Aizawl | April 16, 2025: Mizoram Board of School Education (MBSE) atangin thuchhuah la awm lo mahse, kum danga an tihchhuah hun ngaihtuahin a ni telin High School Leaving Certificate (HSLC) leh Higher Secondary School Leaving Certificate (HSSLC) exam result tihchhuah hun a hnai zel tih erawh a hriat theih.
HSLC Result hi nikum khan April ni 29, 2025-ah tih chhuah a ni a, 2024 khan May 14-ah tihchhuah a ni a, kumin engtikah nge a chhuah dawn hriat a la ni lo.
HSSLC erawh chu 2025 khan May 6-ah tihchhuah a ni a, 2024 khan May 21-ah tihchhuah a ni thung.
Hetiang a nih avang hian, kumin HSLC leh HSSLC result chhuah hun pawh hi a hla viau lo tura ngaih a ni a, tangkai pui an lo awm tak mialin, tiin result chhuah huna online-a en theih dan leh result en dan kalphung bakah a bu lei theihna te kan han dahchhuak a ni.
Kum danga an tih dan chuan, HSLC leh HSSLC result hi MBSE Office Chaltlangah leh heng website – (a) www.mbse.edu.in (b) www.mbseonline.com –ah te hian en theihin a awm thin a, a mamawh tan result bu lei theihin a awm bawk thin.
Office hun chhungin 9863883041, 9863722521 ah te result ngaihven theih a ni bawk.
Result hi MBSE Regional Office Lunglei-ah Lunglei District, Lawngtlai District, Siaha District leh Hnahthial District te tan en theihin a awm thin a. A mamawh tan MBSE Regional Office Lungleiah result bu hi lei theihin a awm thin bakah, office hun chhungin 9863519718 / 9612226288 -ah te result ngaihven theih a ni thin bawk.
Online-a result en dan leh en theihna te:
mbseonline.com atanga result en turin mbseonline.com ah i lut ang a, chumi hnuah My Result-ah i hmet leh.
Hetianga kal kual kher lo hian, direct link https://www.mbseonline.com/my-result ah hian hmeh mai theih a ni bawk.
Hetah hian, a hnuaia kan dah ang hian Examination-ah hian HSLC leh HSSLC thlan tur a awm ang a, pawl 10 result en tur tan HSSLC i thlang ang a. Chuan, Board roll no, leh Board registration no. i chhu lut leh ang.
MBSE website www.mbse.edu.in aṭanga lutte tan a hnuaia thlalak kan dah ang hian result tih ah hmeh tur a ni.
Result en tur an tam thin vangin MBSE website i lut tlang lawk thei lo a nih chuan India Results aṭangin a en theih thin a, a link chu http://mizoram.indiaresults.com/mbse/default.aspx a ni.
A hnuaia kan dah hi India Results aṭanga result enna lan dan a ni.
Result en turte lo inrin lawk theih nan - Pawl 12 ah hian hming, registration no. leh roll no. te chu a pawimawh zual a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads / Sponsor- Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: