Aizawl | Feb 6, 2026: Ramtuk thla vawiin ni 6, 2026 (Zirtawpni) chawhma dar 11:00 hian Mizo Hnam Run chhung inkhawm neih a ni a. He hunah hian MNF Gen. Hqrs. General Secretary J Malsawmzuala chuan thusawiin, "Thu belchian dawllo, sawinawn fo leh tha silo, tha niawm taka sawi thiam em em site hi ram tan an tangkai lo em em a ni. ZPM-te hian CBI leh Lengpui Airport chhehvel ram lei chungchangah sorkar hmasate puhchhiat leh beih nana hman an tum ngar ngar a. An duh leh an cho ang ngeiin MNF chuan tihdan phung dik tak hmangin he thilah hian hma a la a. Dan anga CBI-in a chhui theih nan, dan ang takin sorkarin kan complaint a dawng tawh a. Engtin nge hma a lak zui zel tih hi kan enzui zel dawn a ni.
"Bana kaih an tih hnuaiah, mi 11439 lai diltu zingah mi 249 chauh pek an la ni a. A hlawhtlina rate hi 17% vel chauh a ni. Health care pawh hi mipui a hmangtu tana thatak angin lang mah se, chhungkaw 20213 chauh an la inziahluh avangin, a zentu an la tlem hle a, a mah leh amah a inbanlek rih thei niin a lang a. Hun lola awm turah thang hlauhawm tak a nih palh a hlauhawm hle a ni," a ti bawk.
Hetianga Mizo leh Mizo, CBI te inchhuitir uaih uaih maite hi pumpelh theih pawh a that viau rualin, sorkar lai party berin eptu party ten chet an lak ve hma hmain chhe thei ang bera sorkar hmasate puha, insawifiah an tum nghal ringawt mai hi MNF chuan tha a ti lova, mipuiin thil awmdan an hria a, a chinchhuaka lepse anih theihnan MNF chuan tihdan phung dik tak hmangin hma a la ta a ni, a ti.
J Sawma chuan, CBI-a thubuai chhui tir theitu chu Allocation of Business Rules-ah Vigilance department a ni a. Vigilance department changtu chu Chief Minister a ni. Sorkar lai berin tihdan phung dik hmang lova, pehhel tuma, party-in a rel tur niawm tak Council of Ministers thurel anga FIR thehluh an tum hi a mak hle a ni. 2002 ata tawh khan, state sorkar hnuaia hnathawkte CBI-in a chhui dawn chuan state sorkar phalna lak hmasak a ngai tih a ni reng a. Hei hi ZPM chuan ti danglamin, inchhuang takin an sawi a. Mahse, reiloteah a hma kaldan ngai angin a kalpui leh ta tho si a ni. CBI in hma a lak leh lakloh chungchang hi state sorkar mawh liau liau a ni, a ti.
J Sawma chuan, restricted tender chungchangah ZPM-in sorkar hmasa nasa taka demin a sawichhia a. An tehfung ang chiaha teh chuan :-
PWD (Highway) hnuaiah 2018-2023 Nov. thlengin restricted tender pek a awmlo. ZPM kum hnih sorkar chungah 155 Cr. Rs 1,55,39,49,734 hu man restricted tender pek a ni tawh.
PWD (Building) hnuaiah MNF kum 5 sorkar chhungin restricted tender 95, Rs. 53312.46 lakhs hu pek a ni. ZPM sorkar kum 2 chhungin 96, Rs. 55196.56 lakhs hu pek a ni thung. Heng bakah hian department dangah tam tak sawi tur a awm. Tunhmaa kan la hriat ngailoh, restricted tender pek huk phalna, 'Blanket Approval,' hial pek a ni bawk, a ti.
ZPM sorkar hnuaiah, a hun taka sorkar hnathawkte hlawh pek an nih thu sawi a ni fo hi thubelhchian dawl lo a ni. 2023, December atanga 2026, January kum hnih chhungin, 2024, April leh 2024, May thlaah chiah hun pangngaiah sorkar hnathawkte hlawh pek an ni, a ti bawk.
J Sawma chuan, tunhnaia thil thleng, journalist pakhat news report pek chhungchanga sorkar hmalakna hi a mak a, a demawm tak zet bawk a ni. Hetiang thil hi kum 20 chuang journalist-a ka inhman ve chhunga thil thleng ngai lo a ni. Sorkar website ah chiang takin, sorkar thuchhuak, a hun leh ni nena tarlan entur awmreng behchhana news report siam hi ngaihhuat tur leh pawisawina a ni lo.
Journalist te dikna leh zalenna leh zahawmna humhim thei lova nekchepa awm leh, an tuar ta hial mai hi a demawmin a mak a. Chhunhan pakhat pawh ziak veloin an tuar hi na ka tihpui takzet a ni. Democracyah chuan ngaihdan a inang theilova, an ngaimawh zawng leh an huatzawngte hmehmih zel hi ZPM zia a nimai awm e. An chhungte leh lainate sorkar hnathawk an awm ve tho lawm ni? He thilah hian Minister pawh a inrawlh ngei tih a hriat a, chuvangin, journalist te zahawmna leh dikna humhim nan, chunhan pakhat pawh ziak velo, jounalist nupui an transfer na order hi sut leh ngei turin ka phut a ni, a ti.
Lai Autonomous District Council CEM, Pu Lalsawmzuala hnen atangin LADC sorkar chungchang leh chhimlam politics report ngaihthlak a ni a. MNF Gen. Hqrs. lamin ticket pek min fimkhurpui a, lungpui chunga insa ang maia, thlipui leh ruahpuiin a nam sawk sawk pawha nghing ve ngailo tur MNF MDC 8 lai kan tling a. Rinawmna hian rahtha a chhuah thei tih a lang a. MNF kaihhruai sorkarna ngialnghet tak kan siam thei hi a lawmawm takzet a ni.
MLA election kan nghakhlel tawh takzet a, chhimlamah arsi a eng zel a, en zualzel a chak tawh. ZPM sorkarah beiseina kan nei tamlo hle, anmahni pawh tamchhawl angreng an niin kan hria. Chhimlamah, "Pathian leh kan ram tan," tih nghakhlel an thahnem hle a ni, a ti bawk.
Upa Dr. H. Lallenmawia Adviser, MNF Gen. Hqrs. chuan inkhawm hi kaihruaiin, Upa K. Lalhmangaiha, Adviser, MNF Gen. Hqrs. chuan hunserh a hmang. Thorang bialah mi thahnemtak MNF-ah lawmluh an nih thu leh bialtu MLA Er. R. Rohmingliana hmalakna avanga lawm an tam thute, lawmluh zel tur an awm dawn thu report ngaihthlak a ni bawk.
Mizo National Front
General Headquarters
Mizoram : Aizawl
Press Release
Thu belhchian dawl lo sawi chingte hi ram tan an tangkai lo em em a ni.
Journalist nupui transfer order hi sut leh ngei rawh se.
- J. Malsawmzuala, MNF GS
Ramtuk thla vawiin ni 6, 2026 (Zirtawpni) chawhma dar 11:00 hian Mizo Hnam Run chhung inkhawm neih a ni a. He hunah hian Pu J. Malsawmzuala, Gen. Secretary, MNF Gen. Hqrs. chuan thusawiin, "Thu belchian dawllo, sawinawn fo leh tha silo, tha niawm taka sawi thiam em em site hi ram tan an tangkai lo em em a ni. ZPM-te hian CBI leh Lengpui Airport chhehvel ram lei chungchangah sorkar hmasate puhchhiat leh beih nana hman an tum ngar ngar a. An duh leh an cho ang ngeiin MNF chuan tihdan phung dik tak hmangin he thilah hian hma a la a. Dan anga CBI-in a chhui theih nan, dan ang takin sorkarin kan complaint a dawng tawh a. Engtin nge hma a lak zui zel tih hi kan enzui zel dawn a ni.
"Bana kaih an tih hnuaiah, mi 11439 lai diltu zingah mi 249 chauh pek an la ni a. A hlawhtlina rate hi 17% vel chauh a ni. Health care pawh hi mipui a hmangtu tana thatak angin lang mah se, chhungkaw 20213 chauh an la inziahluh avangin, a zentu an la tlem hle a, a mah leh amah a inbanlek rih thei niin a lang a. Hun lola awm turah thang hlauhawm tak a nih palh a hlauhawm hle a ni," a ti bawk.
Hetianga Mizo leh Mizo, CBI te inchhuitir uaih uaih maite hi pumpelh theih pawh a that viau rualin, sorkar lai party berin eptu party ten chet an lak ve hma hmain chhe thei ang bera sorkar hmasate puha, insawifiah an tum nghal ringawt mai hi MNF chuan tha a ti lova, mipuiin thil awmdan an hria a, a chinchhuaka lepse anih theihnan MNF chuan tihdan phung dik tak hmangin hma a la ta a ni, a ti.
Pu J. Sawma chuan, CBI-a thubuai chhui tir theitu chu Allocation of Business Rules-ah Vigilance department a ni a. Vigilance department changtu chu Chief Minister a ni. Sorkar lai berin tihdan phung dik hmang lova, pehhel tuma, party-in a rel tur niawm tak Council of Ministers thurel anga FIR thehluh an tum hi a mak hle a ni. 2002 ata tawh khan, state sorkar hnuaia hnathawkte CBI-in a chhui dawn chuan state sorkar phalna lak hmasak a ngai tih a ni reng a. Hei hi ZPM chuan ti danglamin, inchhuang takin an sawi a. Mahse, reiloteah a hma kaldan ngai angin a kalpui leh ta tho si a ni. CBI in hma a lak leh lakloh chungchang hi state sorkar mawh liau liau a ni, a ti.
Pu J. Sawma, MNF Gen. Secy chuan, restricted tender chungchangah ZPM-in sorkar hmasa nasa taka demin a sawichhia a. An tehfung ang chiaha teh chuan :-
PWD (Highway) hnuaiah 2018-2023 Nov. thlengin restricted tender pek a awmlo. ZPM kum hnih sorkar chungah 155 Cr. Rs 1,55,39,49,734 hu man restricted tender pek a ni tawh.
PWD (Building) hnuaiah MNF kum 5 sorkar chhungin restricted tender 95, Rs. 53312.46 lakhs hu pek a ni. ZPM sorkar kum 2 chhungin 96, Rs. 55196.56 lakhs hu pek a ni thung. Heng bakah hian department dangah tam tak sawi tur a awm. Tunhmaa kan la hriat ngailoh, restricted tender pek huk phalna, 'Blanket Approval,' hial pek a ni bawk, a ti.
ZPM sorkar hnuaiah, a hun taka sorkar hnathawkte hlawh pek an nih thu sawi a ni fo hi thubelhchian dawl lo a ni. 2023, December atanga 2026, January kum hnih chhungin, 2024, April leh 2024, May thlaah chiah hun pangngaiah sorkar hnathawkte hlawh pek an ni, a ti bawk.
Pu J. Sawma chuan, tunhnaia thil thleng, journalist pakhat news report pek chhungchanga sorkar hmalakna hi a mak a, a demawm tak zet bawk a ni. Hetiang thil hi kum 20 chuang journalist-a ka inhman ve chhunga thil thleng ngai lo a ni. Sorkar website ah chiang takin, sorkar thuchhuak, a hun leh ni nena tarlan entur awmreng behchhana news report siam hi ngaihhuat tur leh pawisawina a ni lo.
Journalist te dikna leh zalenna leh zahawmna humhim thei lova nekchepa awm leh, an tuar ta hial mai hi a demawmin a mak a. Chhunhan pakhat pawh ziak veloin an tuar hi na ka tihpui takzet a ni. Democracyah chuan ngaihdan a inang theilova, an ngaimawh zawng leh an huatzawngte hmehmih zel hi ZPM zia a nimai awm e. An chhungte leh lainate sorkar hnathawk an awm ve tho lawm ni? He thilah hian Minister pawh a inrawlh ngei tih a hriat a, chuvangin, journalist te zahawmna leh dikna humhim nan, chunhan pakhat pawh ziak velo, jounalist nupui an transfer na order hi sut leh ngei turin ka phut a ni, a ti.
Lai Autonomous District Council CEM, Pu Lalsawmzuala hnen atangin LADC sorkar chungchang leh chhimlam politics report ngaihthlak a ni a. MNF Gen. Hqrs. lamin ticket pek min fimkhurpui a, lungpui chunga insa ang maia, thlipui leh ruahpuiin a nam sawk sawk pawha nghing ve ngailo tur MNF MDC 8 lai kan tling a. Rinawmna hian rahtha a chhuah thei tih a lang a. MNF kaihhruai sorkarna ngialnghet tak kan siam thei hi a lawmawm takzet a ni.
MLA election kan nghakhlel tawh takzet a, chhimlamah arsi a eng zel a, en zualzel a chak tawh. ZPM sorkarah beiseina kan nei tamlo hle, anmahni pawh tamchhawl angreng an niin kan hria. Chhimlamah, "Pathian leh kan ram tan," tih nghakhlel an thahnem hle a ni, a ti bawk.
Upa Dr. H. Lallenmawia Adviser, MNF Gen. Hqrs. chuan inkhawm hi kaihruaiin, Upa K. Lalhmangaiha, Adviser, MNF Gen. Hqrs. chuan hunserh a hmang. Thorang bialah mi thahnemtak MNF-ah lawmluh an nih thu leh bialtu MLA Er. R. Rohmingliana hmalakna avanga lawm an tam thute, lawmluh zel tur an awm dawn thu report ngaihthlak a ni bawk.
Sd/-
(PETER CHHANGTE)
Secretary
Media & Publicity Department
Mizo National Front
Memo No. 432/2026
Dt. 6.02.2026
Post a Comment
He post chungchanga i ngaihdan lo sawi ve rawh: