March 18 - 20 chhungin DD Mizoram indigenous Games & Cultural Festival buatsaih dawn

Aizawl | March 11, 2026: March 18 - 20 chhungin DD Mizoram indigenous Games & Cultural Festival buatsaih dawn.

Kum 2024 khan DD Mizoram Indigenous Games hi District 11 ah buatsaih a nih hnuin State level grand finale chu 2025 khan, Aizawlah hlawhtling taka buatsaih alo ni tawh a, a chhunzawm nan ni 18 – 20, March, 2026 chhungin Ramhlun Sports Complex, Aizawl ah buatsaih a ni leh dawn a.

Pawl, mimal, khua, veng, zirna in hmingin a chhuah theih ang.

Ni thum chhung hian zing 10:00AM. ah ṭannin zan 7:30PM. ah ṭan leh tur a ni a. Competition lai hian tunlai zaithiam lar tak tak te bakah hnamlam leh zai lama thiam tak tak College leh group ten nitin/zan tin mipui an awi ṭhin ang.

DDK local channel leh DD Mizoram YouTube ah live stream tur a ni.

Inelna turte:

(1) InBuan

(2) InSuk nawr

(3) InSuknawr (Tangho) Category 3 a then tur.

(4) InSaihruipawh Open

(5) InArpasual (Tangho)

(6) Kalchhet (Tangho-Relay race).

(7) Invawr (Tangho).

(8) Kawikah (Mimal)

(9) Kalchhet (Mimal) - 100 Mt. Race. Open.(Tourist - State pawn leh foreigners an tel thei vek ang.

Kalchhet nei lo tan hawh tur a awm ang)

Lawmman atan Certificate bakah sumfai thahnem tak siam a ni.

Tel tumte tan March ni 16 .2026 (Thawhṭanni) thleng Mb. No. 9485305436/ 9436197506 ah in report tur a ni.

Ni 17.3.26 zing 10:00 atangin zan dar 8:30PM thleng Ramhlun Sports Complex- MIGA office-ah in buk tur a ni.

Indigenous Games cum Cultural Festival a nih angin Infiammite, item nei turte leh entu mipuite Hnam thuama in thuam tura ngen kan ni.

Kan nihna identity chawilar hi kan tih tur a ni tih hria in, Mizo infiamna-te hi chawi nung zel ila, Zo nun ze mawi chawisan nan leh Ram leh hnam humhalh nan hmang tangkai ila. A hmunah ngei en turin mipuite kan sawm a che u.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]