Minister B Lalchhanzova'n YMA Saron Veng Branch Pikup hlan

Aizawl | March 4, 2026: Minister leh Aizawl East II bialtu MLA B Lalchhanzova'n MLA Fund hmanga lei, Pikup YMA Saron Veng Branch hnenah a hlan.

March 4, 2026, Nilaini a Saron Veng Branch YMA Pickup hlanna hun inkhawm hi Branch YMA President H Lalnunmawia'n kaihruaiin Saron Veng Branch YMA in Pickup an nei thei ta chu lawmawm a tih thu a sawi. Pickup hlantu leh Bialtu MLA ni bawk B Lalchhanzova chuan Saron Veng in Pickup tha tak an nei thei chu a lawmpui thu leh tha taka enkawl turin a beisei thu sawi.

Bialtu MLA chuan Kohhran leh khawtlang tana kan inti ropui viauna hi mipui hian an lawm loa, mipui nen in nel tur chuan kan vai hian luanliam za a tul a, kan awmna a san lutuka kan luan san lutuk chuan miin min pawh thei dawn lo a ni a ti, ram hruaitute hi chhiahhlawh rilru pua kan awm chuan kan khawtlang leh ram rorelna ah pawh kan in pawh dawn thu sawiin mi hniam ber te tan pawha ban phak kan nihna hi mihring kan nih chhung hian a pawimawh a ni a ti.

Thawhhona tha hi kan ram leh hnam tihlutu a ni a, Party ṭan lam chu i nei ang u, Neutral te pawn a hun leh a hmun a zirin tan lam an nei, mahse, kha thil kha kan khawtlang nun tihrehawm tu nilo sela, tichuan thawhhona tha kan nei dawn a, Party avanga thawkho tur kan niloa Mipuite avang zawka thawkho tur kan ni a ti.

Kum khatah MLA in Fund Nuai 200 a nei a, MLA fund kan hman dan te hi mipui in kan hriat pui a ṭul hle a, MLA Fund hmanna hriatsak hi mipui chanvo a ni a ti. Pickup hlanna hun hman zawhah Bialtu MLA kaihhruaina in Saron Veng, Chhinga Veng leh Tuithiang Veng inkalpawhna kawng Junction siamthat dan tur PWD SE leh EE hotu te nen enho a ni.