Aizawl | Feb 24, 2026: High Court-in RL Peka chhungte zualkona thutlingah pawm a, insawifiah turin Tanhril atanga hnawhchhuahna tura hming ziaktute leh sorkar a hriattir nghal. RL Peka nupuiin police-in Jan 27,2026 a an thuchhuaha Marina Lalchhanchhuahi thattu-a a pasal an puhna leh hemi Police PR avanga veng chhung atanga hnawhchhuahna thiah a dilna chu vawiin khan High Court-in a ngaihtuah a. High Court-ah hian an in halna avanga an bungraw chhia sawrkar leh hnawhchhuahna signtu laka compensation Rs 7,61,130/- a dil a, henga inhnamhnawih te case siamsak turin an dil tel bawk.
Thubuai thehluttu hian a pasal chu engti kawngmaha Marina-i thattu a nih theih loh thu sawiin, "YMA Mibo Zawnna ni 3.12.2026 a an thuchhuah -ah pawh ni 1.12.2025 tlai lam dar 5 ah Marina-i hi Tanhril Vengtharah auto a chuang lai hmuh thu tarlan a ni a. Hemi ni hian Peka hi chawhnu pumpui inah awmin an chhungte nen chaw an eikhawm a, pawn lamah a chhuak tawh lo,"
"Marina-i thih avanga an in atanga zuang thla ni lovin, accident palh avanga tla thla niin mit ngeia hmutu pawhin a zuangthla ni lovin a far thla," tiin a sawi.
"Tanhril atanga hnawhchhuahna lehkha siamtute hian an awmna pawl (YMA, MHIP, MUP, LC) anga thutlukna (Executive Committee notice leh thurel) pawh awm lovin hnawhchhuahna hi an siam," niin tarlan a ni bawk.
Thubuai thehlutttu ukil hian Police thuchhuahtu IGP & Chief Public Relation Officer, MRP, Media Cell hian Supreme Court in People’s Union for Civil Liberties & Anr. Vs. State of Maharashtra & Ors (2023 INSC 833) case a Police in PR an siam dan tur kaihhruaina a bawhchhia a ti a.
Tin, Supreme Court in Tehseen S. Poonwalla Vs. Union of India & Ors (2018 9 SCC 501) case a hetiang mipui mob rule chungchanga inhnamhnawihte case siam sak tur an nih thu court-ah hian a thlen a. RL Peka te in halsak kaihhnawiha inhnamhnawihte Social Media-ah chiang taka an lang chunga tumah man an la nih loh thu court-ah hian a sawi.
Court hian sawrkar leh hnawhchhuahna lehkha-a sign tute hi March 9, 2026 hian insawifiah turin a ti.
(Case detail - WPC 12/2026 C Laltanpuii Vs State of Mizoram & 7 ors)
(A ziaktu Pu JC Lalnunsanga remtihnaa lakchhawn a ni a, dan leh court thuttlukna thar chungchanga chhiar belh duh tan https://www.jclalnunsanga.in ah hian tlawh theih reng a ni. ~ Explore Mizoram)
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: