Aizawl | April 23, 2026: Mizoram Board of School Education (MBSE) chuan vawiin chhun dar 12 khan High School Leaving Certificate (HSLC) Examination 2026 result a tichhuak a, zirlai exam aṭangin 80.31% an pass.
Rachel Biakṭhapari, 480 hmuin topper a ni a, ani hi East Lungdar khua niin, St Joseph HSS, Aizawl zirlai a ni.
Rachel hi East Lungdar khua niin, Salai Chan Uk lrh V Lallianmawii fanu a ni.
Rachel.hian English-ah mark 91, Mizo-ah 97, Maths-ah 99, Science-ah 98 leh Social Science-ah 95 te a hmu a ni.
St Joseph HSS atang hian zirlai 209 an exam a, an vaiin an pass vek a ni.
2024 khan Pass Percentage hi 73.37% a ni a, 2025 khan 76.68% niin, kumin hian 80.31% an pass a ni.
Kuminah hian compartment 117 an awm a, heng naupangte hian admission an tlai lohna turin compartment exam hi buatsaih thuai an tum a, HSLC result complaint hun ni 7 a ni dawn a ni.
Kuminah hian nikum aiin pass percentage a sang zawk a. Nikuma 76.68% a ni a, kuminah 80.31% thung. Zawhnate hi LOTS atangin 60% siam a ni a, abak 40% hi Application leh HOTS atanga siam a ni bawk. Zirna in hma a sawnzel theihnan HOTS question hi telh tam deuh deuh tura ruahman a ni.
Zirlai exam hmachhawn zawng zawng hi 18,612 niin, pass zat 14,663 an.ni.
Result hi MBSE Office Chaltlangah leh heng MBSE website mbse.edu.in emaw mbseonline.com emaw ah te hian en theihin a awm a ni.
Online-a Result en theihna leh en dan tur:
HSLC Result hi MBSE website - www.mbse.edu.in emaw mbseonline.com -ah en theihin a awm ang.
WhatsApp leh Call hmangin +919863883041 leh +919863722521 ah te zawh theih a ni bawk.
mbseonline.com atanga result en turin mbseonline.com ah i lut anga, chumi hnuah My Result-ah i hmet leh.
Hetianga kal kual kher lo hian, direct link https://www.mbseonline.com/my-result ah hian hmeh mai theih a ni bawk.
Hetah hian, a hnuaia kan dah ang hian Examination-ah hian HSLC leh HSSLC thlan tur a awm ang a, pawl 10 result en tur tan HSSLC i thlang ang a. Chuan, Board roll no, leh Board registration no. i chhu lut leh ang.
MBSE website www.mbse.edu.in aṭanga lutte tan a hnuaia thlalak kan dah ang hian result tih ah hmeh tur a ni.
Result en tur an tam thin vangin MBSE website i lut tlang lawk thei lo a nih chuan India Results aṭangin a en theih thin a, a link chu http://mizoram.indiaresults.com/mbse/default.aspx a ni.
A hnuaia kan dah hi India Results aṭanga result enna lan dan a ni.
Result en turte lo inrin lawk theih nan - Pawl 2 ah hian hming, registration no. leh roll no. te chu a pawimawh zual a ni.
PRESS RELEASE
SSU IN HSLC 2026 EXAMINATION PASS THAR TE LAWMPUI
Students' Self-Support Union(SSU). General Headquarters chuan MBSE-in HSLC Result 2026 tha taka a tichhuak ta chu lawmawm a ti hle a. Zirlai Pass zawng zawngte a lawmpui rualin hlawhtlinna chang ve lote a tawrhpui takzet a ni.
Zirlai naupang hlawhtlinna sangtak neihpui thei zirtirtu te inpekna SSU chuan fakawm a ti a, a lawmpui hle bawk. Chutihrualin zirlai hlawhtlinna chang ve lote chu beidawng lova tan la thar turin a fuih bawk a ni.
Result quality lamah kum 2026-a HSLC Result-in nikum 2025-a Pass Percentage 73.37% chu 6.94% a khum in, 80.31% Pass Percentage ani chu lawmawm in, zirlai, zirtirtu leh nu leh pa ten theihtawp chhuah a tang leh zual tur in a chah.
HSLC Result tha tak kan neih theih nana theihtawpa beitu Zirtirtute chu SSU chuan a chhuang tak meuh a. Kumin lama zirlaite'n hei aia hmasawnna an neih theihna atana nasa zawka tan la lehzual turin SSU chuan a ngen tak meuh a. Zirlaite pawh ramdang mite el phaka tan la lehzual turin a fuih bawk a ni.
MBSE in HSLC Result chungchangah Division tilang tawh lova Result a chhuah hi SSU chuan lawmawm a ti hle a ni.
Sd/-
(JACOB LALDUHKIMA)
Secretary General
SSU General Headquarters
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
(Feedback at: admin@exploremizoram.com )
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: