"A tuka lang leh mai tur an hotupa berin dawt a sawi zuah zuah a, a hoten an chulmamsak zel a, a hote chulmam sen loh hutupa berin dawt a sawi thin a ni."
- MNF President Zoramthanga
Aizawl | March 2, 2026: MNF chuan Vawiin March ni 2, 2026 (Thawhtanni) chawhma dar 11:00am khan Vanapa Hall-ah Mizoram Independence Puan kum 60-na 'Diamond Jubilee lawmna hun' Vanapa Hall-ah ropui takin a hmang.
.jpeg)
Jubilee thuchah sawiin MNF President Zoramthanga chuan Mizoram Independence puan kum 60-na tling thei tura MNF nunna zuah zel a la ni leh MNF Founder President Pu Laldenga nupui Pi Biakdiki pawh thu sawi theia a la awm chu Pathian hnenah lawmthu a sawi. MNF chu kum 1961din niin tunah kum 65 hmel a hmuh tawh thu a sawi bawk.Hengte hi movement dangin an tih ve theih loh, Pathian remfel ang thlapa kal a ni, a ti.
Zoramthanga chuan India Independence lai khan East Pakistan-a a awm te, Burma rama awm duh te, India-ah emaw British hnuaia la awm zui duhte leh Independence duhte kan ni nawk hlawm a. August ni 15, 1947 khan Mizoram chu India ramah kan awm ta tih hrelo tam tak a hun lai khan an awm a, British lah an liam daih a, agreement sign leh ban phartirna pawh awm lovin India-ah khan kan awm ta ringawt a ni. Hei tak hi Pu Denga te khan India Prime Minister hnenah India chu Republic anih a, Constitution an siam lai khan, India siamnaah kan tel ve lo a, barhluih kan ni an ti a. India ramah kan tel ve dawn anih pawhin Mizoram tana tha leh him tur kan duhzawng kan sawi ve ang chu, chuti ni lova constitution in barhluih ringawt chu thil fello tak a ni an tih chu khatih laia Prime Minister Lal Bahadur Shastri pawh khan hnial ngaihna a hre lo, 'mithiamte ka lo rawn phawt ang e' a lo ti e a ti.
"Hun a kal zel a, kum 1966 February ni 11-ah Assam Chief Minister Chaliha chu Pu Denga'n biain, 'Sipai kan tir lo ang in ti si a, enga ti nge in rawn tirh leh si?' tia a zawh chuan 'ka rawntir lut lo thei lo' tiin a lo chhang a. Pu Denga'n buai ai chuan Chaliha chu biak a tum leh a, Chaliha chuan a lo be duh ta lo a. Keini pawhin kan tih tur ngaihtuahin March ni 1, 1966 khan Mizoram Independence kan puang ta a, kan inkap tan ta a ni. Kum 20 chhung kan inkah hnuin kohhran, NGO leh pawl hrang hrang ngenna angin inremna entawntlak ber kan nei ta a. Electoral roll-a la awm lo thlan tlin hlim Chief Minister nihna Pu Denga'n a lan theite kha a inremna ropuizia tilangtu a ni. Kha inremna kha thenkhatin sawi bawrhban tum thin mahse, a hlutzia kan hre zel a ni," a ti. Kan Hnam hi Pathianin min hruai zel anga, rem a tih hunah Zalenna sangber kan neih hun hi ala herchhuah tir ngei ang, a ti bawk.
MNF President chuan, "Pu Duhoma'n pawl hrang hrang dina kum 40 chuang zet a kalpui hnuah ZPM chu kum 2023 inthlanah khan an thlipui a tleh a, MLA 20 chuang zet neiin an sorkar ta a. Mahse, mipuiin an hre chiang tulh tulh a, an mo thar laiin rulling lai an tlin ngei ngeina thin inthlan hrang hrangah an tla zel a. Sinlung Hills Council-ah te, Dampa bye-election ah te, LADC-ahte pawh an tla zel a ni. Nasa takin electric bill an tisang a, eng sorkar mahin a la tih ve ngai loh petrol leh diesel man an tisang a, revenue tax hrang hrang a letin an tipung a, ration buhfai man a letin an tisang bawk. Sawhthing leh hmunphiah chingtute an mangang em em a, sorkar hnathawkte pawh a ni telin ZPM sorkarah an beidawng nasa hle. A tuka lang leh mai tur an hotupa berin dawt a sawi zuah zuah a, a hoten an chulmamsak zel a, a hote chulmam sen loh hutupa berin dawt a sawi thin a ni. Kawng lakah Pathianin MNF hi a kalsan dawn lo a, a hun a tihah Pathianin a chawisang leh zel thin a ni," a ti bawk.
Vawiin chawhma Dar 10:30 khan D Thangliana Ex-MLA, PAC & Chairman, Lungphun Sub-Committee kaihhruaina hnuaiah Pu Zoramthanga chuan Mizo Hnamrunah Diamond Jubilee lungphun a hawng bawk.
Pu K.Lalthawmmawia PAC & Secretary Mizoram Independence Puan kum 60-na Diamond Jubilee Celebration Committee chuan report a pe a, Lalbiakdiki Adviser, w/o Pu Laldenga Founder President MNF leh Rochungnunga President Ex-MNA Association pawhin thu an sawi.
Diamond Jubilee lawmna hun hi MNF Sr Vice President & Mizoram Independence Puan kum 60-na Diamond Jubilee Celebration Committee Chairman Dr R Lalthangliana MLA chuan a kaihruai a, Rev Dr Vanlalbela Bawngkawn chuan hunserh a hmang.
MNF Vice President Vanlalzawma chuan Jubilee cake zai buatsaihin, inhlan tharna hun a kaihruai bawk a, MNF Treasurer Lalruatkima chuan lawmthu sawiin hun a khar.
.jpeg)
Mizo National Front
General Headquarters
Aizawl : Mizoram
Press Release
MNF-IN MIZORAM INDEPENDENCE PUAN 'DIAMOND JUBILEE' LAWMNA ROPUI TAKIN A HMANG
Vawiin March ni 2, 2026 (Thawhtanni) chawhma dar 11:00am khan Vanapa Hall-ah MNF chuan Mizoram Independence Puan kum 60-na 'Diamond Jubilee lawmna hun' Vanapa Hall-ah ropui takin a hmang.
Jubilee thuchah sawiin Pu Zoramthanga MNF President chuan Mizoram Independence puan kum 60-na tling thei tura MNF nunna zuah zel a la ni leh MNF Founder President Pu Laldenga nupui Pi Biakdiki pawh thu sawi theia a la awm chu Pathian hnenah lawmthu a sawi. MNF chu kum 1961din niin tunah kum 65 hmel a hmuh tawh thu a sawi bawk.Hengte hi movement dangin an tih ve theih loh, Pathian remfel ang thlapa kal a ni, a ti.
Pu Zoramthanga chuan India Independence lai khan E.Pakistan-a a awm te, Burma rama awm duh te, India-ah emaw British hnuaia la awm zui duhte leh Independence duhte kan ni nawk hlawm a. August ni 15, 1947 khan Mizoram chu India ramah kan awm ta tih hrelo tam tak a hun lai khan an awm a, British lah an liam daih a, agreement sign leh ban phartirna pawh awm lovin India-ah khan kan awm ta ringawt a ni. Hei tak hi Pu Denga te khan India Prime Minister hnenah India chu Republic anih a, Constitution an siam lai khan, India siamnaah kan tel ve lo a, barhluih kan ni an ti a. India ramah kan tel ve dawn anih pawhin Mizoram tana tha leh him tur kan duhzawng kan sawi ve ang chu, chuti ni lova constitution in barhluih ringawt chu thil fello tak a ni an tih chu khatih laia Prime Minister Lal Bahadur Shastri pawh khan hnial ngaihna a hre lo, 'mithiamte ka lo rawn phawt ang e' a lo ti e a ti.
"Hun a kal zel a, kum 1966 February ni 11-ah Assam Chief Minister Chaliha chu Pu Denga'n biain, 'Sipai kan tir lo ang in ti si a, enga ti nge in rawn tirh leh si?' tia a zawh chuan 'ka rawntir lut lo thei lo' tiin a lo chhang a. Pu Denga'n buai ai chuan Chaliha chu biak a tum leh a, Chaliha chuan a lo be duh ta lo a. Keini pawhin kan tih tur ngaihtuahin March ni 1, 1966 khan Mizoram Independence kan puang ta a, kan inkap tan ta a ni. Kum 20 chhung kan inkah hnuin kohhran, NGO leh pawl hrang hrang ngenna angin inremna entawntlak ber kan nei ta a. Electoral roll-a la awm lo thlan tlin hlim Chief Minister nihna Pu Denga'n a lan theite kha a inremna ropuizia tilangtu a ni. Kha inremna kha thenkhatin sawi bawrhban tum thin mahse, a hlutzia kan hre zel a ni," a ti. Kan Hnam hi Pathianin min hruai zel anga, rem a tih hunah Zalenna sangber kan neih hun hi ala herchhuah tir ngei ang, a ti bawk.
MNF President chuan, "Pu Duhoma'n pawl hrang hrang dina kum 40 chuang zet a kalpui hnuah ZPM chu kum 2023 inthlanah khan an thlipui a tleh a, MLA 20 chuang zet neiin an sorkar ta a. Mahse, mipuiin an hre chiang tulh tulh a, an mo thar laiin rulling lai an tlin ngei ngeina thin inthlan hrang hrangah an tla zel a. Sinlung Hills Council-ah te, Dampa bye-election ah te, LADC-ahte pawh an tla zel a ni. Nasa takin electric bill an tisang a, eng sorkar mahin a la tih ve ngai loh petrol leh diesel man an tisang a, revenue tax hrang hrang a letin an tipung a, ration buhfai man a letin an tisang bawk. Sawhthing leh hmunphiah chingtute an mangang em em a, sorkar hnathawkte pawh a ni telin ZPM sorkarah an beidawng nasa hle. A tuka lang leh mai tur an hotupa berin dawt a sawi zuah zuah a, a hoten an chulmamsak zel a, a hote chulmam sen loh hutupa berin dawt a sawi thin a ni. Kawng lakah Pathianin MNF hi a kalsan dawn lo a, a hun a tihah Pathianin a chawisang leh zel thin a ni," a ti bawk.
Vawiin chawhma Dar 10:30am khan Pu D.Thangliana Ex-MLA, PAC & Chairman, Lungphun Sub-Committee kaihhruaina hnuaiah Pu Zoramthanga chuan Mizo Hnamrunah Diamond Jubilee lungphun a hawng bawk.
Pu K.Lalthawmmawia PAC & Secretary Mizoram Independence Puan kum 60-na Diamond Jubilee Celebration Committee chuan report a pe a, Pi Lalbiakdiki Adviser, w/o Pu Laldenga Founder President MNF leh Pu Rochungnunga President Ex-MNA Association pawhin thu an sawi.
Diamond Jubilee lawmna hun hi Dr. R. Lalthangliana MLA, Sr.Vice President MNF & Chairman, Mizoram Independence Puan kum 60-na Diamond Jubilee Celebration Committee chuan a kaihruai a, Rev. Dr. Vanlalbela Bawngkawn chuan hunserh a hmang.
Pu Vanlalzawma Vice President MNF chuan Jubilee cake zai buatsaihin, inhlan tharna hun a kaihruai bawk a, Pu Lalruatkima Treasurer MNF chuan lawmthu sawiin hun a khar.
Sd/-
(R.LALHMANGAIHA)
Secretary
Media & Publicity Deptt
Mizo National Front
Memo No.440/2026
Dt.02.03.2026
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: