn tawh lo se an duh hle a. Transport Department-in mipui zin veivak te tana chhun leh zan pawh sawi lova theihtawp a chhuah lai a, mahni hamṭhatna tur / pumpui hma chauh ngaihtuah tute atanga vauna an tawk hi vanduaithlak an ti a. Sorkar bungrua hala vau a, a hnathawkte vautu te hi thuneitute'n zawn chhuah sak tur leh an phutawk ang hremna pek a nih ngei theihna atan a ṭul anga hma laksak turin an ngen.

"orkar in mipuite tana Rel Station-a M.S.T. Bus te a service tir zel dawn a nih chuan Bus Ich Driver / conductor te himna tur min ngaihtuahsak turin kan ngen, " tiin thuchhuah siamin an tarlang.

September ni 13, 2025-a Sairang Rel Station hawn a nih aṭang khan Transport Department chuan mipui rawngbawltu Department kan nih ang takin man tlawm zawk a mipui nawlpuite'n Sairang Rel Station an kal theihna atan M.S.T. Bus a service tir thin a ni. Mipuite pawhin an chhawr ṭangkai hle a, Bus in a phurh sen loh passenger hi an awm reng a ni.

Hetianga mipui tana tluang taka MST Bus a service laiin ni 25 April,. 2026 (Inrinni) tlai lama Rel Station atanga Aizawl rawn pan tur Department Bus Driver nunna atana hlauhawm khawp leh Sorkar Bus hal tum hial khawpa vauna kan tawk ta mai hi a vanduai thlak kan ti takzet a. Hemi chungchang ngaihtuah hian 27th April, 2026, dar 12:00 noon khan Mizoram Transport Workers' Association chuan emergency committee a ko a.

Committee chuan he thil thleng hi ngun takin a ngaihtuah a. Tun hnuah hetiang thil hi theng nawn tawh lo se kan duh hle a. Transport Department-in mipui zin veivak te tana chhun leh zan pawh sawi lova theihtawp a chhuah lai a, mahni hamṭhatna tur / pumpui hma chauh ngaihtuah tute atanga vauna kan tawk hi vanduaithlak kan ti takzet a ni. Sorkar bungrua hala vau a, a hnathawkte vautu te hi thuneitute'n min zawn chhuah sak tur leh an phutawk ang hremna pek a nih ngei theihna atan a ṭul anga hma min laksak turin kan ngen a ni.

Tin, sorkar in mipuite tana Rel Station-a M.S.T. Bus te a service tir zel dawn a nih chuan Bus Ich Driver / conductor te himna tur min ngaihtuahsak turin kan ngen e.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]