LBS Kia-in Aizawl-ah Kia Seltos thar leh Electric Motor

Aizawl | Feb 5, 2026: LBS Motors LLP. chuan Baptist Centre, Falkland ah Kia Motor Seltos thar leh Kia Electric Motor - Carens Clavis EV khuhhawnna an nei a. PC Lalduhthlanga (MPS) leh Transport Director Er R Lalrammawia Aizawl ten Motor khuh hawnna hun hi an hmanpui a ni.

Motor sawi zauna hun hi Info Cars leh LBS Kia Vehicle In-charge Vanlalfakawma'n an nei a, Kia Seltos thar ah hian Memory Seat leh Memory Outside Rear View Mirror te a rawn nei thar a, OTA (Over The Air) Software Update theih ani dawn bawk a ni. Kia Carens Clavis EV ah hian Battery Pack duhthlan tur chi hnih a awm a, vawi khat Charge full hian KM 490 a tlan thei a, he Electric Motor hian Power Output Electrical Appliance hrang hrang hman theihna tur a nei bawk a, Kia Motor hian Kum 2019 ah India ramah bung thar rawn kaiin Kia Seltos hi an Flagship motor a ni.

Kumin 2026 January thla ah khan Motor 27,603 India ramah hralh a ni bawk. Kia motor hian India rama bung thar an rawn kai atangin kumtin Market Share an zauh zel a ni.

LBS Kia Dealershin hian Mizoramah kum 2022 October thla atanga motor hralh chhuak in vawiin thleng hian Kia Motor hi Sang chuang dawn hralh tawh in, Kia motor model hrang hrang chi ruk an nei a. Vawiin a an khuh hawn motor te hi engtik lai pawh a LBS Kia Showroom Falkland ah entheih leh khalhchhin theihin a awm reng a ni.

A rualin Mizoramah Seltos thar leh Carens Clavis EV an tlangzarh

LBS Motors LLP chuan ninganiah Baptist Centre, Falkland-ah a rualin Kia car pahnih Seltos thar leh Carens Clavis Electric Vehicle an tlangzarh.

Transport Department Director Er Lalrammawia'n Carens Clavis EV chu 'mawi taka siam a ni a, a duh apiang lei theih turin' a khuh hawng a. Home Department joint Secretary Pu PC Lalduhthlana chuan, a leituten an tluanpui ngei theih nan duhsakna hlanin Seltos thar a khung hawng bawk.

Er Rammawia chuan lirthei zuartute nen englai pawhin an inhre reng a, LBS-in hralh chhuah lamah mai ni lovin a hnu thlenga enkawl zui kawngah fak an hlawh a, fak tlak an nih avangin a fak duh tih sawiin an hnen aṭangin lirthei lei ngam a nihzia a sawi.

Kia-in India ramah August 22, 2019 khan Seltos tlangzarhin car an siam chhuah zinga an hralh theih ber a ni a. January 2026 thlengin India ram bikah 6,00,000 vel an hralh tawh. January 2, 2026 khan a thar tichhuakin Mizoramah thla khat chuang hnuah khuh hawn a ni a, a man tlawm ber Rs

14,95,094 leh a to ber Rs 23,05,157-in a lei chhuah theih.

A hma aiin chhungkaw hman mil tur zawka duan a ni a, India rama car zinga a chhung chei kawnga Kia hming thatna a chhawm nung tha hle a ni.

July 15, 2025 khan India ramah Carens Clavis EV tlangzarh a ni tawh a, LBS Motors-in an khuh hawn ve leh rualin Mizorama Kia electric car an tlangzarh hmasak ber a ni a. Mi pasarih ṭhut theihna niin mi mal mai bakah chhungkaw tana hman theih a ni a, chak taka tlanpui ngam tura siam a ni.

Battery chi hnih a awm a, a tê zawk 42kwh niin 99kw leh 255Nm a pe chhuak thei a. Charge full-in km 404 tlan thei a ni tih ARAI-in a pawmpui a, battery lian zawk 52kwh niin 126kw leh 255Nm a pe chhuak thei a, charge full-in km 490 a tlan thei ve thung.

Mizoramah Carens Clavis EV hi a man tlawm ber Rs 20,14,749 niin a to ber Rs 27,05,294 a ni ve thung a. LBS Kia showroom, Zemabawkah car pahnih hi a duh tan ngaihven theih a ni a, khalh chhin theih a ni bawk.