Museum-a dah turin Sudden Muanga Bu ziaktu bungruate Central YMA hnenah hlan

Aizawl | March 30, 2026: Young Mizo Association Lamka Branch, Manipur hruaitute chuan vawiin tlai khan Mizo Comics bu lar, Sudden Muanga ziaktu Lalsangzuala bungraw hlui leh Sudden Muanga comics a ziah thinna hmanrua te, Sudden Muanga bu hlui engemaw zat te chu Central YMA hnenah an hlan.

Bungraw hlui inhlanna hun hi CYMA General Secretary Prof Malsawmliana'n kaihruaiin Sudden Muanga thawnthu kha a hun laia Mizo Comics ah chuan a lar ber leh a chuah hlan an nghahhlelh thin, thawnthu awmze nei leh darh zau a ni a. Mizo literature ah hmun pawimawh tak luah tu” a nih thu a sawi. Lalsangzuala chhungten Mizo mipui tam zawkin a sulhnu an hmuh theihna tura langsar zawka pho chhuah an remti leh Central YMA kuta an hlan chu lawmawm a tih thu a sawi.

YMA Lamka Branch President F Lalhmingmawia’n Lalsangzuala sulhnu te hi a bo thlau nasa tawh a, Sudden Muanga Bu pawh a kim lo nasa tawh a, neih kim leh dan awm se a tih thu a sawi. F Lalhmingmawia hian Central YMA General Secretary kutah heng bungruate hi a hlan a ni.

Inhlanna hunah hian Central YMA atangin General Secretary bakah Assistant Secretary SF Davd Ngursangzuala leh John Kima CEC te an tel a; YMA Lamka Branc hruaitute bakah Aizawla Lamka chhuak engemaw zat an tel bawk.

Central YMA hian hun remchangah Mizoram State Museum ah heng bungruate hi an hlan leh dawn a ni.