Aizawl | March 16, 2026: ZPM Party chuan vawiin khan an party office – ah chhung inkhawm hun an hmang a, Adviser Sanghnuna Hlawndo chuan kaihruaiin; ZPM Consultant leh Mizoram State Project Monitoring Committee (MSPMC) member ni bawk Er Vanlalneiha Ralte chuan thu a sawi a, " . . Kalphung thar, Mipui sawrkar a takin mipui te hian kan hre fiah chho a. Mipui ten beiseina sang tak an neih te zawi zawiin tihlawhtlin a ni chho," a ti.
Er. Vanlalneiha chuan MSPMC hma lak dan sawiin, “Mizoram Sawrkar thar a pian atanga rei lo te, January ni 23, 2024 khan MSPMC din a ni a. Hei hi tunhma lama kan la neih ngai loh a ni a, department hrang hrang te in sak, kawng siam leh lei dawh te an endik thin a ni. Vaibelchhe tam tak sum sen ralna hna thawh a tam hle. Amaherawhchu, heng hnate hi zawh an nih hnuah a project lo awm chhan ang ngeia engtiang taka tangkaia hman nge an nih leh ekawl zui an nih dante hi chhui chian dawl lo a tam hle. Hna endik zinga tam tak hi chu a zawh hun chhung tur bituka zawh a awm meuh lo. Hun pek belh, vawi hnih vawi thum, vawi li leh aia tam, hun pek let aia tam pek belh ngai khawpa hna thawh muang leh ngaihsak loh an ni. Chuti chung chuan quality tha lo a la tam viau bawk,” a ti a.
MSPMC member ni bawk Maneiha chuan, “MSPMC hian project lian tak tak te hi a nih dan tur ang taka tihpuitlin a nih theihna tura vil leh enpui hi a tum ber a ni. January, 2024 atanga March, 2025 chhungin Project hrang hrang, District 10 ami 47 tlawh leh endik a ni. Heng project te hi kum 4/5 vel a hna lo tan tawh te, la zawh loh te an ni tlangpui. Kum 2024 - 2025 Annual reports siam niin, hemi hun chhunga projects inspection neih zat hi 47 (department 13 hna thawh) a ni a. Inspection nei tura fehchhuah zat hi vawi 48 a ni. Heng bakah hian state project ni lo, specific assignment-a kal chhuah vawi 5 kan nei bawk. MSPMC Annual Report (2024-2025) hi February 24, 2026 khan Assembly Budget Session-ah kan Chief Minister zahawm tak, Committee Chairman ni bawkin House-ah a lay a, House property pakhat a lo ni ta hi thil la thleng ngai lo a ni,” tiin, mipui lam pawhin MSPMC pawimawhna hriaa kan tawiawm that hle a tul thu a sawi bawk.
Er. Vanlalneiha chuan, “Chief Minister zahawm tak, Pu Lalduhoma kaihhruai hun reilo te chhunga a performance avang hian Kalphung thar, Mipui sawrkar a takin mipui te hian kan hre fiah chho a. Mipui ten beiseina sang tak an neih te zawi zawiin tihlawhtlin a ni chho a. Mipui ten thil tha duhna avang te pawh a ni ang, sawrkar tha siamna kawngah support kan pe nasa hle tih han hmuh hian thil danglam tak a thleng mek a ni. ZPM sawrkar hi tun ang zel a nih ngat chuan a bik takin MNF hian dinchhuahna chance a nei chhe hle tih hi mipui sawi duh dan a ni. Tuna a lan danah chuan ZPM hi term 2-ah a tawp mai a rinawm loh. Tin, Sawrkar achievement ropui tak tak kan hmuh mek te mipui thleng phak a ni ta zel hian mipui sawrkar ngei a ni tih a tilang chiang hle,” a ti.
ZPM Consultant chuan, “ZPM sawrkar hnuaiah hun reilo te chhunga hmasawnna a lo lan mek lai hian, lawm ve thei miah lo party hi an awm tlat mai hi a zia lo hle a ni. Mizoram politics kal tawhah hian regional party lian pahnih hi a awm reng thei lo. Chutianga hlauhthawnawma awm tlata inhria party an awm niin a hriat a, tunlai an cheziaah han ti viau dawn pawh ni se, an daipelh char char a ni ber. Dt. 05.03.2026-ah Minister Dr. Vanlalthlana demand chu assembly-ah sawiho a ni a, lungrual taka pass a ni. Hemi ni takah MNF party te chuan Vanapa Hall kawtah inhawrkhawmin Education Minister Dr. Mathlana, zirna siam tha mektu mi chhuanawm tak chu ‘Bang rawh se’ tiin an lo aurual nasa hle. Hetianga Demand sawi ni takah pawn lama boruak lo siam a, lo beih chiam hi sim har an ti hle a nih hmel e. Vawiinah Chief Minister demand sawi hunah pawh house lama an mualphona thup tumin an lo pungkhawm leh a ni awm a, politics tui nu hi an la kham lo hleah I ngaih sak ang u. Pu Lalduhoma dawt sawi bu siama hal an tum, tih thawm te a lo ri chhuak a, hetiang politics tui nu but hi ZPM nen a inmil ve lo,” tiin, “Zoram mipuiin sawrkarna tha an mamawh lai takin chung lamin rorel turin a hun takah ZPM hi a ruat a ni tih pawm thlap ila, thil tha ti turin I kal miah miah ang u. AMC inthlan kan hmaah a awm a, candidate kan nei tha hle. Mipuiin Aizawl khawpui enkawl turin ZPM hi an ring tawk hle ang tih hi a ring ila, mipui ti chiai zawng ni lovin, thianghlim tak leh taima takin I campaign ang u,” a ti bawk.
ZPM General Headquarters
Mizoram: Aizawl
Press Release
PR. No. ZPM-02/02A/2026/23
Dated Aizawl, 16th March, 2026: Vawiin khan ZPM Party chuan party office – ah chhung inkhawm hun kan hmang a, Pu Sanghnuna Hlawndo, Adviser chuan kaihruaiin; Er. Vanlalneiha Ralte, Consultant leh Mizoram State Project Monitoring Committee (MSPMC) member ni bawk chuan thu a sawi a, party mipui thahnem tak kan tel a ni.
Er. Vanlalneiha chuan MSPMC hma lak dan sawiin, “Mizoram Sawrkar thar a pian atanga rei lo te, January ni 23, 2024 khan MSPMC din a ni a. Hei hi tunhma lama kan la neih ngai loh a ni a, department hrang hrang te in sak, kawng siam leh lei dawh te an endik thin a ni. Vaibelchhe tam tak sum sen ralna hna thawh a tam hle. Amaherawhchu, heng hnate hi zawh an nih hnuah a project lo awm chhan ang ngeia engtiang taka tangkaia hman nge an nih leh ekawl zui an nih dante hi chhui chian dawl lo a tam hle. Hna endik zinga tam tak hi chu a zawh hun chhung tur bituka zawh a awm meuh lo. Hun pek belh, vawi hnih vawi thum, vawi li leh aia tam, hun pek let aia tam pek belh ngai khawpa hna thawh muang leh ngaihsak loh an ni. Chuti chung chuan quality tha lo a la tam viau bawk,” a ti a.
