Dikteii Hnamte lehkhabu, 'Par Har 2' chhiar a manhla!

Aizawl | April 7, 2026: Kum 2024-a tihchhuah, Dikteii Hnamte lehkhabu ziak, 'Par Har 2' chu chhiar a manhla hle a, a chhiartute an inchhir lo hle.

He lehkhabu, 'Par Har' chhunzawmna hi Mizo Academy of Letters (MAL) in book of the year 2024 an thlawn dawn khan a tha zual pathum zingah a tel phak a, hemi ringawt pawh hi chhiar tichakawm zualtu a ni awm e.

'Par Har 2' hi thuziak hrang hrang 37 awmna niin, phek 150 chuang hreta chhah a ni a, cheng 300 man a ni.

Dikteii Hnamte thuziak hrang hrang, 'Par Har' a leng lote dahna a ni a, he thu i chhiar meuh hi chuan, 'Par Har 3' pawh a hmin tep tawh a ni.

Kum 2024 khan tihchhuah niin, a leitu lamin an inchan ngang si lova, kum 2025 khan chhut nawn leh a ni a, tunah pawh hian lei tur a lawi a awm tawh lo!

Thuziak hrang hrang - 'COVID 19-in min tichau' atangin, 'Tha thlah' bakah, 'Thian' thlengin chhiar tur a awm a, a ziaktu hian a lawr kim a, a hawl kim a, mahse, a chiri lo! Chhiar la, ngaihnawm tiin i chhiar i chhiar ngei ang.

'Par Har', 'Par Har 2' bakah, la chhuak leh tur 'Par Har 3' thleng pawhin, i lei duh a nih chuan, a ziaktu hi Instagram lamah / +91 98623 44458-ah i lo be dawn nia.