MSSC Golden Jubilee 9 Ball Pool Championship 2026-ah Lalsangzela a champion

Aizawl | March 23, 2026: Mizoram Snooker & Billiards Association (MSBA) buatsaih Mizoram State Sports Council (MSSC) Golden Jubilee 9 Ball Pool Championship 2026-ah Lalsangzela a champion.

MSSC Golden Jubilee 9 Ball Pool Championship 2026 final hi march 21 tlai dar 4 khan MSBA Hall-ah khelh a ni a, T Laltanpuia, Upper Republic leh Lalsangzela, Khatla south ten inkhel hmuhnawm tak an entir a. Final match hi 'Race to 9' a khelh niin, Lalsangzela hian 9 - 4 in hnehna a chang a, MSSC Golden Jubilee 9 Ball Pool Championship 2026 champion a ni ta a ni.

Lalsangzela hian, semi final-ah Lalrina Renthlei hmachhawnin 8 - 4 in a chak a. T Laltanpuia hian, 8 - 3 in a tumpui Lalchhandama Chhangte a hneh bawk a ni.

MSSC Golden Jubilee 9 Ball Pool Championship 2026 hi MSBA Hall, Hawla Indoor Stadium, Pitarte Tlang, Republic Vengthlang-ah March 16 - 21 chhung khan khelh a ni a, player 112 telin, Aizawl khawpui chhung bakah, Lunglei, Sihphir leh Seling te atangin player tha tak tak an fuankhawm a ni.

MSSC Golden Jubilee 9 Ball Pool Championship 2026 final hi MSSC vice president Dr Lalhmuachhuaka'n khuallian niin a hmanpui a, infiammi kal khawmte chu ram dang leh hnam dang hmaa Mizoram timawitu ni tura theihtawp chhuah zel turin a chah.

Khuuallian hi MSSC vice president hi Mizoram Chess Association (MCA)-ah Senior Vice President ni bawkin, MCA Assistant Secretary K Lalbuanga'n a tawiawm a ni

MSSC Golden Jubilee 9 Ball Pool Championship 2026 hi MSBA 2025 - 2026 season ending championship ani tel nghal a, final khelh zawh hian playerte'n ruai an theh nghal a ni.

MSBA player Lalsangzela hi Jan 23 - 27, 2024 chhunga buatsaih 'Mizoram State 6 Red Snooker Ranking Tournament 2024'-ah Champion a ni a.

March 18 - 30 chhunga buatsaih Mizoram State 9 Ball Pool Championship-ah Champion a ni a. May 20 - 25 chhunga neih zawh tak Mizoram State 9 Ball Pool Ranking Tournament 2024-ah khan Finalist (Runners Up) a ni a.

June 24 - 29 chhunga buastaih Mizoram State 10 Ball Pool Ranking Tournament 2024-ah Quarter finalist a lo ni tawh a. Tunah hian, July 15 - 20 chhunga buatsaih Mizoram State 6 Red Snooker Ranking Tournament 2024-ah a champion leh a ni.

November 10 - 15, 2025 chhunga Millennium Centre Atrium-a buatsaih Ather Electric Scooter 9 Ball Pool Championship 2025 finalist a ni a.

September 8 - 13, 2025 chhunga khelh Mizoram 6 Red Snooker Championship 2025 - 2026 -ah finalist a ni.

Feb 17 - 24, 2025 chhunga khelh Mizoram State Snooker championship 2024 - 2025 ah finalist a ni.

2025 January thla tawp lama 91st Indian National Billiards & Snooker Championship, 2025, Indore, Madhya Pradesh a khelh-ah Lalrina Renthlei nen Mizoram aiawhin an khel a, Lalrina (Top 16) leh Lalsangzela (Top 32) te hian an khel ṭha hle a, Senior level-ah chuan National Championship a Mizoram in record an neih ṭhat ber ṭum a ni nghe nghe.