Aizawl | March 23, 2026: Muaythai Association of Mizoram buatsaih 22nd Mizoram State Muaythai Championship 2026 chu March ni 17 atanga ni 22, 2026 thleng khan Mizba Boxing Hall, Ramhlun Sports Complex-ah khelh a ni a, March ni 22 khan kharna hun hmangin, Mizoram University Vice Chancellor Prof Dibakar Chandra Deka chuan khuallian niin a hmanpui.
DC Deka chuan, Muaythai Game hi University Games lamah Muaythai Association of Mizoram ngenna siam angin chawi san (promote) a nih theih nan theih tawp chhuahsak a tum thu a sawi.
He inelna neih zawh takah hian Fighters 119 telin, Officials 15 ten hneh takin Bout hi an vil. Aizawl pawn atangin khaw pasarih an inlan thei a; tin, Aizawl khaw chhung atangin Club leh GYM leh training Centre sawm pali an tel bawk a ni.
He championship-ah hian team champion chu Main training centre(MTC) Edenthar, Aizawl an ni. 1st runners-up hi SPES GYM / Dawrpui Contact Sports te niin, 2nd Runners-up ah CT Academy, Tanhrilte an rawn inhlangkai bawk. Vairengte Muaythai Club ten Best Dicipline Trophy an dawng thung.
He Championship atang hian fighter tha mipa leh hmeichhia an thlan
chhuahte chu:
1. Male best fighter - Benjamin C. Lalrempuia (SPES GYM / Dawrpui Contact Sports )
2. Female best fighter - Remtluangpuii CT Academy(Tanhril) te an ni.
A pumpuia club ti tha te lawmman lak dan dinhmun:
1. MTC
Gold - 19
Silver - 9
Bronze - 3
2. Spes
Gold - 10
Silver - 9
Bronze - 1
3. CT Academy
Gold - 10
Silver - 4
Bronze - 3
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: