Mizoram Industry Owners Association (MIOA) ten hruaitu thar thlang

Aizawl | March 5, 2026: Mizoram Industry neitu intelkhawm Mizoram Industry Owners’ Association te chuan Vawiin March ni 5, 2026 khan Aijal Club-ah General body meeting cum Election an nei.

He hun hi MIOA President David Lalmuanpuia’n kaihruaiin, member te lawmna thu a sawi hmasa a; MIOA chu Mizoram Industry ten hma an sawn theihna tur atana din anih thu sawiin, Mizoram tana theihtawp chhuah chhunzawm zel turin member te fuihna a sawi.

President in thu a sawi zawh hian Secretary Daniel Lalawmpuia’n hun kal ta chhunga pawl hmalakna te thlirletna hun neiin, agenda awm te a pharha, rorel tan nghal a ni a; he hunah hian kum 2026-2028 a pawl hmalak dan turte relna hun neih a ni. Rorel zawhin inthlanna neih chhunzawm a ni a, Kum 2026-2028 atana hruaitu atana thlanchhuahte chu a hnuaia tarlan te hi an ni.

President: David Lalmuanpuia (F Hrangvela Industry)

Vice President:Lalhnuni (LCM Industry)

Secretary: Vincent Vanlalngilneia (Vinco Farm)

Assistant Secretary: Runremsangi (Corban Rice)

Treasurer: C Lalnunfela (MYDO Industry)

Fin. Secretary: Zomawii (Local All Natural Soda)

Tun dinhmunah Mizoram Industry Owners Association ah hian member 50 chuang awm mekin, Mizoram chhunga thilsiam in ram a tih hmasawn theih nan theihtawp chhuahin hma an la mek a ni.

MIOA ah hian Mizoram chhunga Industry nei, member la nilo te chu membership fee pe a, tel theih reng a ni.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]