Aizawl | March 16, 2026: MNF huaihawtin vawiin chhun dar 1:30 khanVanapa Hall kawtah 'Thudik sawi tur leh dawt hmanga Mizoram min hruai tawh lo turin Pu Lalduhoma CM phutin' an pungkhawm.
He hunah hian MNF Treasurer Lalruatkima chuan Mizoram politics-a la thleng ngailo, CM dawtsawi hrat lutuk vanga punkhawm a ngai chu vanduaithlak a tih thu a sawi. Kan leiba leh kan budget dinhmun thlirin a lungawi thlakloh hle a ni a ti. Kan ramah sum lengvak a tlem a, dawt erawh a leng nasa hle. UNNATI chungchangah hian kan CM hi dawtsawiah a puh loh theihloh, a dawtsawi level a hniam hle. UNNATI leh SBI a hriatpawlh tlat mai hi a mak a. Lengpui ram hralh sum kawngbo nen a hriatpawlh em ni a ti a. Election kan hmachhawn tawhah rorellai an che chhe ta zel a. AMC election chungchangah a chhan sawi tur awm si lovin inthlan an puang theilova, an candidate tur pawh an la puang theilo a, inthlan an cholo tih a langchiang hle. Aizawl khawpui sawn a, Aizawl chhungah hmasawnna engmah thlen tum tawh lovin hma an la a. MNF erawh chuan AMC hmang leh a theih ang angin Zofate Jerusalem Aizawl hi cheihnum deuh deuh kan la tum zel a ni a ti.
Lalruatkima chuan Mizo hnampa Pu Laldenga hun lai atanga MNF-in hma a lo lak tawhna, Pu Zoramthanga sorkarin theihtawpa a bawhzui zel leh lo hlawhtling ta, ZPM sorkarah a hlawhtlinna tak lolang ta Assam Rifles chhuahsan ram mipui tana tangkai tura cheibawl a lo ni dawn ta chu lawmawm a ti a. Aizawl mipuite chanai AR-te duhsak taka tui supply tute hi kan vote lo ngam dawn lawm ni ?. AR ten lei man zawng zawng an awl bikna tura inremna siampuitu sorkar kan nei hi a pawi lutuk. AR-te leh ZPM sorkar inremna hi thangtharten agreement chhe ber an la rawn ti dawn, a ti bawk.
MNYF HQRS Vice President Lalnunmawia Pautu chuan punkhawm chhan sawiin, CM berin hniak phawi map lovin dawt a sawi thin vang a ni a ti a. Thudik nge dawt a ni tih hriat loh, mi dangte diriam thin, Assembly House chhung leh pawnah dawt tam tak sawi thin CM kan hrawn mek thu a sawi a. Kum 2024 July thla khan CM leh a naute dawtsawi 100 an lo hal tawh thu leh CM dawtsawi thar lam tam tak an hal leh tur thu a sawi. CM-in UNNATI loan cheng vbc 15 la anga a insawi chu dawt a ni a, cheng vbc 5 chauh a la tih MNYF-in Bank-ah kan zawtfiah a, dawt lian tak a sawi a ni. CM-in Assembly Session-ah Lengpui ram hralh chungchang chhui turin CBI hnenah kan thlen a tih kha eng document mah CBI hnenah thehlutin an la pe lo tih kan finfiah bawk. MNF thalai President chu CM-in kal paha work order pe a tih thin kha department-ah kan fiah a, chutiang engmah a awm lo, CM hian a dawt sawi hi bansan rawh se, a bansan lo a nih chuan sawi tur tam tak kan la nei. Tun sorkar hian ramri chinfel kawngah hmalakna pakhat mah a la awm lo, a chinfel dan an hriat anga hma la turin kan phut nghal a ni," a ti.
Zothansangi Hmar, Advocate, MNF Legal Board Member pawhin, "ZPM sorkarah thil man tihsan vanga chhungkaw pa ber mu theilo tam tak an awm a, sumdawngten he sorkarah hian inhralh harsa an ti vek a ni. House a pass tawh pawh House pawna tidanglam duh sorkar an ni. Zoramin zallenna a sualte kha thalaiteah nasa takin an sawi nep a, Zallenna sual kan sawi ngam loh hunah chuan kan ram hi a ngaihtuahawm hle ang. Tun laia Zoram mipuiin an nin em em chu sorkar hmasa demna leh engmah thawk lo anga sawi thin hi a ni. Democracy ramah sorkar berin sawisel a haw leh em em si a, intodelh tura min fuihtuten mipui min rawk a ni. Tun sorkarah hian sum a van avangin nawhchi zuar leh investment diklo hmanga inbumna a tam phah hle a ni. Mipui sorkar tha siam turin kan lolet leh thuai ang," a ti bawk.
He punkhawm hi MNF GHQ General Secretary Er Lalrinawma Ex-Minister-in a kaihruai a ni.
Mizo National Front
General Headquarters
Aizawl : Mizoram
Press Release
CM PU LALDUHOMA CHU DAWTSAWI TAWH LO TUR LEH THUDIK CHAUH SAWI TAWH TURA PHUTNA PUNKHAWM NEIH A NI
Vawin March ni 16, 2026 (Thawhtanni) chawhnu dar 1:30pm khan MNF huaihawtin Vanapa Hall kawtah 'Thudik sawi tur leh dawt hmanga Mizoram min hruai tawh lo turin Pu Lalduhoma CM phutin' an pungkhawm.
He hunah hian Pu Lalruatkima Treasurer chuan Mizoram politics-a la thleng ngailo, CM dawtsawi hrat lutuk vanga punkhawm a ngai chu vanduaithlak a tih thu a sawi. Kan leiba leh kan budget dinhmun thlirin a lungawi thlakloh hle a ni a ti. Kan ramah sum lengvak a tlem a, dawt erawh a leng nasa hle. UNNATI chungchangah hian kan CM hi dawtsawiah a puh loh theihloh, a dawtsawi level a hniam hle. UNNATI leh SBI a hriatpawlh tlat mai hi a mak a. Lengpui ram hralh sum kawngbo nen a hriatpawlh em ni a ti a. Election kan hmachhawn tawhah rorellai an che chhe ta zel a. AMC election chungchangah a chhan sawi tur awm si lovin inthlan an puang theilova, an candidate tur pawh an la puang theilo a, inthlan an cholo tih a langchiang hle. Aizawl khawpui sawn a, Aizawl chhungah hmasawnna engmah thlen tum tawh lovin hma an la a. MNF erawh chuan AMC hmang leh a theih ang angin Zofate Jerusalem Aizawl hi cheihnum deuh deuh kan la tum zel a ni a ti.
Pu Lalruatkima chuan Mizo hnampa Pu Laldenga hun lai atanga MNF-in hma a lo lak tawhna, Pu Zoramthanga sorkarin theihtawpa a bawhzui zel leh lo hlawhtling ta, ZPM sorkarah a hlawhtlinna tak lolang ta Assam Rifles chhuahsan ram mipui tana tangkai tura cheibawl a lo ni dawn ta chu lawmawm a ti a. Aizawl mipuite chanai AR-te duhsak taka tui supply tute hi kan vote lo ngam dawn lawm ni ?. AR ten lei man zawng zawng an awl bikna tura inremna siampuitu sorkar kan nei hi a pawi lutuk. AR-te leh ZPM sorkar inremna hi thangtharten agreement chhe ber an la rawn ti dawn, a ti bawk.
MNYF HQRS Vice President Pu Lalnunmawia Pautu chuan punkhawm chhan sawiin, CM berin hniak phawi map lovin dawt a sawi thin vang a ni a ti a. Thudik nge dawt a ni tih hriat loh, mi dangte diriam thin, Assembly House chhung leh pawnah dawt tam tak sawi thin CM kan hrawn mek thu a sawi a. Kum 2024 July thla khan CM leh a naute dawtsawi 100 an lo hal tawh thu leh CM dawtsawi thar lam tam tak an hal leh tur thu a sawi. CM-in UNNATI loan cheng vbc 15 la anga a insawi chu dawt a ni a, cheng vbc 5 chauh a la tih MNYF-in Bank-ah kan zawtfiah a, dawt lian tak a sawi a ni. CM-in Assembly Session-ah Lengpui ram hralh chungchang chhui turin CBI hnenah kan thlen a tih kha eng document mah CBI hnenah thehlutin an la pe lo tih kan finfiah bawk. MNF thalai President chu CM-in kal paha work order pe a tih thin kha department-ah kan fiah a, chutiang engmah a awm lo, CM hian a dawt sawi hi bansan rawh se, a bansan lo a nih chuan sawi tur tam tak kan la nei. Tun sorkar hian ramri chinfel kawngah hmalakna pakhat mah a la awm lo, a chinfel dan an hriat anga hma la turin kan phut nghal a ni," a ti.
Nula Zothansangi Hmar, Advocate, MNF Legal Board Member pawhin, "ZPM sorkarah thil man tihsan vanga chhungkaw pa ber mu theilo tam tak an awm a, sumdawngten he sorkarah hian inhralh harsa an ti vek a ni. House a pass tawh pawh House pawna tidanglam duh sorkar an ni. Zoramin zallenna a sualte kha thalaiteah nasa takin an sawi nep a, Zallenna sual kan sawi ngam loh hunah chuan kan ram hi a ngaihtuahawm hle ang. Tun laia Zoram mipuiin an nin em em chu sorkar hmasa demna leh engmah thawk lo anga sawi thin hi a ni. Democracy ramah sorkar berin sawisel a haw leh em em si a, intodelh tura min fuihtuten mipui min rawk a ni. Tun sorkarah hian sum a van avangin nawhchi zuar leh investment diklo hmanga inbumna a tam phah hle a ni. Mipui sorkar tha siam turin kan lolet leh thuai ang," a ti bawk.
He punkhawm hi Er.Lalrinawma Ex-Minister, General Secretary MNF GHQ-in a kaihruai a ni.
Sd/-
(R.LALHMANGAIHA)
Secretary
Media & Publicity Deptt
Mizo National Front
Memo No.445/2026
Dt.16.03.2026
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: