~ Joseph Lalhimpuia
Mizoram Civil Service (Combined Competitive) Exam result a chhuak hlim bawk a, rilru a awm, Thalai rual mithiam tak tak te Ram hmangaih tur leh Zoram tan a zam lo turin ka'n cho teh ang.
Example atan ka hriat chian, Dr Vanlalramsanga IES chungchang ka'n tarlang nghe nghe ang e.
Khatia Pu Lal Thanhawla kaihhruai Congress sawrkar 2013 a alo pian khan, Zoram tana a theihna hmang chak, kan thian leh unaupa ni bawk Dr. Sangmama la chhuak tur a rawtna a awm mahse CM berin 'ala naupang, khulamah a tangkai zawk' a ti tlat. Pu ber melh rum leh hauh hluk ka tawrh hnu chuan Union Finance Minister Pu Chitambarama hnenah DO a ziak ta a. Delhiah tih tur dang ti pahin ka keng thla, Pu #CL Ruala MP ruaiin Pu Chitambarama hnenah CM lehkha kan va pe. Central sawrkar inthlan alo ni a an final hman ta lo. BJP an sawrkar ta daih sia le..! Hun eng emaw ti hnuah chuan kha file kha Joint Secy DopT hnenah a awm tih kan hria, JS chu Pi L Tochhawng, kan CS bachmate ani tih kan hriat tak hnuah a duh vaklo chung ka ngenna avangin Pi Tochhawngi chuan a be ta tho a, tichuan fel khatin a fel ta phawt. Indian Economics Service (IES) cadre Authority khan deputation a kal turin one step up (post 1 a kaisang) lo chuan an phal loh thu TOR ah an rawn dah a, kan state deptt. lamin an lo phal lo ve thung..! IES ho lah thinrim bawk, mahse, Pu Sangmama khan Zoram tan a theihna hman a chak ve bawk si, alo chhuak ta tho a, a kawng a kual reuh a nia aw.
Mizoramah Sept 2014 atangin 2021 kum tir thleng a awm a. Kan hotute khan an ring tawk bawk aniang, sr.secy te chan thin Planning dept' an chan tir nghal ngam tlat a ni.
Project lian siam leh nawrchhuah lamah hian a ni aia tha hi an tam biklo maithei e.. M/Donor ah kalphung pangngai piah lamah RV Kumar IAS, Donor secy te kha Manipur Raj Bhavanah han panin High Court Building, Multilevel Car Parking leh Account & Treasury building thar te pawh kan neih phah ta hial a, Zoram tana rohlu tling an ni.
Thlarau MR tihbo leh BPL data pakhat hman te hi a thu a tawi aiin a ril a ania aw. UNDP mithiamte nen a Procurement policy / manual mumal tak siam te kha sawrkar hian hmang ila a tha dawn mawle.
Education dept zirtirtuten kum 20 dawn hlawh indaih budgetah an nei ngai lo, February leh March thla hlawh hi April-ah an la ziah. kum 2015 a tanga an neih tak dan te kha a ngaihnawm.
Planning commission atanga NITI Ayog inthlak thleng lai vel a kan CM Pu Hawla, Finance Minister Pu Sawta leh Planning board Vice Chairman Pu Liansailova te ngaihtuahna kha alo van ril awm em aw. Zoram tan hian a hlu tak zet.
Development policy thar component hrang hrang fun kim bawk si, NLUP chhunzawmna tur atan market leh growth drivers identify chung a ruahman kha India ram news lian ho zawng zawngah an tarlang deuh vek ti ila kan sawi sual kher lo ang. #Congress_Sawrkar_policy thar NEW ECONOMIC DEVELOPMENT POLICY (NEDP) kha sawi mai aiin a ril, a kungpui pakhat chu Pu Sangmama bawk kha a ni.
NEDP avanga vawiin thleng a dept' hrang hrang hmasawnna leh hnathawhte hi a tahtawlin alang chhuak mek zel a nih hi. Incentive cash award kan dawn thin te, smart city project hawn chhoh dan te, zirna leh damdawiin lam hmasawnna kan neih belh tam zia te, innovation hup Mineco, project monitoring committee leh Delayed Project Monitoring committee te hi tun leh nakin zel a sawrkar tur pawhin la hmang tangkai zel tur ani tih a chiang hle mai.
Zoram thalai, mi thiam zawkte han ṭang sauh sauh te u, hei bak ram kan neih loh hi, Zoram tana mi ṭangkai kan mamawhna a zual zel dawn ania, kum 2015 khan Middle leh high school ah Science leh Mathematics subject zirtirtu bik kan nei ve chauh a ni a, mahse, Er. Leh Dr. tha tak tak kan neihna a rei tawh. Kan tum chuan Pathian zarah kan thei tih i hria ang u.
Delhi tlang leh zoram hi zofate thirhrui hian thlun zawm ila, chuta tang chuan khawvel hmun dangah thut hmun dang kan siam leh hun hi ka van nghakhlel tak em aw. Thangthar / thalai, mi thiam leh Zoram hmangaih kan mamawh telh telh a nia, ṭang ang u. 💪🏼👍🏼
Pic: kan CM Pu Duhawma pawh hian Congress bulṭan leh hmalakna chu tha a ti a ni tih a chiang thin.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: