". . . Kalphung Thar Sorkarin urban local bodies awm lovah Mizoram Khawpui Aizawl min 'DAH' mek . . ." ~ MPYCC

Aizawl | Mar 14, 2026: Mizoram Pradesh Youth Congress Committee (MPYCC) chuan vawiin khan thuchhuah siamin, ". . . Kalphung Thar Sorkarin urban local bodies awm lovah Mizoram Khawpui Aizawl min 'DAH' mek . . ." an ti.

ZPM sorkar hian mipui an zah lohzia lantirnan AMC term tawp tawh Extend-na dan pawh awm lo, Urban Local Bodies awm lovah Mizoram khawpui Aizawl chu enkawltu mumal awm lovah min dah mek. Hei hi AMC inthlan a hun taka an hmachhawn ngam loh vangah Congress Thalai chuan a ngai nghet tlat a ni. 

Hriat theih chinah state Assembly Session te, School naupang Exam avangtea AMC inthlan sawn hlat hi a la awm loh laiin an chan thatna tur a nih chuan VC leh LC inthlan pawh mipui thlan chhuahte term pawh tawi sak avanga Court hial kal ngai khawpin inthlan hun an sawn hma thei a ni. 

ZPM sorkar chuan an sorkar hnuah LADC,  Dampa MLA Bye-Election, VC leh Local council inthlan te an hmachhawnah an chetchhiat em em vek avangin tunah hian Mizoram khawpui Aizawlin enkawltu nei lo ang maia a awm mek nachhan chu AMC inthlan a hun taka an neih ngam loh vang a ni. An sorkar hnuah budget vawi 3 an pharhna a ni ta a, thal vawi hnih kawng an siam lo va, AMC inthlan dawnah Election neih dawn (orient) avanga mipui rilru suk nan Aizawl khawpui kawng siam that a, Pukchawpa Sawhthing tlem a zawng lei hman hram leh Budget Session-a mipui mit leh bengkhawn zawnga chet hnua AMC  inthlan an duh vang mai maiah Congress Thalai chuan a ngai a ni.  

AMC hi a kalphungah chuan kum 5 chiah zelah a tawp a, kum 5 chiah zela a term pawh hi a thar piang zel tur a ni. AMC inthlan hun hetiang a nih avang hian a hun taka office pawh luah chat chat tura ngaih an ni. A huna inthlan theih loh a awm thei a, mahse, hei hi danbuah a lang lo a, chung danbu a lang lo inthlan ti danglam thei chu Pandemic emaw Epidemic emaw National level or State Level buaina a ni tur a ni.

MIZORAM PRADESH YOUTH CONGRESS COMMITTEE

No. MPYCC/Mz-B/2025-2026/90

Dated: Aizawl the 14th March, 2026

PRESS RELEASE

"...ZPM (Kalphung Thar) Sorkarin Urban Local Bodies awm lovah Mizoram Khawpui Aizawl Min 'DAH' Mek..." - MPYCC

ZPM sorkar hian mipui an zah lohzia lantirnan AMC term tawp tawh Extend-na dan pawh awm lo, Urban Local Bodies awm lovah Mizoram khawpui Aizawl chu enkawltu mumal awm lovah min dah mek. Hei hi AMC inthlan a hun taka an hmachhawn ngam loh vangah Congress Thalai chuan a ngai nghet tlat a ni. 

Hriat theih chinah state Assembly Session te, School naupang Exam avangtea AMC inthlan sawn hlat hi a la awm loh laiin an chan thatna tur a nih chuan VC leh LC inthlan pawh mipui thlan chhuahte term pawh tawi sak avanga Court hial kal ngai khawpin inthlan hun an sawn hma thei a ni. 

ZPM sorkar chuan an sorkar hnuah LADC,  Dampa MLA Bye-Election, VC leh Local council inthlan te an hmachhawnah an chetchhiat em em vek avangin tunah hian Mizoram khawpui Aizawlin enkawltu nei lo ang maia a awm mek nachhan chu AMC inthlan a hun taka an neih ngam loh vang a ni. An sorkar hnuah budget vawi 3 an pharhna a ni ta a, thal vawi hnih kawng an siam lo va, AMC inthlan dawnah Election neih dawn (orient) avanga mipui rilru suk nan Aizawl khawpui kawng siam that a, Pukchawpa Sawhthing tlem a zawng lei hman hram leh Budget Session-a mipui mit leh bengkhawn zawnga chet hnua AMC  inthlan an duh vang mai maiah Congress Thalai chuan a ngai a ni.  

AMC hi a kalphungah chuan kum 5 chiah zelah a tawp a, kum 5 chiah zela a term pawh hi a thar piang zel tur a ni. AMC inthlan hun hetiang a nih avang hian a hun taka office pawh luah chat chat tura ngaih an ni. A huna inthlan theih loh a awm thei a, mahse, hei hi danbuah a lang lo a, chung danbu a lang lo inthlan ti danglam thei chu Pandemic emaw Epidemic emaw National level or State Level buaina a ni tur a ni.

                  Sd/-

(C. LALHMACHHUANA)

             Secretary,

i/c Information & Publicity,

Mizoram Pradesh Youth Congress Committee