MMSA (Assistant unit) General Conference hlawhtling takin hmang

Aizawl | April 24, 2026: Mizoram Ministerial Service Association (Assistant unit) General Conference vawi 20-na chu hlawhtling takin April ni 24, 2026 khan Vanapa Hall, Aizawlah neih a ni. Member 300 bawr vel an kal khawm thei a ni. President Lalchangliana Colney chuan conference hi a kaihruai a, Secretary Remlalliana'n report pein, Treasurer Vanlalruata'n finance report a pe bawk a, Lalsangliana (Taitea) chuan zaiin kal khawmte a awi a ni.

Assistant Unit member aṭang hian nikum financial year chhung khan mi 53 pension awmin, Jr. Grade of MSS-ah mi 33 an kai sang a. Member boral mi 3 an awm bawk. Vice President Samuel Lalrozama chuan kaisangte leh pension te thlahna leh lawmpuina thu sawiin, Assistant te hi sorkar kut/ke dik tak, Group A leh a hnuai lam thlunzawmtu ber an nih avagin an pawimawhna hre nawn tur leh rinawmna leh taihmakna vawng nung reng turin a chah.

MMSA(Assistant Unit) te hian tun hma aṭangin tuna an awm mekna Pay level 7 aṭanga level-a chhoh hi an lo nawr tawh ṭhin a, he an thil nawr hi MMSA, General Headquarters lamin chak takin an bawhzuisak mek a ni. Hei bakah hian, an pawl hming, Assistant tih chu Central lama an counterpart-te nena inmil turin, Assistant Section Officer ti-a thlak turin sawrkar an lo nawr tawh ṭhin bawk a. He hming thlak chungchang pawh hi MMSA Gen Headquarters lamin chak takin an bawhzuisak mek bawk a, tun sawrkar tharah hian beiseina sang tak nen an thlir mek a ni.

Darkar 2 chhung vek conference nuam tak hman a ni a, Asst Secretary CL Lalremruata'n lawmthu sawina a neih zawh hnuin he inkhawmpui hi khar a ni.