Aizawl | April 29, 2026: Mizoram Board of School Education (MBSE) chuan vawiin chhun dar 12 khan Higher Secondary School Leaving Certificate (HSSLC) 2025 result a tichhuak a, Arts, Science leh Commerce -ah belhkhawmin 87.67% an. pass.
Zirlai 12, 243 ( A- 8, 714, S= 2770, C= 759) in exam an hmachhawn a, zirlai 10734 an pass a, nikum. aiin, 917 in pass an tak a, 87. 67% an pass a, nikum aia pass % sanna hi 6. 57% a ni.
A pumpuiah, mipa aiin hmeichhia 1033 in an tam zawk a, pass zat pawh 904 in hmeichhia an tam zawk.
District malah Art-ah Serchhip an pass ṭha ber a, 91. 86% an pass a, Science ah Kolasib niin, 94.59% an pass a, Commerce-ah Hnahthial district niin, 100% an pass a ni.
A pumpuia Arts a pakhatna hian 466 a hmu a, Science a pakhatna hian mark 462 a hmu. a, Commerce pakhatna-in mark 463 a hmu.
Mark hmu sang ber te hi St Pauls HSS zirlai vek an ni a, Arts, Science leh Commerce te hi St Pauls HSS zirlai vek an ni.
 |
| Science a mark hmu sang ber - Lalmoipuia Lawmzual |
HSSLC Science-a mark hmu sang ber, mark 462 hmutu hi Lalmoipuia Lawmzual s/o HL Lawmzuala, College Veng, Aizawl niin, HSLC 2024 ah khan topper lo ni tawhin, mark 485 a hmu a ni.
 |
| Vanlaltleipuia, Commerce |
Vanlaltleipuia s/o Sammy Lalmuanzuala Chhangte (L) leh K Lalhmunsangi, Lunglei Salem veng hi HSSLC Commerce-ah mark hmu sang ber niin, mark 463 a hmu a ni.
HSSLC Arts topper - Lalnunhlui Sailo, D/O Lalbiakliana Sailo, Melthum hi mark 466 hmuin Arts topper ani.
Zirlai zawng zawng pass vekna School hi Arts-ah 64, Science-ah 14, commerce-ah 16 an awm a. Fail vekna hi Arts ah pakhat a awm a, Science leh Commerce ah an awm lo.
Online-a Result en theihna tur leh en dan tur:
HSLC Result hi MBSE website - www.mbse.edu.in emaw mbseonline.com -ah en theihin a awm ang.
WhatsApp leh Call hmangin +919863883041 leh +919863722521 ah te zawh theih a ni bawk.
mbseonline.com atanga result en turin mbseonline.com ah i lut anga, chumi hnuah My Result-ah i hmet leh.
Hetianga kal kual kher lo hian, direct link https://www.mbseonline.com/my-result ah hian hmeh mai theih a ni bawk.
Hetah hian, a hnuaia kan dah ang hian Examination-ah hian HSLC leh HSSLC thlan tur a awm ang a, pawl 12 result en tur tan HSSLC i thlang ang a. Chuan, Board roll no, leh Board registration no. i chhu lut leh ang.
MBSE website www.mbse.edu.in aṭanga lutte tan a hnuaia thlalak kan dah ang hian result tih ah hmeh tur a ni.
Result en tur an tam thin vangin MBSE website i lut tlang lawk thei lo a nih chuan India Results aṭangin a en theih thin a, a link chu http://mizoram.indiaresults.com/mbse/default.aspx a ni.
A hnuaia kan dah hi India Results aṭanga result enna lan dan a ni.
Result en turte lo inrin lawk theih nan - Pawl 2 ah hian hming, registration no. leh roll no. te chu a pawimawh zual a ni.
• • • • • •
[Subscribe telegram channel for updates- https://t.me/exploremizoramchannel ]
(Feedback at: admin@exploremizoram.com )
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: