Hnam buaina avanga kut tuar MLA Vungzagin Valte a her liam ta!

Aizawl | Feb 20, 2026: Manipur MLA, Zohnahthlak MLA, buaina avanga hnam dang kut tuar, Vungzagin Valte chu vawiin tlai dar 5:25 khan a her liam ta!

Vungzagin Valte hi Medanta Medicity Hospital, Gurgaram-ah a hun tawp hi a hmang a. A vui dan tur leh, a ruang zalhna turte hi sawi a la ni lo.

Kut a tuar:
BJP MLA Vungzagin Valte chu May 4, 2023 khan Meitei ten an bei a, hliam na tak a a tuar a. Regional Institute of Medical Sciences, Imphal-ah enkawl a nih hnu-ah Delhi lamah enkawl zui a ni.

MLA Vungzagin Valte hi CM Biren Singh a hmu zo Manipur Chief Minister Secretariat atanga a chenna lam a pan lai chu kawnga lo awm Meitei nia hriat ten a chuanna lirthei beiin hliam na tak a tuar a ni.

Pherzawl District chhunga Thanlon Constituency atanga thlan tlin Vungzagin Valte hi Politician hriat hlawh leh lar, Tribal Affairs minister pawh lo ni tawh a ni.

K Vena'n a tlawh:

Vungzagin hi Mizoram Rajya Sabha MP MP K Vanlalvena chuan July 29, 2023 khan Manipur buaina avanga hliam tuar MLA Vungzagin Valte chu Delhi-a an in luahah kan.

K Vena hian Vungzagin hi Delhi-a an in luaha tlawhin, an dinhmun te a hmuhpui a, che chhuak leh mai thei tur hmel a put loh thu a sawi.

Lengpui-ah hmuak:
Meitei te kuttawrh vanga rei tak Delhi-a inenkawl tawh Manipur-a Mizo MLA, Adviser to CM ni bawk Vungzagin Valte chu April 9, 2025 chhun dar 1:30 khan Lengpui Airport-ah MSU General Headquarters chuan an lo hmuak a ni.

He hunah hian Manipur MLA Vungzagin Valte chuan, Mizo mipuite hnena lawmthu sawi duh vangin Mizoram lo tlawh hmasa a nih thu a sawi.

Manipura Zofate leh Meitei te inkara buaina a intan ni (May 3) tuk - May 4, 2023 khan Thanlon bialtu MLA Vungzagin Valte chuan, a ina Mizo mipui tlan khawmte him taka an chhuah theih nan khatih hunlaia Chief Minister N Biren Singh chu a chennaah a va hmu a, chumi haw lam chu mipui thinrim inhawrkhawmin an lo bei a, thichhawnga letin, an kalsan a, hun rei tak Delhi-ah enkawl a nih hnuin vawiin khan Mizoram a rawn lut ta a ni.

Vungzagin chuan, Biren Sing chuan Mizo te a hmuhsit thu leh, Mizo te do zawnga a chet thu a sawi a. A natna avanga hun harsa tak tawka a inenkawl lai khan Manipur Sorkar emaw Assembly atangin tanpui beitham tak chauh a dawn thu a sawi bawk.

Vungzagin chuan, amah lo hmuaktu MSU, SSPP leh Mizoram mipuite chungah lawmthu a sawi tak meuh meuh a, kan hmaa chona awm hmachhawn turin Zofate kan tanrual a tul thu a sawi bawk.

Vungzagin Valte dam taka Mizoram alo thleng leh lawmna atan hian Dr. H&TE Minister Vanlalthlana pawhin thilpek a hlan ve bawk a ni.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]