MNF leh ZPM-in CBI-ah FIR thehlut dawn!

Aizawl | Feb 5, 2026: Rorel lai ZPM leh eptu party MNF chuan Lengpui ram hraah chungchang chhui turin CBI ah FIR an thehlut dawn.

MNF chuan vawiin chawhma dar 10:30  hian Chief Vigilance Officer, Mizoram Chief Secretary hnenah Lengpui Scam chungchang CBI chhuichhuah tir tura ngenna MNF Legal Board chuan a thehlut dawn.

Rorel lai lam chuan, naktuk hian Minister B Lalchhanzova hming FIR hi thehluh an tum a.  Hemi chungchang hi February ni 4, 2026 (Nilaini) khan Mizoram Council of Minister (CoM) meeting chu chawhma dar 11:00 aṭangin neih a ni a, CoM meeting zawh veleh ṭhufual zuiin Indian Air Force ten Lengpui leh Sihphir ram an lak tur chungchang ngun takin a ngaihtuah a, sawiho zui nghal niin mipui ten thudik an hriat theih nan hemi chhuichiang tura ngenna chu Central Bureau of Investigation (CBI) ah ZPM Media Committee Chairman, Pu B. Lalchhanzova, Minister hmingin February Ni 6 (Zirtawpni) 2026 hian thehluh ni se tiin a rel.

SAWMNA

Naktuk ni 5, February 2026(Thursday) chawhnu Dar 1 hian Chief Vigilance Officer, Mizoram Chief Secretary hnenah Lengpui Scam chungchang CBI chhuichhuah tir tura ngenna MNF Legal Board chuan a thehlut dawn a. He hunah hian thuthar thehdarhtute a tul ang min puandarh sak tura min tawiawm turin kan sawm a che u.

Sd/-

(VL KROSSHNEHZOVA)

Secretary

MNF Legal Board

&

General Secretary

Media & Publicity Department

Mizo National Front

PRESS HANDDOUT

*CBI HNENAH FIR THEHLUT DAWN*

February ni 4, 2026 (Nilaini) khan Mizoram Council of Minister (CoM) meeting chu chawhma dar 11:00 aṭangin neih a ni a, CoM meeting zawh veleh ṭhufual zuiin Indian Air Force ten Lengpui leh Sihphir ram an lak tur chungchang ngun takin a ngaihtuah a, sawiho zui nghal niin mipui ten thudik an hriat theih nan hemi chhuichiang tura ngenna chu Central Bureau of Investigation (CBI) ah ZPM Media Committee Chairman, Pu B. Lalchhanzova, Minister hmingin February Ni 6 (Zirtawpni) 2026 hian thehluh ni se tiin a rel a.

Sawrkar hotute chuan, Zoram mipui ten hemi chungchanga thu chiang tak an hriat thuai ṭha a ti a. Chutih rualin, MPCC ten VUC chhui chian an lo ngiat ve ngawt mai chu thil kawngkal lo tak niin a lang a. Tin, a kawngkal dika CBI hnêna 'direct'-a chhui tura ngenna thehluh mai tur a nih laiin; a kual thei ang bera MNF ten Mizoram state Chief Secretary - Chief Vigilance Officer (CVO) chelh teltu hnêna ngenna thehluh an tum pawh hi lo chawlhsan mai tur leh; chak zâwka 'investigation' kalpui a nih theih nâna dik thlap (proper channel)-a CBI hnêna 'direct'-a FIR thehluh hi lo ngaichâng mai turin kan ngen e.

Sd/-

(B. LALCHHANZOVA)

Chairman, ZPM Media &

Minister, Govt. of Mizoram

Dated Aizawl

The 5th February, 2026