Kum 48 mi niin Kolasib DC nilai a thi

Aizawl | March 18, 2026: Kolasib DC nilai, Robert C Lalhmangaiha (48) chu vawiin khan Civil Hospital, Aizawlah a thi.

DD News-in a tarlan danin, Robert C Lalhmangaiha hi Mizoram Civil Service 2008 Batch a ni a, Zunthlum leh thinlian bakah hrisel lohna dang neiin, Pathianni zing khan a pum nuam lo avangin Kolasib-ah Doctor a in entir a, Aizawl lamah enkawl turin refer a ni. Civil Hospital, Aizawlah admit niin, vawiin khan a boral a. Amah hi Aizawl Chawnpui Presbyterian Kohhran Upa niin, Chawnpui vengah chhungkua in an khawsa a, a nupui leh a fa te 3 a kalsan a ni.

Hna ngaipawimawh leh inpe mi tak niin kumin March ni 11 pawh khan Ramri a harsatna thleng avangin nuamlo chung pawhin Saipumah kalin hun a hmanga, Kolasib a Chapcharkut hmanna ah pawh Kut thlengtu niin thatakin hun a hmang a ni.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]