MSPMC member ni bawk Pu Maneiha chuan, “MSPMC hian project lian tak tak te hi a nih dan tur ang taka tihpuitlin a nih theihna tura vil leh enpui hi a tum ber a ni. January, 2024 atanga March, 2025 chhungin Project hrang hrang, District 10 ami 47 tlawh leh endik a ni. Heng project te hi kum 4/5 vel a hna lo tan tawh te, la zawh loh te an ni tlangpui. Kum 2024-2025 Annual reports siam niin, hemi hun chhunga projects inspection neih zat hi 47 (department 13 hna thawh) a ni a. Inspection nei tura fehchhuah zat hi vawi 48 a ni. Heng bakah hian state project ni lo, specific assignment-a kal chhuah vawi 5 kan nei bawk. MSPMC Annual Report (2024-2025) hi February 24, 2026 khan Assembly Budget Session-ah kan Chief Minister zahawm tak, Committee Chairman ni bawkin House-ah a lay a, House property pakhat a lo ni ta hi thil la thleng ngai lo a ni,” tiin, mipui lam pawhin MSPMC pawimawhna hriaa kan tawiawm that hle a tul thu a sawi bawk.
Er. Vanlalneiha chuan, “Chief Minister zahawm tak, Pu Lalduhoma kaihhruai hun reilo te chhunga a performance avang hian Kalphung thar, Mipui sawrkar a takin mipui te hian kan hre fiah chho a. Mipui ten beiseina sang tak an neih te zawi zawiin tihlawhtlin a ni chho a. Mipui ten thil tha duhna avang te pawh a ni ang, sawrkar tha siamna kawngah support kan pe nasa hle tih han hmuh hian thil danglam tak a thleng mek a ni. ZPM sawrkar hi tun ang zel a nih ngat chuan a bik takin MNF hian dinchhuahna chance a nei chhe hle tih hi mipui sawi duh dan a ni. Tuna a lan danah chuan ZPM hi term 2-ah a tawp mai a rinawm loh. Tin, Sawrkar achievement ropui tak tak kan hmuh mek te mipui thleng phak a ni ta zel hian mipui sawrkar ngei a ni tih a tilang chiang hle,” a ti.
ZPM Consultant chuan, “ZPM sawrkar hnuaiah hun reilo te chhunga hmasawnna a lo lan mek lai hian, lawm ve thei miah lo party hi an awm tlat mai hi a zia lo hle a ni. Mizoram politics kal tawhah hian regional party lian pahnih hi a awm reng thei lo. Chutianga hlauhthawnawma awm tlata inhria party an awm niin a hriat a, tunlai an cheziaah han ti viau dawn pawh ni se, an daipelh char char a ni ber. Dt. 05.03.2026-ah Minister Dr. Vanlalthlana demand chu assembly-ah sawiho a ni a, lungrual taka pass a ni. Hemi ni takah MNF party te chuan Vanapa Hall kawtah inhawrkhawmin Education Minister Dr. Mathlana, zirna siam tha mektu mi chhuanawm tak chu ‘Bang rawh se’ tiin an lo aurual nasa hle. Hetianga Demand sawi ni takah pawn lama boruak lo siam a, lo beih chiam hi sim har an ti hle a nih hmel e. Vawiinah Chief Minister demand sawi hunah pawh house lama an mualphona thup tumin an lo pungkhawm leh a ni awm a, politics tui nu hi an la kham lo hleah I ngaih sak ang u. Pu Lalduhoma dawt sawi bu siama hal an tum, tih thawm te a lo ri chhuak a, hetiang politics tui nu but hi ZPM nen a inmil ve lo,” tiin, “Zoram mipuiin sawrkarna tha an mamawh lai takin chung lamin rorel turin a hun takah ZPM hi a ruat a ni tih pawm thlap ila, thil tha ti turin I kal miah miah ang u. AMC inthlan kan hmaah a awm a, candidate kan nei tha hle. Mipuiin Aizawl khawpui enkawl turin ZPM hi an ring tawk hle ang tih hi a ring ila, mipui ti chiai zawng ni lovin, thianghlim tak leh taima takin I campaign ang u,” a ti bawk.
Sd/-
(ZIRSANGLIANI MANGPA)
Jt. Secretary
Media & Publicity Dept.
ZPM Gen. Hqrs., Aizawl
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: